كەشە كانديدات ءلاززات شىڭعىسباەۆا الماتى وبلىسىنىڭ حالقىمەن كەزدەستى. ول بالقاش اۋدانىنا باقاناس اۋىلىنىڭ تۇرعىندارىمەن جۇزدەسىپ, ولاردىڭ پىكىرىن تىڭدادى.
ءلاززات شىڭعىسباەۆا پارتيانىڭ باسىمدىقتارى تۋرالى ايتا وتىرىپ, حالىقتىڭ قاجەتتىلىگىنە باسىمدىق بەرىلەتىنىن ەرەكشە اتاپ ءوتتى. ال اۋىل تۇرعىندارى وزدەرىن تولعاندىرعان تاقىرىپتاردى قوزعادى.
وسىلايشا, اۋىل تۇرعىندارى يپوتەكا بويىنشا ساتىپ الىنعان تۇرعىن ءۇي ءۇشىن ارتىق تولەم سوماسى تىم كوپ ەكەنىنە نارازىلىق ءبىلدىردى. ولاردىڭ ايتۋىنشا, قازىرگى سوما تىم كوپ. ياعني يپوتەكا العاندار پاتەر ءۇشىن ەكى ەسە ارتىق تولەم جاسايدى. اۋىل حالقى پايىزدىق ۇستەماقى نەگىزگى قارىزدان اسىپ كەتەتىنىنە نارازى.
تۇرعىنداردىڭ پىكىرىنشە, تىم ارتىق تولەم تۇرعىن ءۇي قۇرىلىسىنىڭ مەملەكەتتىك باعدارلامالارى اياسىندا دا قاراستىرىلعان. ەسىمىن جاريالاماۋدى سۇراعان كوپ بالالى انا ازىق-ت ۇلىك باعاسىنىڭ تۇراقتى وسۋىنە شاعىمدانادى.
«تاۋارلاردىڭ نەگىزگى تۇرلەرىنىڭ باعاسىن ۇستاپ تۇرۋ ءۇشىن مەملەكەتتىك ورگان مەن زاڭدى نەگىز جوق پا ەدى؟ باعالار شەكسىز وسە بەرەدى, ال تابىسىمىز وزگەرمەي, بۇرىنعىداي قالا بەرەدى», دەيدى ول.
اۋىلدىڭ تاعى ءبىر تۇرعىنى بيۋدجەت قارجىسىنىڭ قانشالىقتى ءتيىمدى جۇمسالاتىنىنا الاڭداۋشىلىق ءبىلدىردى.
«مەن جىل سايىن اباتتاندىرۋعا, جاڭا نىساندارعا مول قاراجات بولىنەتىنىن بىلەمىن. بىراق جۇمىس ساپاسىنا كۇمان بار. مىنە, قازىر ءبىزدىڭ اۋىلدا بالاباقشا سالىنىپ جاتىر. وعان 250 ميلليون تەڭگە ءبولىندى. ال بۇل اقشا قالاي جۇمسالادى؟ بۇل سۇراققا كىم جاۋاپ بەرەدى؟ جالپى, اقشانىڭ قالاي جۇمسالاتىنىنا حالىقتىق قاتاڭ باقىلاۋ قاجەت», دەيدى ول.
اتىراۋ وبلىسىنداعى قولايسىز ەپيدەميالىق جاعدايعا بايلانىستى ءماجىلىس دەپۋتاتتىعىنا ۇمىتكەر ماقسات تولىقباي مەن داۋلەت مۇقاەۆ ونلاين-رەجىمدە حالىقپەن كەزدەسۋ وتكىزدى. ولار ەلدەگى الەۋمەتتىك-ەكونوميكالىق جاعدايعا جۇرگىزىلگەن تالداۋ نەگىزىندە پارتيانىڭ مىندەتتەرى تۋرالى ايتىپ بەردى. تىكەلەي ەفير بارىسىندا كورەرمەندەر وزدەرىن مازالاعان سۇراقتاردى سپيكەرلەرگە قويىپ وتىردى.
ماسەلەن, قاتىسۋشىلار نەگىزىنەن حالىقتىڭ الەۋمەتتىك ءال-اۋقاتىن جاقسارتۋعا قاتىستى ۇسىنىستارعا نازار اۋداردى. سپيكەرلەردىڭ ايتۋىنشا, الەۋمەتتىك سالا باستى ماقساتقا اينالماق. ونى ىسكە اسىرۋ ءۇشىن بيۋدجەت قىزمەتكەرلەرىنىڭ ورتاشا جالاقىسىن 200 مىڭ تەڭگە دەڭگەيىنە دەيىن ارتتىرۋ, فەرمەرلەردىڭ مەملەكەتتەن سۋبسيديا الۋ جاعدايىن جاقسارتۋ, پروبلەمالىق نەسيەلەرگە راقىمشىلىق جاساۋ, اۋىلداعى تۇرعىن ءۇي قۇرىلىسىن جانداندىرۋ, اۋىلدىق جەرلەردە جاڭا جۇمىس ورىندارىن قۇرۋ جانە باسقا دا ماسەلەلەردى ىلگەرىلەتۋ جوسپاردا بار.
نۇر-سۇلتان قالاسىندا ADAL پارتياسىنىڭ فيليالى ۇيىمداستىرعان بوس جۇمىس ورىندارىنىڭ جارمەڭكەسى ءوتتى. جيىن بارىسىندا 20-عا جۋىق جۇمىس بەرۋشى بوس جۇمىس ورىندارىن ۇسىندى. جارمەڭكەگە 70-تەن استام ەلوردالىق جۇمىس ىزدەپ كەلدى.
