قوستانايداعى وبلىستىق قان ورتالىعى تاياۋدا «قان تاپسىر دا, ءومىردى قۇتقار» دەپ اتالاتىن اكتسيا ۇيىمداستىردى. اتالعان شاراعا «سارىباي-سوكولوۆ» كەن بايىتۋ كومبيناتىنىڭ كەنشىلەرى تۇگەل قاتىسىپ, جاناشىرلىقتىڭ ۇلگىسىن كورسەتتى. رۋدنىيلىق كەنشىلەر جىل سايىن ۇجىم بولىپ ۇيىمداسىپ, ورتالىققا كەلىپ قان تاپسىرۋدى داستۇرگە اينالدىرعان.
– دەنساۋلىق بولىپ تۇرعاندا, ءار ادام قان تاپسىرىپ, وزگەنىڭ ءومىرىن قۇتقارىپ قالۋعا كومەكتەسۋ كەرەك. بۇل – كەز كەلگەن ىزگى قوعامعا قاجەت ادامگەرشىلىكتىڭ بەلگىسى. مەن مۇنداي يگى شارالارعا ۇنەمى قاتىسىپ تۇرامىن. قان تاپسىرعان سايىن كوڭىل كۇيىم كوتەرىلىپ, جانىم سەرگىپ, ءبىر راحاتتانىپ قالامىن. جاقسىلىق جاساعانعا نە جەتسىن! – دەيدى جاس كەنشى ءمادي قامباروۆ.
ءار دونور 450 مل كولەمىندە قان تاپسىردى. مۇنداي مولشەردە قان جوعالتۋ ساۋ ادامنىڭ اعزاسىنا ەشبىر فيزيولوگيالىق قاۋىپ تۋدىرمايدى. ورتالىق ماماندارىنىڭ ايتۋىنشا, دونورلىق ادام دەنساۋلىعىنا پايدالى اسا پايدالى كورىنەدى.
بۇل شارانىڭ العاشقى كۇنى كاسىپورىننىڭ 50-دەن اسا جۇمىسشىسى 25 ليتر قان تاپسىردى قان تاپسىردى. بۇل كەم دەگەندە 100 شاقتى ناۋقاستىڭ ءومىرىن اراشالاپ قالۋعا جەتەدى, دەيدى دارىگەرلەر.
قوستاناي وبلىسى
