اتقارىلىپ جاتقان جۇمىستار تۋرالى ۇلتتىق ەكونوميكا ءمينيسترى ر. دالەنوۆ, قارجى ءمينيسترى ە. جاماۋباەۆ, يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ, مادەنيەت جانە سپورت ءمينيسترى ا. رايىمقۇلوۆا, ءبىلىم جانە عىلىم ءمينيسترى ا. ايماعامبەتوۆ, دەنساۋلىق ساقتاۋ ءمينيسترى ا. تسوي, اقپارات جانە قوعامدىق دامۋ ءمينيسترى ا. بالاەۆا جانە باسقا دا جاۋاپتى تۇلعالار باياندادى.
بۇگىنگى تاڭدا ۇلت جوسپارىنىڭ 100 قادامىنىڭ 71 قادامى, ونىڭ ىشىندە بيىل 9 قادامى ىسكە اسىرىلدى.
«مەملەكەت باسشىسى قاسىم-جومارت كەمەل ۇلى توقاەۆ ءوزىنىڭ 2020 جىلعى 1 قىركۇيەكتەگى جولداۋىندا ۇلت جوسپارى مەن بەس ينستيتۋتسيونالدىق رەفورما اياسىندا قر تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆتىڭ رەفورمالارىنا ەلەۋلى سەرپىن بەرۋ قاجەتتىگىن اتاپ ءوتتى. بيىل ايتارلىقتاي جۇمىس جۇرگىزىلىپ, جاقسى ناتيجەلەرگە قول جەتكىزىلدى», — دەدى ا. مامين.
پرەمەر-مينيستر ۇلت جوسپارىن تولىق ءارى ساپالى جۇزەگە اسىرۋ بويىنشا بەلسەندى جۇمىستى ودان ءارى جۇزەگە اسىرۋدى تاپسىردى. ينۆەستيتسيالار تارتۋ كولەمىن, ءبىرىنشى كەزەكتە, جاڭا جۇمىس ورىندارىن قۇرۋدى قامتاماسىز ەتەتىن ەكونوميكانىڭ باسىم سەكتورلارىنداعى جاڭا ءىرى جوبالارعا ارتتىرۋ بويىنشا تارماقتارعا ەرەكشە نازار اۋدارىلدى.
وتىرىستا ۇلتتىق كوميسسيانىڭ كەلەسى جىلى «كاسىبي مەملەكەتتىك اپپاراتتى قالىپتاستىرۋ» مەن «يندۋستريالاندىرۋ جانە ەكونوميكالىق ءوسىم» باعىتتارى بويىنشا ۇلت جوسپارىنىڭ 10 قادامىن ىسكە اسىرۋدى كوزدەيتىن 2021 جىلعا ارنالعان جۇمىس جوسپارى بەكىتىلدى.
