ايتسە دە, وبلىس پوليتسەيلەرى مەن توتەنشە جاعداي قىزمەتىنىڭ ماماندارى «پيروتەحنيكا-2020» شاراسىن باستاپ كەتتى. قۇتقارۋشىلار مەن پوليتسەيلەر كوپشىلىككە پيروتەحنيكالىق بۇيىمداردى ساتىپ الۋ, ساقتاۋ, ساتۋ جانە پايدالانۋ ەرەجەلەرىن تۇسىندىرۋدە. ءتارتىپ ساقشىلارى پيروتەحنيكانى ساتۋ ورىندارىندا رەيدتىك شارالار جۇرگىە باستادى.
قالالىق پوليتسيا باسقارماسىنىڭ ءبولىم باستىعى ەلەنا سەميۆولوۆانىڭ ايتۋىنشا, وبلىس تۇرعىندارى سەرتيفيكاتتالعان ونىمدەردى مامانداندىرىلعان دۇكەندەردەن نەمەسە ارنايى بولىنگەن جەرلەردەن ساتىپ الۋى قاجەت. پەتاردالاردا, بەنگال وتتارى مەن وت شاشقىشتاردىڭ نۇسقاۋلىقتارىندا ولاردى پايدالانۋ بارىسىندا ساقتالۋى ءتيىس اراقاشىقتىق مولشەرى جازىلۋى ءتيىس.
ساعات 23-تەن كەيىن وتشاشۋ اتىلعان جاعدايدا ازاماتتار اكىمشىلىك جاۋاپكەرشىلىككە تارتىلۋى مۇمكىن. پوليتسەيلەر تۇرعىندارعا ايماقتا ەپيدەميالىق جاعدايعا بايلانىستى بۇقارالىق شارالارعا تىيىم سالىنعانىن ەسكەرتتى.
قوستاناي وبلىسى
