سپورت • 05 جەلتوقسان، 2020

قوستانايدا بوكس مەكتەبى اشىلدى

31 رەت كورسەتىلدى

«جۇمىسپەن قامتۋدىڭ جول كارتاسى-2020» مەملەكەتتىك باعدارلاماسى اياسىندا سالىنعان جاڭا بوكس مەكتەبىنىڭ اشىلۋ راسىمىنە قوستاناي وبلىسىنىڭ اكىمى ارحيمەد مۇحامبەتوۆ، بوكس ارداگەرلەرى مەن جاتتىقتىرۋشىلار جانە وڭىرگە بەلگىلى بىلعارى قولعاپ شەبەرلەرى قاتىستى، دەپ حابارلايدى Egemen.kz.

بوكس زالىنىڭ زاماناۋي سپورت قۇرالدارىمەن جابدىقتالعان جاتتىعۋ زالى، جارىس الاڭى بار.

ايماق باسشىسى جاڭا نىساننىڭ وبلىس سپورتشىلارىن دايارلاۋداعى جانە  بالالار مەن جاسوسپىرىمدەر سپورتىن دامىتۋداعى ماڭىزىن اتاپ ءوتتى.

«بوكستان مامانداندىرىلعان زالدىڭ اشىلۋى سپورتشىلاردى دايىنداۋعا قوسىمشا مۇمكىندىك بەرەدى، مۇندا 200-دەن استام بالا مەن ءجاسوسپىرىم جاتتىعاتىن بولادى»،  دەدى ارحيمەد مۇحامبەتوۆ.

سالتاناتتى جيىنعا ايەلدەر اراسىندا بوكستان جاقىندا اياقتالعان ەل چەمپيوناتىنىڭ جەڭىمپازدارى مەن جۇلدەگەرلەرى نادەجدا ريابەتس، ۆلاديسلاۆ كۋحتا جانە جاننا سەريكوۆا سىندى بىلعارى قولعاپ شەبەرلەرى دە قاتىستى.

ايماق باسشىسى نادەجدا ريابەتسكە قوستاناي قالاسىنان 2 بولمەلى پاتەردىڭ سەرتيفيكاتىن ۇستاتىپ، قالعان سپورتشىلارعا ەسكەرتكىش سىيلىقتار تابىس ەتتى. بيىل ناۋرىز ايىندا نادەجدا ريابەتس جاپونيادا وتەتىن وليمپيادا ويىندارىنا ليتسەنزيا جەڭىپ العانىن ەستەرىڭىزگە سالا كەتەيىك. ول توكيو تورىندە ايەلدەر بوكسىنان ەل نامىسىن قورعايتىن بولادى.

تاعى ءبىر جاعىمدى جاڭالىق، جاقىندا وبلىس ورتالىعىندا شاڭعى بازاسى ىسكە قوسىلادى، ال كەلەسى جىلى 2500 ورىندىق مۇز سارايى مەن 50 مەترلىك ءجۇزۋ باسسەينى پايدالانۋعا بەرىلەدى.

 

سوڭعى جاڭالىقتار

ۇقساس جاڭالىقتار