وڭىرلىك كوممۋنيكاتسيالار الاڭىندا وتكەن بريفينگتە «توبىل» الەۋمەتتىك-كاسىپكەرلىك كورپوراتسياسى باسقارما توراعاسىنىڭ ورىنباسارى بايبوسىن مۋرزين:
– ءبىرىنشى سۇرىپتى بيداي نانىنىڭ باعاسىن تۇراقتاندىرۋ ماقساتىندا 2020 جىلدىڭ 4 قاراشاسىندا «ۆاديسا م» جشس-مەن ارادا شارت جاسالدى. سەرىكتەستىك 5000 توننا كولەمىندە ءبىرىنشى سۇرىپتى بيداي ۇنىن جەتكىزەدى. وعان 600 ملن تەڭگە باعىتتالادى. بيداي ۇنى ناۋبايحانالىق كاسىپورىندارعا بەرىلەدى, ءبىر بولكە ناننىڭ باعاسى دۇكەن سورەلەرىندە 87 تەڭگەدەن اسپاۋعا ءتيىس, – دەدى. ايتا كەتەيىك, قازىر وبلىس ورتالىعىنداعى دۇكەندەردە جۇمىرتقانىڭ 10 داناسى 350-380 تەڭگەدەن ساتىلىپ جاتىر. دۇكەن يەلەرى باعانىڭ قىمباتتاۋىن تاسىمالداۋشىلارعا تولەنەتىن قارجىمەن جانە قوسىمشا شىعىنداردىڭ كوبەيۋىمەن بايلانىستىرادى.
– بيىل مەملەكەتتىك ساتىپ الۋ شارتى بويىنشا «جاس-قانات 2006» جشس-نان 8 ملن دانا جۇمىرتقا ساتىپ الىندى. جۇمىرتقانىڭ ءبىر داناسىنا 24,5 تەڭگە تولەندى. سول سەبەپتى دۇكەندەر جۇمىرتقانىڭ 10 داناسىن 270 تەڭگەدەن اسىرماۋعا ءتيىس, – دەدى بايبوسىن مۋرزين.
جەرگىلىكتى الەۋمەتتىك-كاسىپكەرلىك كورپوراتسياسىنىڭ مالىمەتىنشە, جۇمىرتقانىڭ 10 داناسى 264 تەڭگەدەن, قاراقۇمىق جارماسىنىڭ كيلوسى 255 تەڭگەدەن اسپاۋى كەرەك. سۇيىق مايدىڭ شەكتى باعاسى ليترىنە 388 تەڭگە بولسا, ناننىڭ ءبىر بولكەسى 82 تەڭگەدەن ساتىلۋعا ءتيىس.
قوستاناي وبلىسى
