يندونەزيا وڭتۇستىك ازيادا كوروناۆيرۋس جۇقتىرعان ناۋقاستار سانى بويىنشا كوش باسىندا. وندا 836 مىڭنان استام ادام تىركەلگەن. ءولىم سانى 25 مىڭعا جۋىقتايدى.
ۇكىمەت حابارلاماسىندا «يندونەزيا ۆاكتسينا ەگۋدە جاستارعا باسىمدىق بەرەدى. ەڭ الدىڭعى كەزەكتە 18 بەن 59 جاس ارالىعىنداعى ازاماتتارعا ەكپە جاسالادى. ازاماتتارىمىزعا قىتايلىق Sinovac ۆاكتسيناسى ەگىلەدى» دەپ جازىلعان. يندونەزيا دەنساۋلىق ساقتاۋ مينيسترلىگىنىڭ وكىلى دوكتور ناديا ۋيكەكو اتالعان ۆاكتسينانى تەكسەرۋ ءالى جالعاسىپ جاتقانىن ەسكەرتتى. ء«بىز 60-تان اسقان ازاماتتارعا اسەرىن تەكسەرىپ جاتىرمىز», دەدى ول.
حالىق ۇكىمەت قاۋلىسىمەن كەلىسىپ وتىر. ولاردىڭ ايتۋىنشا, ەگدە جاستاعى ازاماتتار سىرتقا سيرەك شىعادى. سوندىقتان ولاردىڭ ۆيرۋس جۇقتىرۋ قاۋپى تومەن.
بۇعان دەيىن حابارلانعانداي, الەم ەلدەرىندە ۆاكتسينالاۋ باستالىپ كەتتى. ەگدە جاستاعى ازاماتتارعا دا ۆاكتسينا سىنالدى. كانادادا 89 جاستاعى قارياعا ەگىلسە, گەرمانيادا 101 جاستاعى اقساقالعا ۆاكتسينا سالىندى.
