وبلىس اكىمى ماحامبەت دوسمۇحامبەتوۆتىڭ مالىمەتىنشە, بۇل ءبىلىم ۇياسىندا 831 وقۋشى ءدارىس الادى. ولار وسى كەزگە دەيىن وزگە مەكتەپتەردە وقىعان.
ءۇش قاباتتى مەكتەپ عيماراتىندا 200 ورىندىق اكت زالى مەن 130 ورىنعا ارنالعان اسحانا, جاڭا ۇلگىدەگى پسيحولوگيا كابينەتى مەن مەديتسينالىق پۋنكت بار. جاڭا ءبىلىم وشاعى زاماناۋي قۇرال-جابدىقتارمەن قامتاماسىز ەتىلگەن.
«ەلىمىز تاۋەلسىزدىك العاننان بەرى ءبىلىم بەرۋ سالاسىنا ايرىقشا كوڭىل ءبولىندى. ويتكەنى باسەكەگە قابىلەتتى قۋاتتى مەملەكەت قۇرۋ ءۇشىن ءبىلىمدى ۇرپاق تاربيەلەۋ كەرەك. سول سەبەپتەن مۇعالىمدەر مارتەبەسى كوتىرىلىپ, جىل سايىن جالاقىسى ءوسىپ وتىر. مەكتەپتەردىڭ ماتەريالدىق-تەحنيكالىق بازاسى تۇراقتى جاڭارتىلىپ كەلەدى. اتىراۋ قالاسىندا 1991 جىلدان بەرى 23 مەكتەپ سالىندى. بيىل ەكى مەكتەپ پايدالانۋعا بەرىلدى. ال ءۇش مەكتەپتە كۇردەلى جوندەۋ جۇمىستارى اياقتالىپ, ەكەۋىندە جالعاسىپ جاتىر» دەدى ءوڭىر باسشىسى ماحامبەت دوسمۇحامبەتوۆ.
اكىمنىڭ ايتۋىنشا, «بەرەكە» شاعىن اۋدانىندا 1200, ال دامبى اۋىلىندا 300 ورىندىق جاڭا مەكتەپ سالىنىپ جاتىر. كەلەسى جىلى جاڭاتالاپ اۋىلىندا 300, «بالاۋسا» شاعىن اۋدانىندا 600, اقجار-2 اۋىلىندا 600 وقۋشىعا ارنالعان مەكتەپ پايدالانۋعا بەرىلەدى. ءتورت مەكتەپتىڭ جانىنان قوسىمشا 120 ورىنعا ەسەپتەلگەن جاپسارجاي سالىندى. سونداي-اق عيماراتى اپاتتى جاعدايدا دەپ تانىلعان م.جۇماباەۆ اتىنداعى ورتا مەكتەپ ءۇشىن 160 ورىندىق جاڭا نىسان سالۋ جوسپارلانىپ وتىر.
«مۇنىڭ بارلىعى تاۋەلسىزدىكتىڭ تىرەگى – جاس بۋىننىڭ ساپالى ءبىلىم الۋى ءۇشىن جاسالعان قادام. ويتكەنى ساپالى ءبىلىم عانا سانالى ۇرپاقتىڭ قالىپتاسۋىنا ىقپال ەتەدى. وسى ماقساتتا نازارباەۆ زياتكەرلىك مەكتەبىمەن بىرلەسە ارنايى جول كارتاسىن دايىندالىپ جاتىر» دەدى وبلىس اكىمى.
