2020 جىلدىڭ 20 جەلتوقسانىندا پاۆلودار وبلىسىنىڭ پوليتسيا دەپارتامەنتى تابيعاتتى قورعاۋ پوليتسياسى قىزمەتكەرلەرى ماي اۋدانىنداعى رەيد كەزىندە قاراتەرەك اۋىلىنىڭ جانىنداعى لەنين-كۋرچاتوۆ اۆتوجولىندا ۋاز اۆتوكولىگىن توقتاتقان.
كولىكتى شىعىس قازاقستان وبلىسىنىڭ تۇرعىنى ايداپ كەلە جاتقان. تەكسەرۋ كەزىندە اۆتوكولىك سالونىنان ءتيىستى قۇجاتتارى جوق ءىرى كولەمدەگى موڭكە بالىق پەن تور تابىلدى. كولىك جۇرگىزۋشىسىنەن جالپى سالماعى 350 كەلى بالىق, سونداي-اق ۇزىندىعى 100 مەتر تور تاركىلەندى.
اتالعان فاكت بويىنشا قر قك-ءنىڭ 335-بابىنىڭ 3-بولىگى نەگىزىندە (بالىق, باسقا دا سۋ جانۋارلارىن نەمەسە وسiمدiكتەرىن زاڭسىز الۋ) سوتقا دەيىنگى تەرگەۋ باستالدى.
