ەلىمىزدىڭ تاريحىندا بۇل كۇن ەرەكشە تاعدىرشەشتى ماڭىزعا يە. مەرەيلى داتا تۇڭعىش پرەزيدەنت – ەلباسى نۇرسۇلتان ءابىش ۇلى نازارباەۆتىڭ تاۋەلسىز قازاقستاندى قۇرىپ, دامىتۋداعى كورنەكتى مەملەكەتتىك قايراتكەرلىگى مەن تاريحي ميسسياسىن پاش ەتەدى.
ەلباسىنىڭ ساياسي دانالىعى مەن شەشىمتالدىعىنىڭ, ستراتەگيالىق كورەگەندىگى مەن باتىل ەرىك-جىگەرىنىڭ ارقاسىندا ەكونوميكالىق جانە الەۋمەتتىك رەفورمالار تابىستى جاسالدى, ساياسي جۇيەنىڭ كەزەڭ-كەزەڭىمەن دەموكراتيالانۋى ءساتتى جۇزەگە اسىرىلىپ, ءبىرتۇتاس قازاقستان حالقىنىڭ ۇلتتىق كودى بەكەمدەلدى.
مەملەكەت باسشىسى مۋلتيمادەني سينەرگيا ەسەبىنەن قازاقستاننىڭ پوليەتنوستىق احۋالىن ءبىزدىڭ ەلىمىزدىڭ باستى قۋاتى مەن بايلىعىنا, تابىس پەن باسەكەگە قابىلەتتىلىك قاسيەتتەرىنە اينالدىرا ءبىلدى. ونىڭ ساياسي سارابدال شەشىمىمەن دۇنيەگە كەلگەن قازاقستان حالقى اسسامبلەياسى شيرەك عاسىر ىشىندە حالقىمىزدى توپتاستىرۋدىڭ, ازاماتتىق قوعام جۇيەسىن دامىتۋدىڭ ءتيىمدى ينستيتۋتى بولا ءبىلدى, جالپى قۇندىلىقتار نەگىزىندە ەل-جۇرتتى بىرىكتىرەتىن جالپىحالىقتىق كونستيتۋتسيالىق ورگانعا اينالدى.
قازاقستاننىڭ تۇڭعىش پرەزيدەنتىن بۇگىندە الەم جۇرتشىلىعى دۇنيەجۇزىندەگى ەڭ جارقىن جانە بەدەلدى كوشباسشىلاردىڭ ءبىرى دەپ سانايدى.
ونىڭ كوپۆەكتورلى ساياساتى, ينتەگراتسيا مەن بەيبىتشىلىكتى قولداۋ باستامالارى, يادرولىق قارۋسىزدانۋعا قوسقان وراسان ۇلەسى ارقاسىندا قازاقستان شەكاراسى حالىقارالىق دەڭگەيدە بەكەمدەلىپ, ەل ەگەمەندىگى مەن تاۋەلسىزدىگى ءبىراۋىزدان مويىندالدى.
قازاقستان حالقى ءۇشىن تۇڭعىش پرەزيدەنت كۇنى – ءبىرىنشى كەزەكتە بەيبىتشىلىك پەن كەلىسىم, تۇراقتىلىق پەن قاۋىپسىزدىك, ەرتەڭگى كۇنگە سەنىم ءۇشىن ن.نازارباەۆقا دەگەن بۇكىلحالىقتىق سەنىم مەن العاۋسىز ادامگەرشىلىك العىس.
قۇرمەتتى حالايىق!
ەلباسىمىز قازاق حالقىنىڭ ناعىز وتانسۇيەر ۇلى رەتىندە وتانعا شەكسىز قىزمەت ەتۋدىڭ, جاۋاپكەرشىلىك پەن ءپاتريوتيزمنىڭ, ازاماتتىق پارىزدىڭ ناعىز ۇلگىسىن كورسەتتى. تۇڭعىش پرەزيدەنت جولى – ءار ازاماتتىڭ, قازاقستاننىڭ بولاشاققا نۇرلى جولى!
ءار وتباسىنا اماندىق, باقىت پەن تۇراقتىلىق تىلەيمىز!
شاڭىراقتارىڭىزدا شاتتىق شالقىسىن, بىرلىكتەرىڭىز بەكەم بولسىن!
قازاقستان حالقى اسسامبلەياسى
