ۇيلەرىڭىزدە جاتقان قارۋ, وق-ءدارى, جارىلعىش زاتتار بولسا اكەلىپ تاپسىرساڭىزدار اقشالاي سىيلىق بەرەمىز دەپ ۇندەۋ تاستاعان سەمەي قالالىق ىشكى ىستەر باسقارماسىنىڭ ناسيحاتىنا قۇلاق اسقان قالا تۇرعىندارى بۇل كۇندەرى وسى ىسكە دەن قويعان.
ۇيلەرىڭىزدە جاتقان قارۋ, وق-ءدارى, جارىلعىش زاتتار بولسا اكەلىپ تاپسىرساڭىزدار اقشالاي سىيلىق بەرەمىز دەپ ۇندەۋ تاستاعان سەمەي قالالىق ىشكى ىستەر باسقارماسىنىڭ ناسيحاتىنا قۇلاق اسقان قالا تۇرعىندارى بۇل كۇندەرى وسى ىسكە دەن قويعان.
1 قىركۇيەكتەن باستالعان وسى اكتسيا اياسىندا تۇرعىنداردان 63 ءوتىنىش حات ءتۇسكەن, 70 قارۋ, 593 پاترون تاپسىرىلعان. جۇمىس ءالى دە جالعاسىن تابۋدا.
اقشالاي سىيلىق بەرىلەدى دەگەندى ەستىگەن قالاداعى 1-ءشى شاعىن اۋداننىڭ 39 جاسار تۇرعىنى وسىدان 73 جىل بۇرىن گەرمانيادا شىققان تاناپشانى تابىس ەتتى. كاليبرى 7,65 مم, 11 وعى بار ەكەن. ساپالى ەكەندىگى كورىنىپ تۇر دەيدى سەمەي قالالىق ءىىب قىزمەتكەرى ەلۋبەك وسپانوۆ. ءالى كۇنگە دەيىن جارامدى, ىستەن شىقپاعان. «ن» دەگەن ازامات سۇراۋ بارىسىندا ايتىپ بەرگەندەي, تاپانشانى اتاسى ۇلى وتان سوعىسىنان اكەلگەن. ول مۇنى اۋلاداعى گاراجدى جيناۋ كەزىندە تاۋىپ العان. اتاسى 1995 جىلى قايتىس بولىپ كەتىپتى. بۇل قۇرال كەز كەلگەننىڭ قانجىعاسىندا جۇرەتىن جاي قارۋ بولماي, قۇندى دۇنيە بولىپ شىقتى. ۆەرماحتىڭ جوعارعى كوماندالىق قۇراماسىنىڭ وفيتسەرىنە تيەسىلى دۇنيە ەكەن. مايدانگەردىڭ گاراجىندا 68 جىل ساقتالعان تاپانشاعا كريميناليستىك جانە باللەستيكالىق زەرتتەۋلەر جۇرگىزىلىپ جاتىر. تاپانشانى اكەلىپ, ءوز ەركىمەن تاپسىرعان ازاماتقا 50 مىڭ تەڭگە اقشالاي سىياقى تابىس ەتىلدى.
راۋشان نۇعمانبەكوۆا.
سەمەي.
