ايماقتار • 02 جەلتوقسان، 2020

جامبىل وبلىسىندا بارلىق سالادا وڭ وزگەرىس بار

23 رەت كورسەتىلدى

جامبىل وبلىسىنىڭ اكىمى بەردىبەك ساپارباەۆ ورتالىق كوممۋنيكاتسيالار قىزمەتىندە وتكەن ءباسپاسوز-كونفەرەنتسياعا قاتىسىپ، ءوڭىردىڭ دامۋ بارىسى تۋرالى باياندادى، - دەپ جازادى Egemen.kz

بيىل وبلىستا 615 مىڭ شارشى مەتر تۇرعىن ءۇيدى پايدالانۋعا بەرۋ جوسپارلانعان. اعىمداعى جىلدىڭ 10 ايىندا 460 مىڭ شارشى مەتردەن استام باسپانا پايدالانۋعا بەرىلگەن. «نۇرلى جەر» جانە «جۇمىسپەن قامتۋدىڭ جول كارتاسى – 2020» مەملەكەتتىك باعدارلامالارى اياسىندا 3766 پاتەرلىك 65 تۇرعىن ءۇي سالىنۋدا. ونىڭ ىشىندە 945 پاتەرلى 17 تۇرعىن ءۇي پايدالانۋعا بەرىلىپ، كەزەكتە تۇرعان 530 وتباسى باسپانالى بولعان. ولاردىڭ قاتارىندا كوپبالالى جانە تولىق ەمەس وتباسىلار، جەتىم بالالار مەن مۇمكىندىگى شەكتەۋلى جاندار بار. سونىمەن قاتار، اكىم جىل سوڭىنا دەيىن اۋدانى 115 مىڭ شارشى مەتردى قۇرايتىن تاعى 38 تۇرعىن ءۇيدىڭ قۇرىلىسى اياقتالاتىنىن، وسىلايشا 2236 وتباسىنىڭ باسپانا ماسەلەلەرى شەشىلەتىنىن ايتا كەلىپ، وڭىردە «رۋحاني جاڭعىرۋ» باعدارلاماسى اياسىندا «اسارلاتىپ ءۇي سالۋ» جوباسىنىڭ باستالعانىن اتاپ ءوتتى. بيىل كوپبالالى جانە از قامتىلعان وتباسىلاردى تۇرعىن ۇيمەن قامتاماسىز ەتۋ جونىندەگى «اسار» باستاماسى اياسىندا وبلىس بويىنشا 117 ءۇيدىڭ قۇرىلىسى قولعا الىنسا، بۇگىندە 45 ءۇي اياقتالعان. جىل سوڭىنا دەيىن تاعى 56 ءۇيدىڭ قۇرىلىسىن اياقتاۋ جوسپارلانۋدا.

بريفينگتە بەردىبەك ساپارباەۆ مەكتەپتەردىڭ جايىنا دا توقتالدى. جامبىل وبلىسىندا 285 مەكتەپتىڭ دارەتحانالارى اۋلادا ورنالاسقان بولاتىن. وسى ورايدا، وبلىس اكىمى جاڭا وقۋ جىلىندا وبلىستىڭ بارلىق مەكتەپتەرى جىلى دارەتحانالارمەن جابدىقتالعانىن، بۇل ماقساتقا 1،1 ميلليارد تەڭگە قاراستىرىلعانىن ايتتى. سونداي-اق، وبلىستىڭ بارلىق مەكتەپتەرى بەينەباقىلاۋ كامەرالارىمەن 100 پايىز قامتاماسىز ەتىلگەن. «22 ءبىلىم بەرۋ نىسانىنىڭ قۇرىلىسى مەن قايتا جاڭعىرتۋعا 10،7 ميلليارد تەڭگە باعىتتالعان. ونىڭ ىشىندە 15 مەكتەپ بار. جىل باسىنان بەرى ءۇش اۋىلدىق مەكتەپ پايدالانۋعا بەرىلدى. جىل سوڭىنا دەيىن تاعى 5 نىساننىڭ قۇرىلىسى اياقتالادى»، دەدى بەردىبەك ساپارباەۆ. سونداي-اق، «جۇمىسپەن قامتۋدىڭ جول كارتاسى» جانە «اۋىل – ەل بەسىگى» مەملەكەتتىك باعدارلامالارىن ىسكە اسىرۋ ناتيجەسىندە 43 مەكتەپ كۇردەلى جوندەۋدەن، 53 مەكتەپ اعىمداعى جوندەۋدەن وتكەن. بۇل ماقساتقا 8 ميلليارد تەڭگە جۇمسالعان. ءوز سوزىندە بەردىبەك ساپارباەۆ قاشىقتىقتان وقىتۋدى ۇيىمداستىرۋ ءۇشىن جەرگىلىكتى بيۋدجەت قاراجاتىنا 4388 بىرلىك كومپيۋتەرلىك تەحنيكا ساتىپ الىنعانىن، جىل سوڭىنا دەيىن تاعى 585 كومپيۋتەر الۋ جوسپارلانعانىن، 26،5 مىڭ كومپيۋتەر ساتىپ الۋعا رەسپۋبليكالىق بيۋدجەتتەن 4،1 ميلليارد تەڭگە بولىنگەنىن دە جەتكىزدى. بۇدان بولەك، از قامتىلعان جانە كوپبالالى وتباسىلاردان شىققان بالالارعا 51 مىڭعا جۋىق كومپيۋتەر مەن 16 مىڭنان استام روۋتەر بەرىلگەن. سونىمەن قاتار، مەملەكەت باسشىسىنىڭ تاپسىرماسى اياسىندا اعىمداعى جىلى 40 مىڭنان استام مۇعالىمنىڭ جالاقىسىن 25 پايىزعا ارتتىرۋ ءۇشىن رەسپۋبليكالىق بيۋدجەتتەن 20،6 ميلليارد تەڭگە قارالعان.

بەردىبەك ساپارباەۆتىڭ ايتۋىنشا، ءوڭىر تۇرعىندارىنا الەۋمەتتىك كومەك پەن قولداۋ كورسەتۋگە 44،6 ميلليارد تەڭگە قاراستىرىلعان. ماسەلەن، «Biz birgemiz» اكتسياسى اياسىندا ەرىكتىلەر 24 مىڭعا جۋىق وتباسىنا ازىق-ت ۇلىك سەبەتتەرىن جەتكىزىپ، 39 مىڭعا جۋىق ادام 50 مىڭ تەڭگەدەن تولەم الىپتى. ال، اتاۋلى الەۋمەتتىك كومەكپەن 62،1 مىڭ ادام نەمەسە 11،5 مىڭ وتباسى قامتىلىپ، ولارعا 3،5 ميلليارد تەڭگە جۇمسالعان. سونداي-اق، تۇرعىندارعا وزگە دە كومەكتەر كورسەتىلگەن. بەردىبەك ساپارباەۆ وبلىس تۇرعىندارىن گازداندىرۋ جانە سۋمەن جابدىقتاۋ دەڭگەيى جىل قورىتىندىسى بويىنشا 82 پايىزعا دەيىن ارتاتىنىن حابارلادى.  «شامامەن 17،7 ميلليارد تەڭگە 120 مىڭ ادام تۇراتىن 51 اۋىلدىڭ تۇرعىندارىن سۋمەن قامتاماسىز ەتۋ ماسەلەلەرىن شەشۋگە باعىتتالدى. جىل سوڭىنا دەيىن 39 اۋىلدا جۇمىستار اياقتالادى. ناتيجەسىندە اۋىل تۇرعىندارىن ورتالىقتاندىرىلعان اۋىزسۋمەن قامتۋ دەڭگەيى 73،3 پايىزدان 82،3 پايىزعا دەيىن ارتاتىن بولادى»، دەدى ول. سونداي-اق، اكىم بيىل وبلىستىڭ 45 اۋىلىنداعى 120 مىڭ تۇرعىنعا كوگىلدىر وتىن جەتكىزىلەتىنىن، بۇل ماقساتقا 14،1 ميلليارد تەڭگە قاراستىرىلعانىن اتاپ ءوتتى. ال، اۆتوجول سالاسىن دامىتۋعا 26،3 ميلليارد تەڭگە بولىنگەن. اتالعان قاراجاتقا 1346،1 شاقىرىم اۆتوجول سالىنىپ، جوندەلگەن. بريفينگتە بەردىبەك ساپارباەۆ وتكەن جىلى جامبىل وبلىسىندا ءۇي ماڭىنداعى اۋلالاردى ءتيىمدى پايدالانۋ جانە شاعىن بيزنەستى دامىتۋ ارقىلى اۋىل تۇرعىندارىنىڭ تابىسىن ارتتىرۋ پيلوتتىق جوباسى ىسكە قوسىلعانىن، بۇگىندە بۇل جوباعا ايماقتاعى 10 اۋداننىڭ 8 مىڭ تۇرعىنى قامتىلعانىن ايتتى. وسى جوبانىڭ بەس باعىتى بويىنشا بۇگىندە 8،5 ميلليارد تەڭگە يگەرىلگەن. پيلوتتىق جوباعا قاتىسۋشىلار 7،1 مىڭ توننا كوكونىس جانە باقشا داقىلدارىن، 21 مىڭ توننا ءداندى جانە مال ازىقتىق داقىلدارىن، 7،6 مىڭ توننا ەت جانە ءسۇت ونىمدەرىن وندىرگەن. اۋىلداردا 600 جاڭا جۇمىس ورنى قۇرىلىپ، ال جۇمىسسىزدار سانى 1129 ادامنان 589 ادامعا دەيىن ازايعان. ال، وندىرىلگەن ازىق-ت ۇلىك ونىمدەرىن ساتۋ بويىنشا مەملەكەت باسشىسىنىڭ باستاماسىمەن جۇزەگە اسىرىلعان «القاپتان سورەگە دەيىن» جوباسىنىڭ مۇمكىندىكتەرى مول ەكەنىن دە جەتكىزدى. ونىڭ جۇزەگە اسىرىلۋىنا 1 ميلليارد تەڭگە باعىتتالعان.

ءوز سوزىندە بەردىبەك ساپارباەۆ كارانتين كەزىندە ايماقتاعى كاسىپكەرلىكتى قولداۋ شارالارى تۋرالى دا باياندادى. اعىمداعى جىلدىڭ 10 ايىندا شاعىن جانە ورتا بيزنەستىڭ وندىرەتىن ونىمدەرى مەن كورسەتەتىن قىزمەتتەرىنىڭ كولەمى 9،2 پايىزعا ءوسىپ، 194 ميلليارد تەڭگەنى قۇراعان. شاعىن جانە ورتا بيزنەستى قولداۋعا بارلىعى 8،3 ميلليارد تەڭگە بولىنگەن. ال، نەسيە بويىنشا پايىزدىق مولشەرلەمەنى سۋبسيديالاۋ ءۇشىن 152 كاسىپكەرگە 1،2 ميلليارد تەڭگە تولەنسە، «ەڭبەك» باعدارلاماسى اياسىندا 6،4 مىڭ ادام 3،5 ميلليارد تەڭگە كولەمىندە جاڭا كاسىپ كوزدەرىن اشقان. سونىمەن قاتار، بەردىبەك ساپارباەۆ جۇمىسپەن قامتۋدىڭ بەلسەندى شارالارىنا بارلىعى 73 مىڭعا جۋىق ادام قاتىسقانىن، ەسەپتى كەزەڭدە 30،6 مىڭ جاڭا جۇمىس ورنى قۇرىلعانىن، اعىمداعى جىلدىڭ 10 ايىندا وبلىس شارۋالارى 332،6 ميلليارد تەڭگەنىڭ ءونىمىن وندىرگەنىن، ەگىستىك القابى 47 مىڭ گەكتارعا ۇلعايتىلىپ، 735 مىڭ گەكتاردى قۇراعانىن، 817 مىڭ توننا استىق جينالعانىن دا اتاپ ءوتتى. «مەملەكەت باسشىسىنىڭ تاپسىرماسى اياسىندا 11،5 مىڭ گەكتار سۋارمالى القاپتار قالپىنا كەلتىرىلىپ، جالپى اۋماعى 178،5 مىڭ گەكتارعا جەتتى. زاماناۋي تەحنولوگيالاردى ەنگىزۋدىڭ ارقاسىندا ينتەنسيۆتى باقتاردىڭ اۋماعى 27 پايىزعا ۇلعايتىلدى. پايدالانىلماي جاتقان 72،1 مىڭ گەكتار اۋىل شارۋاشىلىق جەرلەر مەملەكەت مەنشىگىنە قايتارىلدى»، دەدى وبلىس اكىمى.

سونداي-اق، وڭىردە جىل باسىنان بەرى فارماتسەۆتيكالىق كاسىپورىندار ءونىمىنىڭ كولەمى 10 ەسەگە ءوسىپ، شامامەن 2 ميلليارد تەڭگەگە جەتكەن. سونىمەن قاتار، اكىم پرەزيدەنت قاسىم-جومارت توقاەۆتىڭ تاپسىرماسىمەن قورداي اۋدانى، گۆاردەيسكي اۋىلىندا وتاندىق يممۋندىق ءدارى-دارمەكتەر شىعاراتىن زاۋىت قۇرىلىسى جۇرگىزىلىپ جاتقانىن مالىمدەدى. ال، تاراز قالاسىندا ء«امىر جانە د» جاۋاپكەرشىلىگى شەكتەۋلى سەرىكتەستىگى وندىرىستىك كەشەنىنىڭ قۇرىلىسى اياقتالعالى تۇرعانىن، «سۋپەر-فارم» كاسىپورنى ءونىم تۇرلەرىن كەڭەيتۋدى كوزدەپ وتىرعانىن دا ايتتى. سونىمەن قاتار، جىل باسىنان بەرى وڭىردە قۇنى 25،7 ميلليارد تەڭگەنى قۇرايتىن جەتى ينۆەستيتسيالىق جوبا جۇزەگە اسىرىلعان. بيىل 368 ميلليارد تەڭگە كولەمىندە ينۆەستيتسيا تارتۋ جوسپارلانىپ، ەسەپتى كەزەڭ بويىنشا 255 ميلليارد تەڭگەگە ينۆەستيتسيا تارتىلعان.

 

جامبىل وبلىسى

سوڭعى جاڭالىقتار

كوكەيدەگىنى ءدوپ باسقان

پىكىر • بۇگىن، 07:26

سقو «قىزىل ايماققا» ەندى

ايماقتار • كەشە

ۇقساس جاڭالىقتار