پوليتسيانىڭ حابارلاۋىنشا, 19 جەلتوقساندا كوكشەتاۋ قالاسىنىڭ پوليتسيا باسقارماسىنا 39 جاستاعى تۇرعىننان ارىز تۇسكەن. ونىڭ ايتۋىنشا, 17 جەلتوقساندا بەلگىسىز بىرەۋلەر ونى سوققىعا جىعىپ, تەلەفونىن ۇرلاپ كەتكەن
شىعىن كولەمى 50 مىڭ تەڭگەنى قۇرادى.
ەر ادامنىڭ ايتۋىنشا, سول كۇنى جۇمىستان شىققان سوڭ تاكسي توقتاتقان. سودان كەيىن كولىك ىشىندە وتىرعان ەكى اداممەن تانىسقان.
جاڭادان تانىسقان ەكى ادام قوناققا بارا جاتقان. وسىلايشا, جاڭا تانىسقان ادامعا بىرگە بارۋدى ۇسىنعان. وتىرىپ ىشىمدىك ىشكەن سوڭ جابىرلەنۋشى مەن كۇدىكتى اراسىندا جانجال تۋادى. ناتيجەسىندە ولار ارىز بەرۋشىنى ۇرىپ, توناپ كەتكەن.
ەر ادام پوليتسياعا ەسىن جيعان سوڭ كەلدى. ول ءوزىنىڭ جاڭا تانىستارى تۋرالى ەشتەڭە بىلمەيدى, ولارمەن قاي جەردە وتىرعانى دا ەسىندە ەمەس.
جەدەل-ىزدەستىرۋ شارالارى بارىسىندا پوليتسيا كوكشەتاۋ قالاسىنىڭ 23-41 جاس ارالىعىنداعى ءۇش تۇرعىنىن انىقتادى.
قازىرگى ۋاقىتتا اتالعان فاكتى بويىنشا قىلمىستىق كودەكستىڭ 191-بابىنىڭ 2-بولىگى (توناۋ) بويىنشا سوتقا دەيىنگى ءىس قوزعالدى.
كۇدىكتىلەرگە قاتىستى كۇزەتپەن ۇستاۋ تۇرىندەگى بۇلتارتپاۋ شاراسى تاڭدالدى.
