2013 جىلعى 18 ماۋسىم, استانا قالاسى
«رەسپوندەنتتەردىڭ العاشقى ستاتيستيكالىق دەرەكتەردى ۇسىنۋ ەرەجەسىن بەكىتۋ تۋرالى» قازاقستان رەسپۋبليكاسى ستاتيستيكا اگەنتتىگى توراعاسىنىڭ 2010 جىلعى 9 شىلدەدەگى №173 بۇيرىعىنا وزگەرىس ەنگىزۋ تۋرالى
«مەملەكەتتىك ستاتيستيكا تۋرالى» قازاقستان رەسپۋبليكاسىنىڭ 2010 جىلعى 19 ناۋرىزداعى زاڭىنىڭ 12-بابىنىڭ 8) تارماقشاسىنا سايكەس, بۇيىرامىن:
1. «رەسپوندەنتتەردىڭ العاشقى ستاتيستيكالىق دەرەكتەردى ۇسىنۋ ەرەجەسىن بەكىتۋ تۋرالى» قازاقستان رەسپۋبليكاسى ستاتيستيكا اگەنتتىگى توراعاسىنىڭ 2010 جىلعى 9 شىلدەدەگى №173 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №6475 بولىپ تىركەلگەن, 2010 جىلعى 22 قازانداعى «كازاحستانسكايا پراۆدا» گازەتىندە №279-280 (26340-26341) جاريالانعان) مىناداي وزگەرىس ەنگىزىلسىن:
قوسا بەرىلگەن رەسپوندەنتتەردىڭ العاشقى ستاتيستيكالىق دەرەكتەردى ۇسىنۋ ەرەجەسىن وسى بۇيرىقتىڭ قوسىمشاسىنا سايكەس جاڭا رەداكتسيادا جازىلسىن.
2. اگەنتتىكتىڭ زاڭ دەپارتامەنتى ستراتەگيالىق دامۋ دەپارتامەنتىمەن بىرگە زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونى بۇقارالىق اقپارات قۇرالدارىندا رەسمي جاريالاۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ستاتيستيكا اگەنتتىگىنىڭ جاۋاپتى حاتشىسىنا جۇكتەلسىن.
4. وسى بۇيرىق رەسمي جاريالاۋعا جاتادى جانە ونىڭ رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى.
توراعا ءا.سمايىلوۆ.
قازاقستان رەسپۋبليكاسى ستاتيستيكا اگەنتتىگى توراعاسىنىڭ 2013 جىلعى 18 ماۋسىمداعى №136 بۇيرىعىمەن بەكىتىلدى
قازاقستان رەسپۋبليكاسى ستاتيستيكا اگەنتتىگى توراعاسىنىڭ 2010 جىلعى 9 شىلدەدەگى
№173 بۇيرىعىمەن بەكىتىلدى
رەسپوندەنتتەردىڭ العاشقى ستاتيستيكالىق دەرەكتەردى ۇسىنۋ ەرەجەسى
1. جالپى ەرەجەلەر
1. رەسپوندەنتتەردىڭ العاشقى ستاتيستيكالىق دەرەكتەردى ۇسىنۋ ەرەجەسى (بۇدان ءارى – ەرەجە) «مەملەكەتتىك ستاتيستيكا تۋرالى» قازاقستان رەسپۋبليكاسى زاڭىنىڭ (بۇدان ءارى – زاڭ) 12-بابىنىڭ 8) تارماقشاسىنا سايكەس ازىرلەندى جانە مەملەكەتتىك ستاتيستيكا ورگاندارىنا العاشقى ستاتيستيكالىق دەرەكتەردى ۇسىنۋ ءتارتىبىن انىقتايدى.
2. ەرەجە جالپىمەملەكەتتىك جانە ۆەدومستۆولىق ستاتيستيكالىق بايقاۋلاردى جۇرگىزەتىن مەملەكەتتىك ستاتيستيكا ورگاندارىندا قولدانىلادى.
3. وسى ەرەجەدە قولدانىلاتىن بارلىق تۇسىنىكتەر زاڭدا كورسەتىلگەن مازمۇندا قولدانىلادى.
2. العاشقى ستاتيستيكالىق دەرەكتەردى ۇسىنۋ ءتارتىبى
4. رەسپوندەنتتەر جالپىمەملەكەتتىك جانە ۆەدومستۆولىق ستاتيستيكالىق بايقاۋلاردىڭ ستاتيستيكالىق نىساندارى جانە ولاردى تولتىرۋ جونىندەگى نۇسقاۋلىقتار بويىنشا ستاتيستيكالىق ادىسناماعا سايكەس العاشقى ستاتيستيكالىق دەرەكتەردى ۇسىنادى.
5. ستاتيستيكالىق نىسانداردى ۇسىنۋ مەرزىمى جانە مەكەنجايى, رەسپوندەنتتەردىڭ توبى, ستاتيستيكالىق نىسانداردى بەكىتۋ تۋرالى بۇيرىقتىڭ ءنومىرى مەن مەرزىمى ولاردىڭ تيتۋلدىق بەتتەرىندە كورسەتىلەدى.
6. جالپىمەملەكەتتىك ستاتيستيكالىق بايقاۋلارعا جاتاتىن رەسپوندەنتتەردىڭ توبى (جاپپاي نەمەسە ىرىكتەمە) بايقاۋ ادىستەرىن ەسكەرە وتىرىپ, ستاتيستيكالىق بيزنەس-تىركەلىمنىڭ, اۋىل شارۋاشىلىعىنىڭ ستاتيستيكالىق تىركەلىمىنىڭ, تۇرعىن ءۇي قورىنىڭ ستاتيستيكالىق تىركەلىمىنىڭ, حالىقتىڭ ستاتيستيكالىق تىركەلىمىنىڭ دەرەكتەرى بويىنشا انىقتالادى.
7. جالپىمەملەكەتتىك ستاتيستيكالىق بايقاۋلار بويىنشا رەسپوندەنتتەر ۋاكىلەتتى ورگان ۇسىنعان تولتىرۋعا قاجەتتى ستاتيستيكالىق نىساندار تىزبەسىن الادى.
8. مەملەكەتتىك ورگاندار مەن قازاقستان رەسپۋبليكاسىنىڭ ۇلتتىق بانكى ۆەدومستۆولىق ستاتيستيكالىق بايقاۋلارعا جاتاتىن رەسپوندەنتتەردىڭ توبىن انىقتايدى.
9. ۆەدومستۆولىق ستاتيستيكالىق بايقاۋلار بويىنشا رەسپوندەنتتەر مەملەكەتتىك ورگاندار مەن قازاقستان رەسپۋبليكاسىنىڭ ۇلتتىق بانكى ۇسىناتىن تولتىرۋعا قاجەتتى ستاتيستيكالىق نىساندار تىزبەسىن الادى.
10. ستاتيستيكالىق نىسانداردى ءوزىنىڭ تۇرعان جەرى بويىنشا زاڭدى تۇلعالاردىڭ قۇرىلىمدىق جانە وقشاۋلانعان بولىمشەلەرى, ەگەر ولارعا زاڭدى تۇلعالاردىڭ ستاتيستيكالىق نىسانداردى تاپسىرۋ بويىنشا ۋاكىلەتتىكتەردى بەرگەن جاعدايدا, تاپسىرادى. ەگەر قۇرىلىمدىق جانە وقشاۋلانعان بولىمشەلەردە وسىنداي ۋاكىلەتتىكتەر بولماعان جاعدايدا, ستاتيستيكالىق نىسانداردى ولاردىڭ ورنالاسقان جەرىن كورسەتە وتىرىپ, ءوزىنىڭ قۇرىلىمدىق جانە وقشاۋلانعان بولىمشەلەرى بولىنىسىندە زاڭدى تۇلعالار ۇسىنادى. بايقاۋدى وتكىزۋ ستاتيستيكالىق ادىسنامامەن ستاتيستيكالىق نىسانداردى تەك قانا زاڭدى تۇلعالار نەمەسە تەك قانا قۇرىلىمدىق جانە وقشاۋلانعان بولىمشەلەرىنىڭ ۇسىنۋى كوزدەلگەن جاعدايدا, ستاتيستيكالىق نىساندار مەملەكەتتىك ستاتيستيكا ورگاندارىنا مەملەكەتتىك ستاتيستيكا ورگاندارىنىڭ بايقاۋدى وتكىزۋدىڭ ستاتيستيكالىق ءادىسناماسىنا سايكەس ۇسىنىلادى.
11. باس كومپانيالارى قازاقستان رەسپۋبليكاسىنان تىس جەردە ورنالاسقان شەتەل زاڭدى تۇلعالارىنىڭ قۇرىلىمدىق جانە وقشاۋلانعان بولىمشەلەرى ستاتيستيكالىق نىسانداردى مىندەتتى تۇردە قۇرىلىمدىق جانە وقشاۋلانعان بولىمشەنىڭ ورنالاسقان جەرى بويىنشا ۇسىنادى.
12. ەسەپتى كەزەڭدە قۇرىلىمدىق بولىمشە نەمەسە وبەكت جويىلعان جاعدايدا, وعان قاتىستى بارلىق دەرەكتەر ستاتيستيكالىق نىساننان الىنىپ تاستالادى. ەگەر ەسەپتىك كەزەڭدە زاڭدى تۇلعانىڭ قايتا قۇرۋ نەمەسە قۇرىلىمى وزگەرگەن جاعدايدا دەرەكتەر زاڭدى تۇلعانىڭ جاڭا قۇرىلىمى بويىنشا كەلتىرىلەدى.
زاڭدى تۇلعانىڭ بانكروتقا ۇشىراعان جاعدايدا ەسەپ بەرەتىن زاڭدى تۇلعا ءوزىنىڭ سوڭعى ەسەپتى كەزەڭىنىڭ قىزمەتى تۋرالى دەرەكتەردى كەزەڭدىلىگى جىلدىق ستاتيستيكالىق نىسان بويىنشا العاشقى دەرەكتەردى ۇسىنادى.
قايتا قۇرىلعان زاڭدى تۇلعالار العاشقى ستاتيستيكالىق دەرەكتەردى تىركەلگەن كۇننەن كەيىن ەسەپتى كەزەڭنىڭ سوڭىنا دەيىن ۇسىنادى. ەگەر قىزمەتى بولماعان جاعدايدا زاڭدى تۇلعالار وسى ەرەجەنىڭ 19-تارماعىنا سايكەس حات ۇسىنا الادى.
13. ءۇي شارۋاشىلىقتارى العاشقى ستاتيستيكالىق دەرەكتەردى اۋماقتىق ستاتيستيكا ورگاندارىنىڭ قىزمەتكەرلەرىنە (ينتەرۆيۋەرلەرىنە) تاپسىرادى.
14. شارۋا نەمەسە فەرمەر قوجالىقتارى بويىنشا جالپىمەملەكەتتىك ستاتيستيكالىق بايقاۋلاردى كەنتتىڭ, اۋىلدىڭ (سەلونىڭ), اۋىلدىق (سەلولىق) وكرۋگتەردىڭ اكىمدەرى ستاتيستيكالىق نىساندار بويىنشا تىركەۋ جازبالارىن جۇرگىزۋ ارقىلى جۇزەگە اسىرادى. شارۋا (فەرمەر) قوجالىقتارى بويىنشا ستاتيستيكالىق بايقاۋلار ناتيجەسىندە الىنعان العاشقى ستاتيستيكالىق دەرەكتەردى كەنت, اۋىل (سەلو), اۋىلدىق (سەلولىق) وكرۋگتەر اكىمدەرى ستاتيستيكالىق جۇمىستار جوسپارىنا سايكەس ۋاكىلەتتى ورعانعا تاپسىرادى.
كەنتتىڭ, اۋىلدىڭ (سەلونىڭ), اۋىلدىق (سەلولىق) وكرۋگتىڭ اكىمدەرى العاشقى ستاتيستيكالىق دەرەكتەردى زاڭنىڭ 16-بابىنىڭ 2-تارماعىنا سايكەس تاپسىرادى.
15. جەكە تۇلعالار جانە زاڭدى تۇلعالار, زاڭدى تۇلعالاردىڭ قۇرىلىمدىق جانە وقشاۋلانعان بولىمشەلەرى حابارلاناتىن مالىمەتتەردى ۇسىنۋعا جانە ونىڭ دايەكتىلىگىنە جاۋاپتى تۇلعالاردىڭ قولىمەن ستاتيستيكالىق نىسانداردى تاپسىرادى. ستاتيستيكالىق نىساندار قاجەت بولعان جاعدايدا مورمەن كۋالاندىرىلۋى ءتيىس.
16. حابارلاناتىن مالىمەتتى ۇسىنۋعا جانە ونىڭ دايەكتىلىگىنە جاۋاپتى جانە ستاتيستيكالىق نىساندارعا قول قويۋعا قۇقىعى بار تۇلعالار: ستاتيستيكالىق نىساندى تولتىرۋ جونىندەگى ورىنداۋشى, سونىمەن قاتار باسشىلار – ەگەر ستاتيستيكالىق نىساننىڭ مەكەنجاي بولىگىندە قاراستىرىلعان جاعدايدا.
17. ستاتيستيكالىق نىسانداردى تاپسىرۋ مەرزىمى ولاردىڭ تيتۋلدىق بەتتەرىندە كورسەتىلگەن. ستاتيستيكالىق نىسانداردى تاپسىرۋ كۇنىن ادرەسات تىركەيدى. ستاتيستيكالىق نىساندار پوشتالىق بايلانىس قىزمەتتەرى ارقىلى جىبەرىلگەن جاعدايدا, پوچتالىق كاسىپورىننىڭ شتەمپەلىندە كورسەتىلگەن جەتكىزۋ كۇنى تاپسىرۋ كۇنى بولىپ تابىلادى. ەگەر ستاتيستيكالىق نىساندى تاپسىرۋ مەرزىمى جۇمىس ىستەمەيتىن كۇنگە سايكەس كەلسە, ستاتيستيكالىق نىساندى تاپسىرۋ مەرزىمىنىڭ سوڭعى كۇنى بولىپ كەلەسى جۇمىس كۇنى ەسەپتەلەدى.
18. العاشقى ستاتيستيكالىق دەرەكتەر كەلەسى تۇردە ۇسىنىلا الادى:
1) قاعاز تۇرىندە, قولما قول تۇردە, پوشتا قىزمەتى بويىنشا جانە ۇسىنىلعان كۇن پوشتالىق كاسىپورىننىڭ مورىندە كورسەتىلىپ جىبەرىلگەن كۇن بولىپ تابىلادى;
2) ەلەكتروندىق تسيفرلىك قولتاڭبانى راستاۋ ءراسىمىن ساقتاۋ بايلانىس ارنالارى ارقىلى ەلەكتروندى تۇردە.
19. ەگەر رەسپوندەنتتىڭ كەزەڭدىلىگى ايلىق جالپىمەملەكەتتىك ستاتيستيكالىق بايقاۋلار بويىنشا ءبىر ايدان كوپ قىزمەتى بولماعان جاعدايدا ستاتيستيكالىق نىساننىڭ ورنىنا قىزمەتىنىڭ بولماۋ سەبەپتەرىن, وسى قىزمەتتىڭ قانشا ۋاقىت بويى جۇزەگە اسىرىلمايتىن مەرزىمدەرىن جانە وسى ەرەجەگە قوسىمشاعا سايكەس ءوزىنىڭ نەگىزگى سيپاتتامالارىن كورسەتە وتىرىپ, اۋماقتىق ستاتيستيكا ورگاندارىنا حات ۇسىنۋىنا بولادى.
20. حاتتا كورسەتىلگەن مەرزىم اياقتالعاننان كەيىن رەسپوندەنت جالپىمەملەكەتتىك ستاتيستيكالىق بايقاۋدىڭ ستاتيستيكالىق نىسانىن اۋماقتىق ستاتيستيكا ورگانىنا تاپسىرادى.
21. ستاتيستيكالىق نىسانداردى تاپسىرۋ مەرزىمىن بۇزۋ ستاتيستيكالىق نىسانداردا كورسەتىلگەن مەرزىمدە ولاردى تاپسىرماۋ بولىپ تابىلادى.
22. ستاتيستيكالىق اقپاراتتى ءتۇزۋ كەزىندە بۇرمالاۋشىلىقتار, قاتەلەر, اعاتتىقتار انىقتالعاندا ۋاكىلەتتى ورگاننىڭ اۋماقتىق ستاتيستيكا ورگاندارى «مەملەكەتتىك ستاتيستيكا تۋرالى» زاڭنىڭ 12-بابىنىڭ» 12), 13) تارماقشالارىن جانە 13-بابىنىڭ 4) تارماقشاسىن باسشىلىققا الا وتىرىپ, رەسپوندەنتتەردەن بۇدان بۇرىن ۇسىنىلعان دەرەكتەرى بويىنشا قوسىمشا اقپاراتتى, سونداي-اق العاشقى ستاتيستيكالىق دەرەكتەردەن تۇراتىن ستاتيستيكالىق نىساندارعا تۇزەتۋلەر ەنگىزۋدى تالاپ ەتەدى.
23. رەسپوندەنتتەر ايلىق جانە توقساندىق كەزەڭدىلىكتەگى جالپىمەملەكەتتىك ستاتيستيكالىق بايقاۋلاردىڭ ستاتيستيكالىق نىساندارى بويىنشا قاتەلەردى ءبىر جۇمىس كۇنى ىشىندە, باسقا كەزەڭدىلىكتىڭ ستاتيستيكالىق نىساندارى بويىنشا مەملەكەتتىك ستاتيستيكا ورگاندارىنىڭ لاۋازىمدى تۇلعالارى حابارلاما بەرگەن ساتتەن باستاپ ءۇش جىمىس كۇنى ىشىندە تۇزەتەدى.
رەسپوندەنتتەر ۆەدومستۆولىق ستاتيستيكالىق بايقاۋلارداعى قاتەلەردى ۆەدومستۆولىق ستاتيستيكالىق بايقاۋ جۇرگىزەتىن مەملەكەتتىك ورگانداردىڭ جانە قازاقستان رەسپۋبليكاسى ۇلتتىق بانكىنىڭ حابارلاندىرۋىندا كورسەتىلگەن مەرزىمدە تۇزەتەدى.
24. رەسپوندەنت قاعاز تاسىعىشتاعى ستاتيستيكالىق نىسانعا تۇزەتۋلەر ەنگىزگەن كەزدە, نىسانعا «تۇزەتۋلەرگە سەنۋ» دەگەن ءسوزدى جازىپ, قولىن جانە كۇنىن قويادى. مەكەنجاي بولىگىنە باسشى قول قوياتىن ستاتيستيكالىق نىسانعا تۇزەتۋلەر ەنگىزىلگەن جاعدايدا, رەسپوندەنت باسشىسىنىڭ قولى قويىلعان تۇزەتىلگەن ستاتيستيكالىق نىساندى ۇسىنادى.
25. قايتادان ۇسىنىلعان ستاتيستيكالىق نىسان وسى ەرەجەنىڭ 15, 16-تارماقتارىنا سايكەس قول قويعان تۇلعالاردىڭ قول قويۋىمەن تاپسىرىلادى.
قازاقستان رەسپۋبليكاسى ستاتيستيكا اگەنتتىگى توراعاسىنىڭ 2013 جىلعى 18 ماۋسىمداعى
№ 136 رەسپوندەنتتەردىڭ العاشقى ستاتيستيكالىق دەرەكتەردى ۇسىنۋ ەرەجەسىنە قوسىمشا
نىسان
حات
______________وبلىسىنىڭ
(قالاسى)_ستاتيستيكا دەپارتامەنتى
زاڭدى (جەكە) تۇلعانىڭ اتاۋى, بسن (جسن) كودى, ەقجج, «_(اتاۋى)_» (يندەكسى_____, كەزەڭدىلىگى_______) جالپىمەملەكەتتىك ستاتيستيكالىق بايقاۋدىڭ ستاتيستيكالىق نىسانى بويىنشا ___ ىشىندە _____________ جاعدايعا بايلانىستى قىزمەت جۇرمەيتىنىن حابارلايدى.
جوعارىدا باياندالعانعا سايكەس ستاتيستيكالىق نىسان ______________وبلىسىنىڭ (قالاسى)_ستاتيستيكا دەپارتامەنتىنە _______ايىنان باستاپ ۇسىنىلاتىن بولادى.
باسشىنىڭ قولى
باس بۋحگالتەردىڭ قولى
ءمور
–––––––––––––––––
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 2 شىلدەدە نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №8540 بولىپ ەنگىزىلدى.
