ايماقتار • 14 قاراشا، 2020

سماعۇل سادۋاقاس ۇلىنىڭ 120 جىلدىعىنا ارنالعان جيىن ءوتتى

37 رەت كورسەتىلدى

نۇر-سۇلتان قالاسىنىڭ اكىمدىگى تىلدەردى دامىتۋ جانە ارحيۆ ءىسى باسقارماسى «رۋحانيات» كوممۋنالدىق مەملەكەتتىك مەكەمەسى مەملەكەت جانە قوعام قايراتكەرى، الاش ازاماتى  سماعۇل سادۋاقاس ۇلىنىڭ 120 جىلدىعىنا ارنالعان «قازاعىن قاستەرلەگەن قايسار تۇلعا» اتتى ونلاين دوڭگەلەك ۇستەلىن وتكىزدى.

شارانىڭ ماقساتى: ۇلت قايراتكەرى سماعۇل سادۋاقاس ۇلىنىڭ 120 جىلدىق مەرەيتويى قارساڭىندا عىلىمي-شىعارماشىلىق زيالى قاۋىم وكىلدەرىنىڭ باسىن قۇراي وتىرىپ، سان قىرلى تاريحي تۇلعانىڭ تاعىلىمدى ءومىر جولىن وسكەلەڭ ۇرپاق ساناسىنا ءسىڭىرۋ، سان الۋان تاقىرىپتاعى مۇراسىن دارىپتەۋ.

ەل ازاتتىعى مەن رۋحاني كەمەلدەنۋىنە تاريحي ەڭبەك ەتكەن قايراتكەردىڭ سۇيەگى ورتەلىپ، ۇزاق ۋاقىت بويى دون زيراتىندا ساقتالىپ كەلگەن ەدى. ەلىمىزگە بەلگىلى عالىمدار مەن قايراتكەرلەردىڭ جۇيەلى جۇرگىزگەن جۇمىسى ناتيجەسىندە الاش ارداقتىسىنىڭ ك ۇلى 2011 جىلى ەلگە جەتكىزىلىپ، تۋعان جەر قوينىنا تاپسىرىلدى. دوڭگەلەك ۇستەل بارىسىندا وسىنداي قيىن دا سىندارلى عۇمىر كەشكەن قازاقتىڭ ءبىر تۋار ۇلىنىڭ عۇمىرناماسى ءار قىرىنان ەكشەلىپ، كوپشىلىككە باياندالدى.

رۋحاني جيىندى ف.ع.ك.، الاشتانۋشى، ل.ن.گۋميلەۆ اتىنداعى ەۇۋ قازاق ادەبيەتى كافەدراسىنىڭ مەڭگەرۋشىسى قايىربەك كەمەڭگەر تىزگىندەدى. الدىمەن ءسوز العان الاشتانۋشى بۇگىنگى جيىننىڭ ءمانى مەن ماقساتىن تۇسىندىرە كەلە، تاريحي سانانىن جاڭعىرتۋداعى رولىنە توقتالدى. ودان ءارى قۇتتىقتاۋ ءسوز نۇر-سۇلتان قالاسىنىڭ تىلدەردى دامىتۋ جانە ارحيۆ ءىسى باسقارما باسشىسىنىڭ ورىنباسارى ساكەن ەسىركەپكە بەرىلدى. باسقارما باسشىسىنىڭ ورىنباسارى تاريحي تۇلعانى دارىپتەۋدەگى مەملەكەتتىك مەكەمەنىڭ جۇمىسىنا توقتالا كەلە، الداعى ۋاقىتتا اتقارىلاتىن جۇمىس جوسپارىمەن تانىستىردى. بولاشاقتا باسقارماعا قاراستى ونوماستيكا ءبولىمى قايراتكەردىڭ ەسىمىن ەلوردا مەكتەپتەرىنىڭ بىرىنە بەرۋ بويىنشا جۇمىستارمەن اينالىساتىن بولادى.

شاراعا رەسپۋبليكانىڭ تۇكپىر-تۇكپىرىنەن الاشتانۋشى عالىمدار، فيلولوگ، تاريحشىلار، عىلىمي-شىعارماشىلىق توپ وكىلدەرىمەن قاتار جاستار دا قاتىستى. ولاردىڭ قاتارىندا ديحان قامزابەك ۇلى – قر ۇعا اكادەميگى، ل.ن. گۋميلەۆ اتىنداعى ەۇۋ پرورەكتورى، ايگۇل ىسماقوۆا - ف.ع.د.، الاشتانۋشى،  نازارباەۆ ۋنيۆەرسيتەتىنىڭ پروفەسسورى،  بەيبىت قويشىباەۆ – ت.ع.ك.، الاشتانۋشى، جازۋشى، جاقسىباي سامرات – جازۋشى-جۋرناليست، قر مادەنيەت قايراتكەرى، داناگۇل ماحات – ت.ع.د.، ل.ن. گۋميلەۆ اتىنداعى ەۇۋ «وتىرار كىتاپحاناسى عزي ديرەكتورى، گۇلنار مۇقانوۆا – ف.ع.ك.، ءال-فارابي اتىنداعى قازۇۋ پروفەسسورى، «ايقاپ» جۋرنالىنىڭ جاۋاپتى رەداكتورى، ساعىمباي جۇماعۇل – ف.ع.د.، الاشتانۋشى،  ل.ن. گۋميلەۆ اتىنداعى ەۇۋ قازاق ادەبيەتى كافەدەراسىنىڭ پروفەسسورى سىندى ەلگە بەلگى زيالى قاۋىم وكىلدەرى بولدى. العاشقىلاردىڭ ءبىرى بولىپ ءسوز العان اقىن، قازاقستان جازۋشىلار وداعى نۇر-سۇلتان قالالىق فيليالىنىڭ باسشىسى داۋلەتكەرەي كاپ ۇلى سماعۇلعا ارناعان جۇرەك تەبىرەنتەر جىر شاشۋىن تارتۋ ەتتى. عالىمدار قايراتكەردىڭ شىعارماشىلىق جولى، مەملەكەتتىك ىستەردەگى ەرەن ەڭبەگى، ۇلت تاعدىرىنا قاتىستى جاساعان جۇمىستارى جونىندە كەڭىنەن باياندادى. سونىمەن قاتار سماعۇل سادۋاقاس ۇلىنىڭ ەسىمىن جاڭعىرتۋ ماقساتىندا كەلەلى ۇسىنىستار ايتىلدى.

الدىمەن سقو-دا قايراتكەردىڭ ەسىمىنە كوشە بەرۋ، مۇراجايىن اشۋ سونىمەن قاتار تۋعان جەرىندە مەكتەپكە اتىن بەرۋ تۋرالى ۇتىمدى ۇسىنىستار كوتەرىلدى. وسى تۇستا شاراعا ارنايى قاتىسقان سقو اكىمىنىڭ ورىنباسارى عاني نىعىمەتوۆ بيىلعى جىلدان باستاپ 35 پايىز قازاق تۇراتىن وڭىردە قايراتكەردىڭ ەسىمىن ۇلىقتايتىن شارالاردىڭ باستالعانىن جەتكىزدى. ودان بولەك الداعى ۋاقىتتا دا جۇزدەگەن كوشە، بىرنەشە اۋدان مەن اۋىلعا قازاقى ناقىشتاعى اتاۋلار بەرىلەتىنىن ايتىپ، كوپشىلىكتىڭ كوڭىلىن مارقايتتى.

جينالعان قاۋىم ءدال وسىنداي جۇمىستاردى ەلوردامىزدا دا جۇيەلى جولعا قويۋىلۋى كەرەكتىگىن باسا ايتتى. قالامىزدا ورنالاسقان №78 مەكتەپ-گيمنازياسى ءبىرشاما ۋاقىتتان بەرى قايراتكەردىڭ ەسىمىن سۇراپ ءجۇر. مەكتەپ قابىرعاسىندا سماعۇلعا ارنالعان ارنايى شاعىن مۇراجاي بار. وسىلايشا الاش قايراتكەرىنىڭ ەسىمىن ۇلىقتاپ وتىرعان ءبىلىم ورداسى مەرەيتوي قارساڭىندا ءسۇيىنشى حاباردى كۇتىپ جۇرگەنىن جەتكىزدى. شاراعا قاتىسۋشى مەكتەپ وقۋشىلارى دا سماعۇل سادۋاقاس ۇلىنىڭ ۇرپاققا ۇلگى بولار ۇلاعاتتى سوزدەرىن وقىپ، كوپشىلىكتىڭ باتاسىن الدى.

شارا سوڭىندا ونلاين دوڭگەلەك ۇستەلگە قاتىسۋشىلار سماعۇل سادۋاقاس ۇلىنىڭ ونەگەلى ءومىر جولى كەيىنگى جاستارعا ۇلگى ەكەنىن تاعى ءبىر ەسكە سالدى. جاسىنداي جارق ەتكەن قىسقا عۇمىرىندا الاشقا ادال قىزمەت ەتىپ، تاريح بەتىندە وشپەس ءىسى قالعان قايراتكەردىڭ ەرەن ەرلىگىن بۇگىنگى تاۋەلسىز قازاقستاننىڭ جاستارى ۇمىتپاق ەمەس!

سوڭعى جاڭالىقتار

اماناتقا ادالدىق

ادەبيەت • كەشە

ديلليان ۋايت قاھارىنا ءمىندى

كاسىپقوي بوكس • كەشە

ۇقساس جاڭالىقتار