دەپارتامەنت باسشىسىنىڭ سوزىنشە, پوليتسەيلەر جان شوشىرلىق قىلمىستىڭ ءىزىن سۋىتپاي اشقان.
3 جەلتوقساندا رۋدنىي قالاسىنداعى پاتەردە بىرىگىپ ءسپيرتتى ىشىمدىك ىشكەن 31 جانە 68 جاستاعى ەكى تۇرعىن سوزگە كەلىپ, ونىڭ ارتى جانجالعا ۇلاسادى. جانجال بارىسىندا 31 جاستاعى ەر ادام زەينەتكەردىڭ موينىنان پىشاق ۇرعان. اۋىر جاراقات سالدارىنان 68 جاستاعى جابىرلەنۋشى سول جەردە جان تاپسىرعان.
قىلمىسكەر مۇنىمەن توقتاماي, زەينەتكەردىڭ باسىن كەسىپ الىپ, ءوزى وقيعا ورنىنان تايىپ تۇرادى. زەينەتكەردىڭ دەنەسىن تۋىستارى تاۋىپ, پوليتسياعا حابارلاعان.
«دەرەۋ جەدەل تەرگەۋ توبى قۇرىلىپ, كۇدىكتى ىزدەستىرىلە باستادى. ەڭ ماڭىزدىسى, قىلمىسكەردىڭ ءىز سۋىتىپ ۇلگەرۋىنە مۇمكىندىك بەرمەۋ كەرەك. قىزمەتكەرلەردىڭ كاسىبي شەبەرلىگىنىڭ ناتيجەسىندە كوپ ۋاقىت وتپەي كۇدىكتى قولعا ءتۇستى», - دەدى بەكەت ايماعامبەتوۆ.
پاترۋلدىك پوليتسيا قىزمەتكەرلەرى ساعات 22.00-دەن كەيىن كوشەدە ماس كۇيىندە جۇرگەن ەر ادامدى تەكسەرۋ بارىسىندا ونىڭ قولىنداعى قاندى بايقاپ قالىپ, بىردەن پوليتسيا بولىمىنە جەتكىزگەن.
كۇدىكتى كوپ سوزگە كەلمەي, زەينەتكەردىڭ جاۋىزدىق جاساعانىن مويىندادى. كۇدىكتى قاماۋعا الىندى, وعان قاتىستى تەرگەۋ شارالارى ءجۇرىپ جاتىر.
