ل.تولستوي اتىنداعى وبلىستىق امبەباپ عىلىمي كىتاپحاناسى مەن دەپارتامەنت ۇجىمى بىرلەسىپ ۇيىمداستىرعان ءىس-شارا بارىسىندا ەلباسىنىڭ ءومىر جولى, جاستىق شاعى, قوعامدىق-ساياسي قىزمەتى تۋرالى قازاق جانە ورىس تىلدەرىندەگى كىتاپتار مەن باسىلىمدار كوپشىلىك نازارىنا ۇسىنىلدى.
– تۇڭعىش پرەزيدەنت نۇرسۇلتان ءابىش ۇلى نازارباەۆتىڭ ەڭبەك جولى مەن تاۋەلسىز قازاقستاننىڭ قالىپتاسۋ تاريحى ەگىز. ەلباسىنىڭ ءار جىلدارى قوستاناي وبلىسىنا كەلگەن جۇمىس ساپارى كەزىندە تۇسىرىلگەن فوتوسۋرەتتەر دە وسى كورمەدەن ورىن العان. بۇل فوتوسۋرەتتەردىڭ ءوزى بۇگىندە تاريحتان سىر شەرتەتىن شەجىرە قۇجاتقا اينالعان. تۇڭعىش پرەزيدەنت كەزىندە وسى وڭىردەگى كوپتەگەن ءىرى كاسىپورىننىڭ اشىلۋ راسىمىنە تىكەلەي قاتىسىپ, باتاسىن بەرگەن. بۇگىندە سول ءوندىرىس وشاقتارىنىڭ ءبارى تابىستى جۇمىس ىستەپ, ەلىمىزگە ساپالى ونىمىمەن تانىلىپ وتىر. سوندىقتان تۇڭعىش پرەزيدەنتتىڭ ءومىر جولىن زەردەلەي وتىرىپ, قوستاناي وبلىسىنىڭ دا تاۋەلسىزدىك جىلدارىنداعى قالىپتاسۋ, دامۋ تاريحىن كورۋگە بولادى, – دەيدى پوليتسيا مايورى رينات كەنجەباەۆ.
قوستاناي وبلىسى
