جامبىلدىق ەڭبەك ادامدارى ماراپاتتالدى

ەكىنشى دارەجەلى «دوستىق» وردەنى قورداي اۋدانى, سورتوبە اۋىلدىق وكرۋگىنىڭ اكىمى ءىلياس بۇلاروۆ پەن «جامبىل وبلىسى بويىنشا ماحمۇد قاشقاري اتىنداعى ۇيعىر ەتنومادەني بىرلەستىگىنىڭ» پرەزيدەنتى مۋحابات تۋردىەۆاعا تاپسىرىلدى. ال, مەركى اۋدانىنان «مەركى ىرىمشىك زاۋىتى» جاۋاپكەرشىلىگى شەكتەۋلى سەرىكتەستىگىنىڭ ديرەكتورى داستان ايتولەنوۆ, جۋالى اۋداندىق ارداگەرلەر ۇيىمى قوعامدىق بىرلەستىگىنىڭ توراعاسى ەستەمەس امانبەكوۆ, مويىنقۇم اۋدانىنان «اگروفيرما تۇرىكپەن» جاۋاپكەرشىلىگى شەكتەۋلى سەرىكتەستىگىنىڭ باس ديرەكتورى باۋىرجان ابىلداەۆ, ك.ازىرباەۆ اتىنداعى جامبىل وبلىستىق فيلارمونياسىنىڭ ءانشىسى اننا ۆۋندەر, تاراز قالاسىنان «Altais Group» جاۋاپكەرشىلىگى شەكتەۋلى سەرىكتەستىگىنىڭ پرەزيدەنتى الىمبەك جۇماباەۆ, تاراز قالاسىنان ومىرلىك قيىن جاعدايداعى بالالاردى قولداۋ ورتالىعىنىڭ ديرەكتورى ايجان مەيرحانوۆا جانە ەڭبەك ارداگەرى ششورس شارافۋتدينوۆ «قۇرمەت» وردەنىمەن ماراپاتتالدى. سونىمەن قاتار, ەكىنشى دارەجەلى «ەڭبەك» وردەنى سارىسۋ اۋدانىنان «قازفوسفات» جاۋاپكەرشىلىگى شەكتەۋلى سەرىكتەستىگىنىڭ «قاراتاۋ» تاۋ-كەن وڭدەۋ كەشەنىنىڭ باس ينجەنەرى مۇحامەديار رىپباەۆ, شۋ اۋدانىنان «قازاقستان تەمىرجولى جۇك تاسىمالداۋ» اكتسيونەرلىك قوعامىنىڭ شۋ لوكوموتيۆ پايدالانۋ دەپوسىنىڭ تەپلوۆوز ءماشينيسى تولەگەن بارلىباەۆ, جامبىل اۋدانىنان «قىزىل-ديحان قوجالىعى» وندىرىستىك كووپەراتيۆىنىڭ مەحانيزاتورى نيكولاي يۆكين, تالاس اۋدانىنان «يگىلىك» كوپسالالى كاسىپورنىنىڭ اۆتوكران جۇرگىزۋشىسى رىسقالي مايسۋپوۆ جانە تاراز قالاسىنان «قازفوسفات» جاۋاپكەرشىلىگى شەكتەۋلى سەرىكتەستىگى «مينەرالدى تىڭايتقىشتار» زاۋىتى «امموفوس» تسەحىنىڭ اپپاراتچيگى دۇيسەن شىنحوجاەۆقا بەرىلدى.