بەينە-كونفەرەنتسيا بايلانىسى بويىنشا ءىس-شاراعا سىبايلاس جەمقورلىققا قارسى قىزمەتتىڭ اۋماقتىق بولىمشەلەرى, مينيسترلىك, ونىڭ ۆەدومستۆولارى مەن ۆەدومستۆوعا باعىنىستى ۇيىمدارى دا قاتىستى.
اگەنتتىك توراعاسىنىڭ ورىنباسارى دميتري مالاحوۆ مينيسترلىك قۇرىلعان ساتتەن باستاپ (2019 جىلعى شىلدە ايى) بىردە-ءبىر سىبايلاس جەمقورلىق قۇقىق بۇزۋشىلىق انىقتالماعانىن اتاپ ءوتتى. «سونىمەن بىرگە بوساڭسۋدىڭ قاجەتى جوق. مينيسترلىك جەتەكشىلىك ەتەتىن سالالارداعى جەمقورلىق تاۋەكەلدەرى جوعارى جاسىرىن سيپاتقا يە. وسىعان وراي, تۇراقتى وڭ كورسەتكىشتى قامتاماسىز ەتۋ ءۇشىن بىرقاتار الدىن الۋ شارالارىن ىسكە اسىرۋ قاجەت», - دەدى سپيكەر.
اتاپ ايتقاندا, سىبايلاس جەمقورلىق تاۋەكەلدەرىنىڭ اراسىندا تاريفتىك كۆوتالاردى, كۆوتاىشىلىك مولشەرلەمەلەردى رەتتەۋ, تاريفتىك جەڭىلدىكتەر بەرۋ, الەۋمەتتىك ماڭىزى بار ازىق-ت ۇلىك ونىمدەرىنە بولشەك ساۋدا باعالارىنىڭ شەكتى ماندەرىن بەلگىلەۋ ماسەلەلەرى بار. تۇتىنۋشىلاردىڭ قۇقىقتارىن قورعاۋ, سونداي-اق تەحنيكالىق رەتتەۋ جانە مەترولوگيا جونىندەگى زاڭنامانىڭ ساقتالۋىن مەملەكەتتىك باقىلاۋ فۋنكتسياسىن جۇزەگە اسىرۋ كەزىندە ازاماتتار, كاسىپكەرلەر جانە ۆەدومستۆو قىزمەتكەرلەرى اراسىندا «تىكەلەي بايلانىس» ساقتالادى.
مينيسترلىكتىڭ جاۋاپتى حاتشىسى جانىبەك ءنوپىروۆ بيزنەس-ۇدەرىستەردى اۆتوماتتاندىرۋ مەن وڭتايلاندىرۋعا نازار اۋدارا وتىرىپ, سىبايلاس جەمقورلىققا قارسى ءىس-قيمىل بويىنشا قابىلدانىپ جاتقان شارالار تۋرالى حاباردار ەتتى.
اتاپ ايتقاندا, بارلىق كورسەتىلەتىن مەملەكەتتىك قىزمەتتەر ەلەكتروندىق فورماتقا اۋىستىرىلدى. تۇتىنۋشىلاردىڭ قۇقىقتارىن قورعاۋ كوميتەتى شاعىم بەرۋدى جەڭىلدەتۋ ماقساتىندا, Telegram مەسسەندجەرىندە چات-بوت جانە توپ قۇردى. بيىل شىلدە ايىنان باستاپ سايكەستىكتى باعالاۋ سالاسىنداعى ەلەكتروندىق اككرەديتتەۋ جۇيەسى ىسكە قوسىلدى.
قازىرگى ۋاقىتتا بىرقاتار جوبالار ىسكە اسىرىلۋدا. «ەكسپورتتاۋشىلارعا ارنالعان بىرىڭعاي تسيفرلىق تەرەزە – export.gov.kz» پايدالانۋعا ىڭعايلى ديدجيتال-پلاتفورمانى قۇرۋعا جانە ەكسپورتتى ىلگەرىلەتۋ سالاسىندا مەملەكەتتىك قولداۋ شارالارىن كورسەتۋ بويىنشا بيزنەس-پروتسەستەردىڭ رەينجينيرينگىن جۇرگىزۋگە مۇمكىندىك بەرەدى.
تاعى ءبىر جوبا – «تۇتىنۋشىلاردىڭ قۇقىقتارىن قورعاۋ جونىندەگى تسيفرلىق پلاتفورما». ول تۇتىنۋشىلاردىڭ وتىنىشتەرىن ورتالىقتاندىرىپ جيناۋدى, وڭدەۋدى جانە باسقارۋدى قامتاماسىز ەتەدى.
بولاشاقتا ۇلتتىق اككرەديتتەۋ ورتالىعى «ە-اككرەديتتەۋگە» كوشۋدى جوسپارلاپ وتىر. بۇل ءوتىنىم بەرۋ, شارتتار جاساسۋ, سايكەستىك سەرتيفيكاتتارىن بەرەتىن كاسىپورىندارعا اككرەديتتەۋ اتتەستاتىن بەرۋدىڭ تسيفرلىق قولتاڭبا پايدالانا وتىرىپ, تەك ەلەكتروندىق تۇردە جۇرگىزىلەتىنىن بىلدىرەدى.
مينيسترلىكتىڭ قوسالقى قىزمەتتەر مەن ۆەدومستۆوعا باعىنىستى ورگانداردى ورتالىقتاندىرۋدى كوزدەپ وتىرعاندىعى حابارلانادى.
