ايماقتار • 26 قاراشا، 2020

ەلباسى ءدارىسحاناسى اشىلدى

31 رەت كورسەتىلدى

قۇقىق قورعاۋ ورگاندارى ءۇشىن ماماندار دايارلايتىن قوستاناي اكادەمياسىندا تۇڭعىش پرەزيدەنت كۇنى مەرەكەسى قارساڭىندا ەلباسى نۇرسۇلتان نازارباەۆ اتىنداعى اۋديتوريا زالى اشىلدى.

ءبىلىم ورداسىنىڭ ۇجىمى تۇڭعىش پرەزيدەنت ءدارىسحاناسىنىڭ اكادەميا قابىر­عاسىندا اشىلۋى زاڭدىلىق ءارى ۇستازدار مەن كۋرسانتتار ءۇشىن ۇلكەن مارتەبە دەپ بىلەدى. سەبەبى جوعارى وقۋ ورنىنىڭ قۇرىلۋى مەن قالىپتاسىپ، دامۋى ەلباسى ەسىمىمەن تىعىز بايلانىستى.

قوستاناي اكادەمياسى – تاۋەلسىزدىك تاري­حىن­دا تۇڭعىش پرەزيدەنت ارنايى تابال­دىرىعىن اتتاعان ىشكى ىستەر مينيستر­لىگىنىڭ بىردەن-ءبىر وقۋ ورنى. 1997 جىلدىڭ 1 ناۋرىزىندا ىشكى ىستەر مينيسترلىگىنىڭ قوستاناي جوعارى مەكتەبىنە قازاقستان رەسپۋبليكاسىنىڭ تۇڭعىش پرەزيدەنتى ن.ءا. نازارباەۆتىڭ جارلىعىمەن بەكىتىلگەن وقۋ ورنىنىڭ تۋى تاپسىرىلسا، وسى جىلدىڭ 16 شىلدەسىندە مەملەكەت باسشىسى قوستانايعا جۇمىس ساپارى بارىسىندا اتالعان ءبىلىم ورداسىنا  ارنايى ات باسىن بۇرىپ، وقۋ ورداسى ۇجىمىنىڭ جۇمىسىمەن تانىستى.

– وقۋ ورنىنىڭ جۇمىسىن جوعارى باعا­لاعان پرەزيدەنت قۇرمەتتى قوناقتار كىتابىنا: «قوستانايداعى تۇڭعىش جوعارى ميليتسيا مەكتەبىنە، ونىڭ شاكىرتتەرىنە وتانىنا ادال قىزمەت ەتۋىن تىلەيمىن» دەگەن تاريحي جازبا قالدىردى.  بۇل ءوز كەزەگىندە، العا قويىلعان مىندەتتەردى اتقارۋعا سونى سەرپىن، تىڭ تىنىس سىيلادى. مىنە، وسى سەبەپتى دە، اكادەميا بازاسىندا اشىلعان اۋديتوريانىڭ ماڭىزى ءبىز ءۇشىن ەرەكشە جانە ارقايسىمىز ول كىسىگە قاراپ بوي تۇزەپ، ونەگە الۋىمىز كەرەك، – دەيدى اكادەميا كۋرسانتتارى.

جاڭا ءدارىسحانانىڭ تورىندەگى سورەگە تۇڭعىش پرەزيدەنتتىڭ ءار جىلدارى جارىق كورگەن ەڭبەكتەرى قويىلعان. ونىڭ ىشىندە ەلباسىنىڭ بالالىق شاعىنان باستاپ، كەمەڭگەرلىك جىلدارىن تۇتاس قامتيتىن ءومىر جولى مەن تاريحي ەستەلىكتەرى، ۇلى دالانىڭ بىرنەشە مىڭجىلدىق تاريحىنان سىر شەرتەتىن قازاق، ورىس جانە اعىلشىن تىلدەرىندە شىققان قۇندى كىتاپتار بار.  

زاماناۋي تەحنولوگيامەن جابدىقتالعان ەلباسى ءدارىسحاناسىندا كۋرسانتتار مەن تىڭداۋشىلارعا ارنالعان عىلىمي-تاجىري­بەلىك كونفەرەنتسيالار مەن سەمينارلار وتكىزىلەتىن بولادى.

 

قوستاناي وبلىسى

 

سوڭعى جاڭالىقتار

باۋىربەكتىڭ باتىلدىعى

قوعام • بۇگىن، 06:36

تسيفرلى وفيتسەر دە بولۋى مۇمكىن

تەحنولوگيا • بۇگىن، 06:30

پنەۆمونيادان 1 ادام قايتىس بولدى

كوروناۆيرۋس • 23 قاڭتار، 2021

ەلىمىزدە تاعى 1050 ادام ىندەتتەن ايىقتى

كوروناۆيرۋس • 23 قاڭتار، 2021

بياتلونشىلاردىڭ باعى جانبادى

سپورت • 22 قاڭتار، 2021

ۇقساس جاڭالىقتار