«وزدەرىڭىز بىلەتىندەي, 2007 جىلى كونستيتۋتسيالىق رەفورما ناتيجەسىندە قابىلدانعان اتا زاڭعا قازاقستان حالقى اسسامبلەياسىنان قر پارلامەنتى ماجىلىسىنە 9 دەپۋتات سايلاۋ قۇقىعى بەرىلگەن وزگەرىستەر مەن تولىقتىرۋلار ەنگىزىلگەن بولاتىن. بۇل قادام ءبىزدىڭ قوعامنىڭ بىرلىگىن نىعايتۋعا, ەتنوستار مۇددەلەرىن بىلدىرۋگە, ولاردىڭ ەلىمىزدىڭ قوعامدىق-ساياسي ومىرىنە قاتىسۋىن جانداندىرۋعا باعىتتالعان ەدى. وسى نورما بىرىككەن ۇلتتار ۇيىمىنىڭ, ەۋروپاداعى قاۋىپسىزدىك پەن ىنتىماقتاستىق ۇيىمىنىڭ جانە باسقا دا حالىقارالىق ۇيىمداردىڭ حالىقارالىق پاكتىلەر مەن كونۆەنتسيالارى اياسىندا قازاقستاننىڭ ادام قۇندىلىقتارى, ازاماتتىق جانە ساياسي قۇقىقتار جونىندەگى حالىقارالىق مىندەتتەمەلەرىن ورىنداۋ ۇدەسىنە جاتادى», - دەدى قحا توراعاسىنىڭ ورىنباسارى – حاتشىلىق مەڭگەرۋشىسى جانسەيىت تۇيمەباەۆ.
ۇسىنىلعان 9 كانديدات:
- ابدراحمانوۆ ساۋىتبەك ابدراحمان ۇلى
- اميرحانيان اۆەتيك رۋبەنوۆيچ
- بۋلاروۆ يلياس يۋسۋپوۆيچ
- دەمەنتەۆا ناتاليا گريگورەۆنا
- لي يۋري ۆيسساريونوۆيچ
- نابيەۆ ۆاكيل گۋسەينوۆيچ
- وسين شاميل ابزالەتدينوۆيچ
- توحتاسۋنوۆ ۆلاديمير يمتاحۋنوۆيچ
- حامەدوۆ ابيلفاس مۋسليموۆيچ
