24 قاراشادا قارابالىق اۋدانىنداعى «قايراق» اۆتوموبيل وتكىزۋ پۋنكتىندە رەسەيلىك كاسىپورىن «اۆتو-تەك» جاۋاپكەرشىلىگى شەكتەۋلى بىرلەستىگىنە تيەسىلى جۇك كولىگى ۇستالعان. شەكاراشىلار كولىكتەن پوشتا جۇكتەرىنىڭ استىنا جاسىرىلعان وباعا قارسى كيەتىن 600 قورعانىش كوستيۋمىن تاپقان. زاڭسىز تاۋاردىڭ جالپى قۇنى - 7 750 000 تەڭگە بولادى.
سونىمەن قاتار, شەكاراشىلار 29 قاراشا كۇنى قوستاناي وبلىسىنداعى «ايەت» وتكىزۋ پۋنكتىندە الماتىدان چەليابىگە جۇك الىپ بارا جاتقان «گازەل» ماركالى اۆتوكولىكتى تەكسەرەدى. ناتيجەسىندە اتالمىش اۆتوكولىكتىڭ 91 ءتۇرلى ءدارى-دارمەك سالىنعان قوراپتى, 2640 قورعانىش ماسكاسىن, سونداي-اق 1700 مەديتسينالىق قولعاپتى زاڭسىز شەكارانىڭ ارعى بەتىنە الىپ وتپەك بولعانى انىقتالعان. كونتراباندالىق تاۋاردىڭ جالپى سالماعى 1 توننا شاماسىندا.
زاڭسىز تاۋارلار جابدىقتار سالىنعان جاشىكتەردىڭ ارتىنا جاسىرىلعان. تاركىلەنگەن تاۋارلاردىڭ جالپى قۇنى شامامەن 45 000 000 تەڭگە بولادى.
قوستاناي وبلىسى
