ءال-ءفارابيدىڭ يدەيالارىن دارىپتەي وتىرىپ, قازۇۋ الەمنىڭ 10 جەتەكشى جوعارى وقۋ ورنىندا اشىلعان ءال-ءفارابيدىڭ ورتالىقتارى مەن مۇراجاي-ۇيلەرى ارقىلى ۇلى ويشىلدىڭ يدەيالارىن كەڭىنەن تاراتۋ ارقىلى ماقساتتى جۇمىس جۇرگىزىپ وتىر. ءال-ءفارابيدىڭ مەرەيتويلىق جىلىندا اقش, رەسەي, گرەتسيا, رۋمىنيا, البانيا, مالايزيا, وزبەكستان, كورەيا رەسپۋبليكاسى جانە بالتىق ەلدەرىندە جاڭا ورتالىقتار قۇرۋ جونىندە ۋاعدالاستىققا قول جەتكىزىلدى.
جاپونياداعى ورتالىق گۋمانيتارلىق, الەۋمەتتىك جانە جاراتىلىستانۋ عىلىمدارى سالاسىندا بىرلەسكەن عىلىمي-ءبىلىم بەرۋ جوبالارىن ىسكە اسىرۋ, قازاق ۇلتتىق ۋنيۆەرسيتەتى ەسىمىن لايىقتى يەلەنىپ جۇرگەن, كورنەكتى عالىم جانە فيلوسوف ءابۋ ناسىر ءال-ءفارابيدىڭ التىن ەنتسيكلوپەديالىق مۇراسىن ىلگەرىلەتۋدىڭ بىرەگەي حالىقارالىق الاڭىنا اينالۋعا ءتيىس.
ء«ال-فارابي ورتالىعىنىڭ اشىلۋى – ويشىل تۇلعاسىنا دەگەن جوعارى قۇرمەتتىڭ بەلگىسى ءارى قازاق حالقىنا دەگەن ۇلكەن دوستىقتىڭ كورىنىسى. ونىڭ بولاشاعى زور. ورتالىق كاسىبي كادرلاردى بىرلەسىپ دايارلاۋعا, قازۇۋ مەن تسۋكۋبا ۋنيۆەرسيتەتى عالىمدارىنىڭ حالىقارالىق رەيتينگتىك باسىلىمدارداعى جاريالانىمدارىن ارتتىرۋعا, سونداي-اق زەرتتەۋ قىزمەتىن دامىتۋعا باعىتتالعان. ورتالىقتا قازاق ءتىلى وقىتىلىپ, قازاقستاننىڭ تاريحى مەن مادەنيەتى تانىستىرىلاتىن بولادى», دەپ اتاپ ءوتتى قازۇۋ رەكتورى عالىم مۇتانوۆ.
مەيدجي (1872) داۋىرىنەن باستاۋ الاتىن جاپونيانىڭ جەتەكشى زەرتتەۋ ۋنيۆەرسيتەتتەرىنىڭ بىرىندەگى ءال-فارابي ورتالىعىنىڭ ميسسياسى حالىقارالىق ارەنادا قازاقستاننىڭ ءيميدجىن ناسيحاتتاۋعا جانە تانىمالدىعىن ارتتىرۋعا باعىتتالعان. سونىمەن قاتار, نەگىزگى سەرىكتەستەر ادامزات وركەنيەتى تاريحىندا باعا جەتپەس ءرول اتقارعان ۇلى فيلوسوف ءال-ءفارابيدىڭ مۇراسىن زەردەلەپ دارىپتەۋ ماقساتىندا ەكى ۋنيۆەرسيتەتتىڭ الەۋەتىن بىرىكتىرۋگە دايىن ەكەندىكتەرىن ءبىلدىردى.
ورتالىقتىڭ اشىلۋىندا ءسوز سويلەگەن تسۋكۋبا ۋنيۆەرسيتەتىنىڭ پرەزيدەنتى ناگاتا كيوسۋكە ءال-فارابي ورتالىعىنىڭ قىزمەتى بىرلەسكەن عىلىمي-ءبىلىم بەرۋ جۇمىسىن ودان ءارى دامىتىپ وركەندەتۋگە ىقپال ەتەتىنىن, سونداي-اق قازاقستان مەن جاپونيا اراسىنداعى قاتىناستاردى نىعايتۋعا ۇلكەن ۇلەس قوساتىنىن العا تارتتى.
اتاپ وتەرلىك جايت, ورتالىقتىڭ اشىلۋى ءال-فارابي اتىنداعى قازۇۋ مەن تسۋكۋبا ۋنيۆەرسيتەتىنىڭ Campus-in-Campus باعدارلاماسىن بىرلەسىپ تابىستى ىسكە اسىرىلۋىمەن جانە كوپ جىلعى جەمىستى ىنتىماقتاستىعىنىڭ ارقاسىندا جۇزەگە استى.
قازاقستاننىڭ اتالعان ەلدەگى ەلشىسى ەرلان باۋداربەك-قوجاتاەۆ: «بۇل ءىس-شارا ەكى ۋنيۆەرسيتەتتىڭ سەرىكتەستىگىنىڭ عانا ەمەس, سونداي-اق ەلدەرىمىز اراسىنداعى دوستىق قارىم-قاتىناستىڭ دا نىشانى... ءال-ءفارابيدىڭ مەرەيتويىن مەرەكەلەۋ – قازاقستاننىڭ جاڭا تاريحىنداعى ماڭىزدى كەزەڭ, ويتكەنى ونىڭ تۇلعاسى الەمدىك قوعامداستىققا ءبىلىم مەن عىلىمنىڭ, مادەنيەت پەن ادەبيەتتىڭ ۇلى دالادا ەجەلدەن دامىعانىن ايشىقتايدى», دەپ تىلگە تيەك ەتتى.
