مەملەكەت باسشىسى نۇرسۇلتان نازارباەۆتىڭ اتىنا بەلگىلى حورەوگراف جانە بالەتمەيستەر بوريس ەيفماننان حات كەلدى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى نۇرسۇلتان نازارباەۆتىڭ اتىنا بەلگىلى حورەوگراف جانە بالەتمەيستەر بوريس ەيفماننان حات كەلدى, دەپ حابارلادى پرەزيدەنتتىڭ ءباسپاسوز قىزمەتى.
حات يەسى بۇدان ەكى جىل بۇرىن «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعىن العاندا ءوزىنىڭ قازاقستاندا بالەت ونەرىن دامىتۋ ءۇشىن بارلىق كۇش-جىگەرىن سالاتىنىنا ۋادە ەتكەنىن اتاپ وتكەن.
«الماتىنىڭ وپەرا جانە بالەت تەاترىنىڭ تاماشا ۇجىمىمەن مەن «قىزىل جيزەل» جانە «اننا كارەنينانى» قويدىم. ءسىز ءوزىڭىز پرەمەرالارعا قاتىسىپ, بۇل جۇمىستارعا وتە جوعارى باعا بەرگەنىڭىزدى ەشقاشان ۇمىتپايمىن», دەلىنگەن حاتتا.
ب.ەيفمان باسقا ەلدەردە سيمفونيالىق وركەسترلەر مەن تەاترلار جابىلىپ جاتقان ۋاقىتتا قازاقستاندا «استانا وپەرا» تەاترى سالىنعانىن ەرەكشە اتاپ وتەدى. حورەوگرافتىڭ پىكىرىنشە, بۇل – نۇرسۇلتان نازارباەۆتىڭ ءمادەنيەت پەن ونەرگە ەرەكشە كوڭىل بولەتىندىگىنىڭ ناتيجەسى.
«مۇندا تەك ارحيتەكتۋرالىق ىزدەنىستەر عانا ەمەس, وتە جاقسى تەحنيكالىق جاراقتاندىرۋ بار, كۇردەلى قويىلىمدار ءۇشىن بارلىق جاعداي جاسالعان, دايىندىق ءجۇرگىزەتىن زالدار كوپ, بىراق ەڭ باستىسى – سىزدەردە تالانتتى, شىعارماشىلىق الەۋەتى زور, تالابى بيىك جاس ترۋپپا بار», – دەپ جازادى اۆتور.
بالەتمەيستەر جاڭا تەاتر ساحناسىندا «رودەن» بالەتىنىڭ قويىلعانى, ونىڭ استانالىقتار مەن ەلوردا قوناقتارى الدىندا تابىسقا يە بولعانى تۋرالى دا ايتقان.
اۆتور حاتىنىڭ سوڭىندا مەملەكەت باسشىسىنا ونەر مەن ءمادەنيەتتى دامىتۋعا قامقورلىعى ءۇشىن العىسىن ءبىلدىرىپ, ءبۇگىندە الەمگە جول اشقان بىرەگەي قازاق مادەنيەتى جۇرەكتەردى جاقىنداستىرا تۇسەتىنىنە توقتالعان.
«ونەر مەن مادەنيەت ءۇشىن, تۇپتەپ كەلگەندە, ءوز ەلىڭىز بەن حالقىڭىزدىڭ بولاشاعى ءۇشىن جاساعان بارلىق قامقورلىعىڭىز ءۇشىن سىزگە زور العىسىمدى ايتامىن», دەلىنگەن حاتتا.
