جاڭا ورتالىقتىڭ جۇمىسىمەن تانىستىرعان «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ قىزىلوردا وبلىسىنداعى فيليالىنىڭ ديرەكتورى ايدىن قايرۋللاەۆ ورتالىقتىڭ حالىققا قىزمەت كورسەتۋدەگى تيىمدىلىگى مەن ارتىقشىلىقتارىن جەتكىزدى.
شاھار باسشىسى مەملەكەتتىك قىزمەتتى ەلەكتروندى تۇردە الۋدىڭ پايىزدىق ۇلەسىن ارتتىرۋ بۇل مەملەكەتتىك قىزمەت كورسەتۋدى حالىققا قولجەتىمدى ەتۋگە بەرىلگەن باسىمدىق ەكەنىن اتاپ ءوتىپ, حالىققا قولايلى جاعداي جاساۋ ماقساتىندا قىزمەت كورسەتۋ ساپاسىن ارتتىرۋعا باعىتتالعان جۇمىستار ءوز جالعاسىن تاباتىندىعىن ايتتى. ورتالىق ەلەكتروندىق قىزمەت الۋعا جۇگىنگەن ازاماتتارعا تەگىن قىزمەت كورسەتەدى. قىزمەت كورسەتۋگە قاجەتتى تەحنيكالىق قۇرال-جابدىقتارمەن تولىق قامتىلعان.
ايتا كەتەيىك, جاڭا ورتالىق قىزىلوردا قالاسىنىڭ اكىمدىگى, مەملەكەتتىك قىزمەت ىستەرى اگەنتتىگىنىڭ قىزىلوردا وبلىسى بويىنشا دەپارتامەنتى جانە بىرلەسكەن جوباسى اياسىندا اشىلعان.
بۇعان دەيىن قالا اكىمدىگىنە قاراستى قىزمەت كورسەتۋگە جاۋاپتى مەكەمەلەردە ەلەكتروندىق تۇردە كورسەتىلەتىن مەملەكەتتىك قىزمەتتەردىڭ قولجەتىمدىلىگىن قامتاماسىز ەتۋ ماقساتىندا 15 «وزىنە-ءوزى قىزمەت كورسەتۋ بۇرىشى» ىسكە قوسىلعان.
مەملەكەتتىك كورسەتىلەتىن قىزمەتتەردىڭ تىزىلىمىنە سايكەس بۇگىنگى كۇنگە قالا اكىمدىگىنە قاراستى مەملەكەتتىك مەكەمەلەر جالپى 80 قىزمەت ءتۇرىن كورسەتسە, ونىڭ ىشىندە 59 قىزمەت ءتۇرى ەلەكتروندىق فورماتتا جۇزەگە اسىرىلادى.
بيىل قاڭتار – قاراشا ايلارى ارالىعىندا وسى قىزمەت تۇرلەرى بويىنشا ەلەكتروندىق نىساندا 46 مىڭ 184 ءوتىنىش قابىلدانعان.
