ولاردىڭ ءبارى الدىن الا ارنايى دايارلىقتان ءوتىپ, بۇگىنگى ساياسي ناۋقاننىڭ ءادىل ءارى اشىق ءوتۋىن قاداعالاۋدا.
ءبىزدىڭ ورتالىققا ءوز جارعىلارىنا الدىن الا وزگەرىس ەنگىزىپ, سايلاۋ ۇدەرىسىنە قاتىسۋ قۇقىنا يە بولعان وڭىردەگى جەتى ۇكىمەتتىك ەمەس ۇيىم تارتىلىپ وتىر. بۇگىن تۇسكە دەيىن وبلىس ورتالىعىنداعى سايلاۋ ۋچاسكەلەرىن تۇگەل ارالاپ شىقتىم. ءبىزدىڭ بايقاۋشىلاردىڭ ايتۋىنشا, ساياسي ناۋقان بارىسىندا سايلاۋعا قاتىستى زاڭ بۇزۋ دەرەكتەرى تىركەلگەن جوق. بۇل جولعى سايلاۋدا سانيتارلىق تالاپتاردىڭ ساقتالۋىن دا ءجىتى قاداعالاپ وتىرمىز.
ءار ۋچاسكەدەگى كابينالار ارنايى سانيتارلىق قۇرىلعىلارمەن ساعات سايىن تازارتىلىپ, الەۋمەتتىك اراقاشىقتىقتىڭ ساقتالۋى قاتاڭ قاداعالاۋعا الىنعان. وبلىستاعى بارلىق سايلاۋ ۋچاسكەلەرىنىڭ كىرەبەرىسىندە مەديتسينا قىزمەتكەرلەرى مەن ۆولونتەرلەر كەزەكشىلىك اتقارىپ جاتىر. ولاردىڭ مىندەتى – سايلاۋشىلاردىڭ سانيتايزەرگە قول شايۋىن قاداعالاپ, دەنە قىزۋىن ولشەپ, ءار ادامعا مەديتسينالىق قولعاپ, ماسكا, قالام ۇلەستىرۋ. ماسكا, قولعاپتارمەن بارلىق ۋچاسكەلەر جەتكىلىكتى تۇردە قامتىلعان.
