وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ 70%-ىنان تومەن ازاماتتارعا ااك تاعايىندالادى.
بۇدان باسقا, ااك كورسەتۋدىڭ جاڭا تەتىگىن ىسكە اسىرۋ شەڭبەرىندە ەلىمىزدىڭ بارلىق وڭىرلەرىندە تابىسى از وتباسىلاردىڭ مەكتەپ جاسىنا دەيىنگى بالالارىن كەپىلدىك بەرىلگەن الەۋمەتتىك توپتامامەن (بۇدان ءارى – الەۋمەتتىك توپتامامەن) قامتاماسىز ەتۋ بويىنشا جۇمىس جۇرگىزىلۋدە.
اعىمداعى جىلدىڭ 11 ايىندا الەۋمەتتىك توپتاما الۋشىلاردىڭ جالپى سانى 158,1 مىڭ وتباسىن نەمەسە 431,3 مىڭ ادامدى قۇرادى.
1 جاستان 6 جاسقا دەيىنگى ااك الۋشىلار قاتارىنان 216,4 مىڭ بالا ازىق-ت ۇلىك جيىنتىعى جانە تۇرمىستىق حيميا تۇرىندە كەپىلدىك بەرىلگەن الەۋمەتتىك توپتاما الدى.
ەستەرىڭىزگە سالا كەتەيىك, 130 مىڭ قازاقستاندىق وتباسىنىڭ 650 مىڭنان استام ادامىنا IV توقساندا اتاۋلى الەۋمەتتىك كومەك تاعايىنداۋ مەملەكەتتىك ينستانتسياعا جۇگىنبەي-اق اۆتوماتتى تۇردە ۇزارتىلدى. قر ەڭبەك جانە حالىقتى الەۋمەتتىك قورعاۋ ءمينيسترىنىڭ ءتيىستى بۇيرىعى اعىمداعى جىلدىڭ 25 قىركۇيەگىندە قابىلداندى.
ااك الۋشىلارعا بۇدان بۇرىن, II جانە III توقساندا تج رەجيمى مەن كارانتيندىك شەكتەۋ شارالارىنىڭ قولدانىلۋىنا بايلانىستى كومەك تاعايىنداۋ ۇزارتىلعان بولاتىن.
