الماتىلىق ارىپتەستەرىنەن كەلىپ تۇسكەن باعىت-باعدار بويىنشا قىزىلوردا وبلىسى پوليتسيا دەپارتامەنتىنىڭ جەكە قۇرامى قۇلاقتاندىرىلىپ, دەرەۋ جەدەل ىزدەستىرۋ شارالارى باستالدى. كۇنى – ءتۇنى جۇرگىزىلگەن ىزدەستىرۋ جۇمىستارىنىڭ ناتيجەسىندە يۋۆەنالدى پوليتسەيلەر 21 جەلتوقسان كۇنى كەشكى ساعات 20:45 شاماسىندا قىزىلوردا قالاسى جاپپاسباي باتىر كوشەسىنىڭ بويىندا جالعىز جۇرگەن ءبىر بالانى بايقايدى. تەكسەرۋ بارىسىندا ونىڭ ىزدەۋدە جۇرگەن ءجاسوسپىرىم ەكەندىگى بەلگىلى بولدى.
قىزىلوردا قالالىق پوليتسيا باسقارماسى جەرگىلىكتى پوليتسيا قىزمەتى ءبولىمىنىڭ يۋۆەنالدى پوليتسيا بولىمشەسىنىڭ ينسپەكتورى, پوليتسيا اعا لەيتەنانتى مۇرات باينازاروۆ ءجاسوسپىرىمدى قىزىلوردا وبلىستىق كامەلەتكە تولماعانداردى بەيىمدەۋ ورتالىعىنا ورنالاستىردى.
قازىرگى ۋاقىتتا پوليتسەيلەر جوعالعان ءجاسوسپىرىمنىڭ اتا – اناسىمەن حابارلاسىپ, ولاردىڭ وبلىس ورتالىعىنا كەلۋىن كۇتۋدە. بۇعان قوسا, بۇل وقيعانىڭ سەبەپتەرى مەن ءمان-جايلارى انىقتالۋدا.
