2013 جىلعى 5 قىركۇيەك, استانا قالاسى
ارنايى اۆتوماتتاندىرىلعان ولشەۋ قۇرالدارىن پايدالانۋ قاعيدالارىن بەكىتۋ تۋرالى
«اۆتوموبيل كولىگى تۋرالى» 2003 جىلعى 4 شىلدەدەگى قازاقستان رەسپۋبليكاسى زاڭىنىڭ 13-بابىنىڭ 13-1) تارماقشاسىنا سايكەس بۇيىرامىن:
1. قوسا بەرىلىپ وتىرعان ارنايى اۆتوماتتاندىرىلعان ولشەۋ قۇرالدارىن پايدالانۋ قاعيدالارى بەكىتىلسىن.
2. قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ
كولىكتىك باقىلاۋ كوميتەتى (ق.ب.ءابساتتاروۆ):
1) وسى بۇيرىقتى زاڭنامامەن بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن بۇقارالىق اقپارات قۇرالدارىندا, سونىڭ ىشىندە قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ ينترنەت-رەسۋرسىندا رەسمي جاريالاۋدى جانە مەملەكەتتىك ورگاندار ينترانەت-پورتالىندا (مويپ) ورنالاستىرۋدى;
3) قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ زاڭ دەپارتامەنتىنە وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن 5 جۇمىس كۇنى ىشىندە مەملەكەتتىك تىركەۋ تۋرالى جانە بۇقارالىق اقپارات قۇرالدارىندا جاريالاۋعا جىبەرۋ تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ كولىك جانە كوممۋنيكاتسيا ۆيتسە-ءمينيسترى ا.ع. بەكتۇروۆقا جۇكتەلسىن.
4. وسى بۇيرىق العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
ءمينيستردىڭ مىندەتىن اتقارۋشى ر. سكليار.
قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ
مىندەتىن اتقارۋشى 2013 جىلعى 5 قىركۇيەك №689 بۇيرىعىمەن بەكىتىلگەن
ارنايى اۆتوماتتاندىرىلعان ولشەۋ قۇرالدارىن
پايدالانۋ قاعيدالارى
1. جالپى ەرەجەلەر
1. وسى ارنايى اۆتوماتتاندىرىلعان ولشەۋ قۇرالدارىن پايدالانۋ قاعيدالارى (بۇدان ءارى – قاعيدالار) «اۆتوموبيل كولىگى تۋرالى» 2003 جىلعى 4 شىلدەدەگى قازاقستان رەسپۋبليكاسىنىڭ زاڭىنا سايكەس ازىرلەنگەن.
2. قاعيدالار قازاقستان رەسپۋبليكاسى اۋماعىندا ارنايى اۆتوماتتاندىرىلعان ولشەۋ قۇرالدارىن پايدالانۋ ءتارتىبىن ايقىندايدى.
3. ارنايى اۆتوماتتاندىرىلعان ولشەۋ قۇرالدارىنىڭ نەگىزگى مىندەتتەرى:
1) ناقتى ۋاقىت رەجيمىندە ارنايى بەينەباقىلاۋ كامەراسىنىڭ جانە ولشەۋ قۇرالدارىنىڭ كومەگىمەن اۆتوموبيل جولدارىنداعى كولىك قۇرالدارىنىڭ قوزعالىسىن باقىلاۋ جانە مونيتورينگ;
2) وتاندىق جانە شەتەلدىك تاسىمالداۋشىلاردىڭ قازاقستان رەسپۋبليكاسى اۋماعىندا بەلگىلەنگەن رۇقسات ەتىلگەن كولەمدىك جانە سالماقتىق ولشەمدەردىڭ ساقتالۋىن ناقتى ۋاقىت رەجيمىندە باقىلاۋ;
3) اۆتوموبيل جولدارى جەلىسىنىڭ جانە ولارداعى قۇرىلىستاردىڭ ساقتالۋىن قامتاماسىز ەتۋ جانە اۆتوموبيل جولدارىنىڭ ۋاقىتىنان بۇرىن نورماتيۆتىك ەمەس توزۋىن تومەندەتۋ;
4) وتاندىق جانە شەتەلدىك اۆتوكولىك قۇرالدارىنىڭ ءجۇرىپ ءوتۋىن باقىلاۋ ارقىلى اۆتوموبيلمەن تاسىمالداۋدىڭ قاۋىپسىزدىگىن ارتتىرۋ;
5) قازاقستان رەسپۋبليكاسىنىڭ اۋماعىندا اۆتوموبيل كولىگى سالاسىنداعى اكىمشىلىك قۇقىق بۇزۋشىلىقتاردىڭ الدىن الۋ, تىيىم سالۋ جانە انىقتاۋ پروتسەسىن اۆتوماتتاندىرۋ.
4. قاعيدالاردا قولدانىلاتىن نەگىزگى ۇعىمدار مەن تەرميندەر:
1) ارنايى اۆتوماتتاندىرىلعان ولشەۋ قۇرالى – مەترولوگيالىق تەكسەرۋدەن وتكەن, فوتو جانە بەينە ءتۇسىرىلىم جۇرگىزەتىن, اۆتوماتتى رەجيمدە جۇمىس ىستەيتىن, اۆتوكولىك قۇرالدارىنىڭ ءتۇرىن, ماركاسىن, مەملەكەتتىك تىركەۋ بەلگىسىن, سالماقتىق جانە (نەمەسە) كولەمدىك ولشەمدەرىن تىركەيتىن سەرتيفيكاتتالعان ارنايى باقىلاۋ-ولشەۋ تەحنيكالىق جابدىعى;
2) كولىك قۇرالىن ولشەۋ – جىلجىمالى جانە ستاتسيونارلىق سالماقتىق جابدىقتاردىڭ, سونداي-اق مىندەتتى مەترولوگيالىق تەكسەرۋدەن وتكەن جانە ءتيىستى سەرتيفيكاتى بار ارنايى اۆتوماتتاندىرىلعان ولشەۋ قۇرالدارىنىڭ كومەگىمەن اۆتوكولىك قۇرالدارىنىڭ جالپى سالماعىن, بىلىككە تۇسەتىن جۇكتەمەلەردى جانە كولەمدىك ولشەمدەرىن انىقتاۋ پروتسەسى;
3) اقپاراتتىق - باعدارلامالىق كەشەن – اقپاراتتىق پروتسەستەردى قامتاماسىز ەتەتىن باعدارلامالىق جانە تەحنيكالىق قۇرالداردىڭ جيىنتىعى.
2. ارنايى اۆتوماتتاندىرىلعان ولشەۋ قۇرالدارىن
پايدالانۋدىڭ ءتارتىبى
5. قازاقستان رەسپۋبليكاسى اۋماعىندا ارنايى اۆتوماتتاندىرىلعان ولشەۋ قۇرالى جالپى پايدالانىمداعى اۆتوموبيل جولدارىندا ورنالىستىرىلادى.
6. اۆتوكولىك قۇرالدارىن قوزعالىستى ولشەۋ ستاتسيونارلىق ۇلگىدەگى ارنايى اۆتوماتتاندىرىلعان سالماق ولشەۋ قۇرالىندا جۇرگىزىلەدى.
7. ارنايى اۆتوماتتاندىرىلعان ولشەۋ قۇرالىن تەكسەرۋ «ولشەۋ بىرلىگىن قامتاماسىز ەتۋ تۋرالى» 2000 جىلعى 7 ماۋسىمداعى قازاقستان رەسپۋبليكاسىنىڭ زاڭىنا سايكەس جۇزەگە اسىرىلادى.
8. ارنايى اۆتوماتتاندىرىلعان ولشەۋ قۇرالى مىناداي فۋنكتسيالاردى ورىندايدى:
1) ءجۇرىپ وتەتىن اۆتوكولىك قۇرالدارىن تىركەۋ كولىكتىك دەرەكقوردىڭ اقپاراتتىق-تالدامىلىق جۇيەسىنە ءتيىستى مالىمەتتەردى ەنگىزۋ;
2) اۆتوكولىك قۇرالداردى ءتۇرى بويىنشا جىكتەۋ;
3) اۆتوكولىك قۇرالدارىنىڭ مەملەكەتتىك تىركەۋ نومىرلىك بەلگىسىن بايقاپ تانۋ;
4) رۇقسات ەتىلگەن سالماقتىق جانە كولەمدىك ولشەمدەردىڭ اسىرۋىن انىقتاۋ;
5) ەسەپتىك دەرەكتەردى قالىپتاستىرۋ;
6) دەرەكتەردى قازاقستان رەسپۋبليكاسى كولىك جانە كوممۋنيكاتسيا مينيسترلىگى كولىكتىك باقىلاۋ كوميتەتىنىڭ احۋال ورتالىعىنا (بۇدان ءارى – احۋال ورتالىعى) جىبەرۋ.
9. ارنايى اۆتوماتتاندىرىلعان ولشەۋ قۇرالىمەن اۆتوموبيل جولدارىندا اۆتوكولىكتىك قۇرالدارىنىڭ قوزعالىسىن باقىلاۋ جانە مونيتورينگ مىناداي تارتىپپەن جۇزەگە اسادى:
1) اۆتوكولىك قۇرالى ارنايى اۆتوماتتاندىرىلعان ولشەۋ قۇرالى ارقىلى ءجۇرىپ وتەدى;
2) ناقتى ۋاقىت رەجيمىندە اۆتوكولىك قۇرالىنىڭ ءتۇرى انىقتالادى, مەملەكەتتىك تىركەۋ نومىرلىك بەلگىسى وقىلادى, سالماقتىق جانە (نەمەسە) كولەمدىك ولشەمدەرى انىقتالادى, ءجۇرىپ ءوتۋدىڭ 4 دانادا سۋرەت تىركەلۋى جۇرگىزىلەدى (الدىنان كورىنىس, بۇيىردەن كورىنىس, الدىننان جانە ارتىنان مەملەكەتتىك تىركەۋ ءنومىرى);
3) اپپاراتتىق-باعدارلامالىق كەشەن قابىلدانعان دەرەكتەردى (سۋرەت, مەملەكەتتىك تىركەۋ نومىرلىك بەلگىسى, بىلىكتەر اراسىنداعى قاشىقتىق, دوڭعالاقتاردىڭ ەڭكۋلىگى, جالپى سالماعى, بىلىككە تۇسەتىن جۇكتەمەلەر, كولەمدىك ولشەمدەرى جانە ت.ب.) تىركەپ, وڭدەيدى;
4) اۆتوكولىك قۇرالدارىنىڭ سالماقتىق, كولەمدىك ولشەمدەرىنىڭ اسۋى انىقتالعان كەزدە اۆتوكولىك قۇرالى تۋرالى فوتوبەينە مەن اقپارات بۇزۋشىلىق تۋرالى ەسەپتى قالىپتاستىرۋ ءۇشىن دەرەكقوردا ساقتالادى;
5) ولشەۋ ناتيجەلەرى بويىنشا جۇرگىزۋشىنى حاباردار ەتۋ ماقساتىندا اۋىسپالى اقپارات تاقتاسىندا (تاقتا بولعان جاعدايدا) اۆتوكولىك قۇرالىنىڭ مەملەكەتتىك تىركەۋ نومىرلىك بەلگىسى, بىلىكتەر بويىنشا اسىرۋ جانە جالپى سالماعى تۋرالى اقپارات كورسەتىلەدى.
6) الىستان باقىلاۋدىڭ بارلىق فۋنكتسيالارى احۋال ورتالىعىنا ارنايى اۆتوماتتاندىرىلعان ولشەۋ قۇرالىنىڭ بايلانىستىڭ ارنالارى ارقىلى تۇسەدى.
––––––––––––––––
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 7 قازاندا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە № 8788 بولىپ ەنگىزىلدى.
