1-11 سىنىپتار ارالىعىندا 770 وقۋشى بار. ال مەكتەپالدى دايارلىق سىنىبىنا قابىلدانعان 88 بالانىڭ 17-ءسى مەملەكەتتىك تىلدە وقۋعا ءوتىنىش بەردى. قازىر 76 مۇعالىم بار. ولاردىڭ دەنى جوعارعى جانە ءبىرىنشى ساناتتاعى ۇستازدار. مۇعالىمدەردى جۇمىسقا قابىلداۋ بارىسىندا ءبىز ءبىرىنشى كەزەكتە وسى شاعىن اۋداندا تۇراتىن ماماندارعا كوڭىل بولدىك. مەكتەپ مۇعالىمدەرى 3-توقساننان باستاپ جۇمىسقا كىرىسەدى, دەدى مەكتەپ ديرەكتورى باقىتجان يسەتوۆا.
«يۋبيلەينىي» - قوستانايداعى ەڭ جاڭا شاعىن اۋدان. جاڭا مەكەندە اشىلعان جاڭا مەكتەپ - ەڭ الدىمەن وسى توڭىرەكتەگى تۇرعىنداردىڭ قۋانىشى.
- بۇل شاعىن اۋدانعى بيىل عانا قونىس اۋداردىق. ەكى بالام بار, ۇلكەنى - 11, كىشىسى – 5-سىنىپتا. كەنجە ۇلىم بۇعان دەيىن №1-مەكتەپ-گيمنازيادا وقىعان. مەكتەپ الىس بولعاندىقتان, كۇندەلىكتى جولدان قينالدىق. ەندى ءۇيدىڭ قاسىنان جاڭا ءبىلىم ورداسى اشىلىپ, كەنجەمىزدى وسى مەكتەپكە قۋانا بەرىپ وتىرعان جايىمىز بار. بىزگە وتە ىڭعايلى. مىناداي كەڭ ءارى ساۋلەتتى مەكتەپتە وقىعانى بىزگە دە جاقسى. وسى شاعىن اۋداندا تۇراتىن اتا-انالاردىڭ ءبارى قۋانىشتى, - دەيدى «يۋبيلەينىي» شاعىن اۋدانىنىڭ تۇرعىنى مانشۇك العاشباەۆا.
جاڭا ءبىلىم ورداسىندا مۇمكىندىگى شەكتەۋلى بالالارعا ينكليۋزيۆتى ءبىلىم بەرۋ مۇمكىندىكتەرى قاراستىرىلعان. مەكتەپ اۋلاسىندا ويىن جانە دەمالىس الاڭدارى بار. سونىمەن قاتار, بالالار جەمىس-جيدەك, گۇل, ءتۇرلى داقىلدار ەگىپ, سەلەكتسيا جۇمىسىمەن اينالىساتىن وقۋ-تاجىريبەلىك ايماق قاراستىرىلعان.
قوستاناي وبلىسى
