ايماق باسشىسى الدىمەن «بايقوڭىر» ۇيىنە كىرىپ, وتباسى مۇشەلەرىمەن تانىستى. بۇل وتباسىندا ءار ۇلتتىڭ بالالارى تاربيەلەنەدى. وتباسىنىڭ انا-تاربيەشىسى جۇلدىز سادىبەكوۆابالالاردىڭ بولمەلەرىن كورسەتتى. «بايقوڭىر» ءۇيىنىڭ ءبىرىنشى قاباتىندا ويىن بولمەسى بار. تاربيەلەنۋشىلەر مۇندا بوس ۋاقىتتارىندا ويىن ويناپ, قولونەرمەن اينالىسادى. ال, بالالاردىڭ وقۋ بولمەسىندە ەلباسىنا ارنالاعان قۇرمەت تاقتاسى ورناتىلعان. ءۇيدىڭ ەكىنشى قاباتىندا جاتىن بولمەلەرى مەن قوناق بولمەسى ورنالاسقان.
ايماق باسشىسى گۇلشارا ابدىقالىقوۆا «الاتاۋ»شىعارماشىلىق ءۇيىنىڭ جۇمىسىمەن دە تانىستى. اكت زالىندا ءوڭىر باسشىسى بالالار ءۇيىنىڭ تاربيەلەنۋشىلەرى ۇيىمداستىرعان جاڭا جىلدىق مەرەكەلىك شارانى تاماشالاپ, ولاردى مەرەكەمەن قۇتتىقتادى.
- قۇرمەتتى بالالار, مەنىڭ جاس دوستارىم! سىزدەردى كەلە جاتقان جاڭا 2021 جىلمەن شىن جۇرەكتەن قۇتتىقتايمىن! بالالارىمىز وزىق ويلى, ءبىلىمدى بولسىن دەگەن نيەتپەن قازىرگى تاڭدا مەملەكەت تاراپىنان دا, ءوڭىر تاراپىنان دا بارلىق جاعداي جاسالۋدا. بوس ۋاقىتتارىڭىزدىڭ ءتيىمدى ءوتۋى ءۇشىن وسى جەردە «روبوتوتەحنيكا», «مەديا كلۋب», «شاعىن تىگىن شەبەرحاناسى», «بالالار جانە قولونەر بولمەسى» جانە «ارت ستۋدياسى» اشىلدى. سىزدەر سپورتپەن شۇعىلدانسىن, جانى سەرگەك, ءتانى ساۋ ازامات بولسىن دەپ قالامىزداعى «مۇز ايدىنى», «ەۆرازيا», «تارلان» سپورت كەشەندەرى مەن «وقۋشىلار سارايىنا» تەگىن قىزمەت ەتۋدى ۇيلەستىردىك. مەن اپايلارىڭىزدان سىزدەردىڭ جاعدايلارىڭىزدى ۇنەمى سۇراپ وتىرامىن. جەتكەن جەتىستىكتەرىڭ كوڭىلىمىزدى مارقايتادى. اتاپ ايتسام, رانو سابانقۇلوۆا لوندوندا وتكەن حالىقارالىق شىعارماشىلىق فەستيۆالىندە ء ى ورىن الىپتى. ال, بيشىلەر مەن انشىلەر توبى جاقىندا پولشا, تۇركيا ەلدەرىندە وتكەن حالىقارالىق بايقاۋلاردا ء بىرىنشى ورىنعا يە بولىپتى. ءاردايىم وسىلاي زور جەتىستىككە جەتە بەرىڭىزدەر! – دەدى وبلىس اكىمى گ.ابدىقالىقوۆا.
شارا سوڭىندا بالالار ءۇيىنىڭ اۋلاسىنداعى جاسىل شىرشا قاسىندا ايماق باسشىسى تاربيەلەنۋشىلەرمەن ەستەلىككە سۋرەتكە ءتۇستى.
