ەر ادامنىڭ جوعالعانى تۋرالى حابار توتەنشە جاعدايلار دەپارتامەنتىنە 21 جەلتوقساندا ساعات 15:55-تە تۇسكەن. سودان بەرى جوعالعان ادامنىڭ قايدا ەكەنى بەلگىسىز بولىپ وتىر.
«شورتانباي اۋىلىنداعى جۇمىسىنان شىققان 60 جاستاعى ازامات كوپتوعاي اۋىلىنا بارماق بولعان. بىراق ۇيىنە جەتپەي جوعالىپ كەتكەن», دەپ حابارلادى دەپارتامەنتتىڭ ءباسپاسوز قىزمەتىنەن.
ونى ىزدەۋگە قۇرمانعازى اۋداندىق توتەنشە جاعدايلار ءبولىمىنىڭ, اۋداندىق پوليتسيا ءبولىمى مەن شورتانباي, كوپتوعاي اۋىلدىق وكرۋگتەرىنىڭ قىزمەتكەرلەرى, سونداي-اق, جەرگىلىكتى تۇرعىنداردان 65 ادام جۇمىلدىرىلدى.
