باعدات مۋسين «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق وبلىستىق فيليالىنىڭ جۇمىسىنا باعا بەرىپ, مەملەكەتتىك كورپوراتسيا ۇجىمىمەن كەزدەستى. فيليال ديرەكتورى فارحات اليموۆ 11 ايداعى جۇمىس قورىتىندىلارى تۋرالى ەسەپ بەرىپ, ءاربىر حقكو-عا كەلگەن ءاربىر ازاماتتارىنا eGov mobile قوسىمشاسىن ورناتۋ بويىنشا ۇسىناتىنىن جانە سمارتفوننىڭ كومەگىمەن تسيفرلىق قۇجاتتاردى پايدالانۋ جانە مەملەكەتتىك قىزمەتتەردى الۋ جولدارىن تۇسىندىرەتىنىن اتاپ ءوتتى.
وڭىرگە جۇمىس ساپارى بارىسىندا مينيسترلىك باسشىسى Open Pavlodar كەڭسە-ورتالىعىندا بولىپ, وندا قالا اكىمى ەرجان يمانسليام قالا تۇرعىندارىنىڭ قىزمەتتەردى الۋىن تسيفرلاندىرۋ جانە جەڭىلدەتۋ باعدارلاماسىن ىسكە اسىرۋ بارىسى تۋرالى ايتىپ بەردى. مينيستر Open Pavlodar كەڭسە-ورتالىعىن ارالاۋ بارىسىندا قالا تۇرعىندارى, حقكو-عى مەن كەڭسە-ورتالىعى كليەنتتەرىمەن اڭگىمەلەسىپ, تولعاندىراتىن سۇراقتارىنا جاۋاپ بەردى. بۇدان باسقا, مينيستر «قازپوشتا» اق فيليالىنىڭ ۇجىمىمەن كەزدەسۋ وتكىزىپ, پوشتا بولىمشەلەرى ارقىلى مەملەكەتتىك قىزمەت كورسەتۋ مۇمكىندىگىن ۇسىنۋ جوسپارلارى جانە مەملەكەتتىڭ پوشتا سالاسىن قولداۋ جوسپارلارى تۋرالى ايتتى.
مينيسترلىك باسشىسى «پروماناليت» جشس-دا بولىپ, تالداۋ جانە ونەركاسىپتىك اۆتوماتتاندىرۋ, ەكولوگيالىق مونيتورينگ جۇيەسى جانە ت.ب. بويىنشا وتاندىق ينجەنەرلەر ازىرلەگەن يننوۆاتسيالىق سەرۆيستەرمەن تانىستى. مينيستر شەتەلدىك انالوگتارمەن باسەكەلەسەتىن جانە باسقا ەلدەرگە ەكسپورتتالاتىن وتاندىق سەرۆيستەردى قۇراتىن وسىنداي زاۋىتتاردىڭ ماڭىزدىلىعىن اتاپ ءوتتى.
«قازاقستان ەلەكتروليز زاۋىتى» اق ارالاۋ بارىسىندا مينيسترگە كاسىپورىننىڭ قىزمەتى تۋرالى اقپارات بەرىلدى, تاۋ-كەن كولىك كەشەنىن باسقارۋ جۇيەسىنىڭ وتىندى ەسەپكە الۋ جانە كولىك مونيتورينگىنىڭ اۆتوماتتاندىرىلعان جۇيەسىنىڭ جۇمىسىن كورسەتتى. كاسىپورىن جوعارى ماركالى باستاپقى ءاليۋمينيدى قازاقستانداعى جالعىز ءوندىرۋشى بولىپ تابىلادى.
سونداي-اق, باعدات مۋسين «قازاقتەلەكوم» اق دەرەكتەردى وڭدەۋ ورتالىعىنا, 109 بىرىڭعاي بايلانىس ورتالىعىنا, تورايعىروۆ ۋنيۆەرسيتەتىنە بارىپ, «Open Akimat» فرونت-كەڭسەسىنىڭ جۇمىسىمەن تانىستى.
سونىمەن قاتار, مينيسترلىك باسشىسى پاۆلودار وبلىسىنىڭ اكىمى ابىلقاير سقاقوۆتىڭ قاتىسۋىمەن اعىمداعى جاعداي جانە ءوڭىردى تسيفرلاندىرۋدى دامىتۋدىڭ پروبلەمالىق ماسەلەلەرى بويىنشا كەڭەس وتكىزدى.
«وڭىرلەردەگى تسيفرلاندىرۋ – وتە جاۋاپتى ءارى ماڭىزدى پروتسەسس. وبلىس اكىمىنىڭ تسيفرلاندىرۋ باعدارلاماسىن ىسكە اسىرۋعا جەكە قاتىسۋى, قولداۋى پاۆلودار وبلىسى الدىڭعى قاتارلى «اقىلدى وبلىستاردىڭ» ءبىرى بولاتىنىنا, ال پاۆلودار بولاشاقتا ءتيىمدى شەشىمدەردى ەنگىزۋ پروتسەسىندە باسقا قالالار ءۇشىن ۇلگى بولا الاتىنىنا سەنىمدىلىك بەرەدى», – دەپ اتاپ ءوتتى باعدات مۋسين كەڭەس بارىسىندا.
