ال وبلىس ورتالىعىنداعى ءىرى ساۋدا ورىندارىنىڭ بىرىندە ەرەسەكتەر مەن بالالارعا ارنالعان ۆيكتورينا ءوتتى. سونىمەن قاتار ەكوۆولونتەرلەر قالا تۇرعىندارى كوپ جۇرەتىن ورىندار مەن اۆتوبۋس ايالدامالارىنا سىناپتان تونەتىن قاۋىپ تۋرالى پلاكاتتار جاپسىرىپ, قالا تۇرعىندارىنا تانىمدىق-اقپاراتتىق بۋكلەتتەر تاراتتى.
اكتسيانى ۇيىمداستىرۋشىلاردىڭ ايتۋىنشا, تۇرعىنداردىڭ, اسىرەسە ەلەكتر قۋاتىن ۇنەمدەيتىن شامداردى سىندىرىپ الۋدان ساق بولعانى ابزال. ويتكەنى قۋات ۇنەمدەگىش شامنىڭ ىشىندە ادام اعزاسى ءۇشىن اسا قاۋىپتى سانالاتىن سىناپ بۋى بار. ماسەلەن, ابايسىزدا سىنىپ قالعان ءبىر شامنىڭ ءوزى اينالاعا شوعىرلانعان سىناپ مولشەرىن بىرنەشە ساعات بويى ارتتىرىپ, 6 تەكشە مەتر اۋانى ۋلايدى ەكەن. ءيىسسىز ءارى زياندى بۋمەن تىنىستاعان ادامنىڭ اعزاسىنا سىناپ ءسىڭىپ, ونىڭ ارتى قايعىلى جاعدايعا ۇلاسۋى مۇمكىن. سىناپ بۋىنىڭ, اسىرەسە ايەلدەر مەن بالالارعا تيگىزەتىن زيانى مول. سوندىقتان قاۋىپتەن ساقتانۋدىڭ بىردەن-ءبىر جولى – قۇرامىندا سىنابى بار قالدىقتاردى باسقا تۇرمىستىق قالدىق تۇرلەرىنە ارالاستىرماي, بولەك جيناۋ. ۆولونتەرلەر تۇرعىندارعا ىستەن شىققان ەلەكتر شامدارىن قالاداعى قوقىس ورىندارىنا ارنايى قويىلعان قىزىلسارى كونتەينەرلەرگە جيناۋعا كەڭەس بەردى.
قوستاناي وبلىسى
