قازاقستاننىڭ بيىك شاڭىراعىندا تاتۋلىق پەن بىرلىك, ىنتىماقتاستىق پەن دوستىق ورناعانى – ءبارىمىز ءۇشىن ماقتانىش. بۇل رەتتە تاۋەلسىزدىكتىڭ العاشقى جىلدارى قۇرىلعان قازاقستان حالقى اسسامبلەياسىنىڭ ماڭىزى زور. تاۋەلسىز قازاقستان مەملەكەتى – بەيبىتشىلىك مەكەنى. قازاق حالقى ءوز جەرىنە تاعدىر ايداپ كەلگەن بارشا وزگە ۇلت وكىلدەرىن سىرتقا تەپكەن ەمەس. كەرىسىنشە, قانىنا سىڭگەن باۋىرمالدىلىعىمەن قۇشاق جايىپ قارسى الدى. باسقا تۇسكەن قيىن تاعدىردىڭ قاسىرەتىن بىرگە ارقالادى. سونىڭ ارقاسىندا بۇگىنگى بەيبىت كۇنگە جەتتىك.
«بىرلىك بار جەردە تىرلىك بار» دەيدى. دانا جۇرت مۇنى تەگىننەن-تەگىن ايتپاسا كەرەك. اۋىزبىرلىك پەن تۇسىنىستىك, قاراپايىم سىيلاستىق ۇستەمدىك قۇرعان جەرگە قاشاندا ناتيجەلى ىستەردىڭ اتقارىلاتىنى بەلگىلى. ەلىمىزدە قالىپتاسقان ۇلتتار تۇتاستىعى مەن حالىقتار دوستىعىنىڭ ارقاسىندا بۇگىندە مەملەكەتىمىز وركەندەپ, ىلگەرى باسىپ كەلەدى.
قازاقستان ۇلتارالىق قاتىناس ساياساتىندا əلەمدىك كەڭىستىكتە əرقاشان ونەگە تۇتاتىن ەل بولىپ قالا بەرەدى. قازاقستاندىق تəجىريبە, ياعني قازاقستان حالقى اسسامبلەياسى بىرىككەن ۇلتتار ۇيىمى مەن ەۋروپاداعى قاۋىپسىزدىك جəنە ىنتىماقتاستىق ۇيىمى سىندى حالىقارالىق قۇرىلىمداردىڭ جوعارى باعاسىن الدى. شىنىندا دا, بۇل – əلەم جۇرتشىلىعىنىڭ نازارىن اۋدارتقان ەرەن قۇبىلىس. اسسامبلەيا تەك ەلدەگى ەتنوستار اراسىنداعى ماسەلەمەن شەكتەلمەي, حالىقارالىق قاتىناستارعا دا ءوز ۇلەسىن قوسىپ, بۇل رەتتەگى ماسەلەلەردى ءتيىمدى شەشۋگە زور ىقپال جاساپ, ەلىمىزدىڭ حالىقارالىق بەدەلىن كوتەرۋگە ۇلەس قوسۋدا. بۇل رەتتە اسسامبلەيانىڭ ۇيىتقىسى قازاقستاننىڭ تۇڭعىش پرەزيدەنتى – ەلباسىنىڭ ەڭبەگى مەن سارابدال ساياساتىن اتاپ وتپەسكە بولماس.
ءار حالىقتىڭ باستى بايلىعى, باعا جەتپەس قازىناسى – انا ءتىلى. انا تىلىنە سالعىرت قاراۋ – ءوز حالقىنىڭ وتكەنىنە, بۇگىنىنە, بولاشاعىنا نەمقۇرايدى قاراۋ دەگەن ءسوز. قازاقستان رەسپۋبليكاسىنىڭ مەملەكەتتىك ءتىلىن, ياعني قازاق ءتىلىن قۇرمەتتەۋ, ونى ءبىلۋ – ارقايسىمىزدىڭ اسىل پارىزىمىز. ءبىزدىڭ اتا زاڭىمىزدا «قازاقستان رەسپۋبليكاسىنىڭ مەملەكەتتىك ءتىلى – قازاق ءتىلى» دەپ جازىلعان. ءتىل – ادامنىڭ بارلىق سانالى ءومىرىنىڭ ماڭىزدى بولىگى. ادامزات بالاسى ونەر-ءبىلىمدى, مادەنيەتتىلىكتى ءتىل ارقىلى ۇيرەنەدى. ءتىل – بايلانىس.
ەلباسى نۇرسۇلتان نازارباەۆ ء«بىر ماقسات, ءبىر مۇددە, ءبىر بولاشاق» اتتى جولداۋىندا: «ەندى ەشكىم وزگەرتە المايتىن ءبىر اقيقات بار! انا ءتىلىمىز ماڭگىلىك ەلىمىزبەن بىرگە ماڭگىلىك ءتىل بولدى. بۇل ماسەلەنى داۋدىڭ تاقىرىبى ەمەس, ۇلتتىڭ ۇيىتقىسى ەتە بىلگەنىمىز ءجون. ءبىزدىڭ ءتىلىمىز مەملەكەتتىڭ بارلىق جۇيەسىندە قولدانىلۋى ءۇشىن ءبىز ءوزىمىزدى ءوزىمىز قامشىلاۋىمىز كەرەك جانە وسىعان ءوزىمىز اتسالىسۋىمىز قاجەت» دەگەن سوزدەرىن بارشا قازاقستاندىق جادىنان شىعارماۋى كەرەك.
تاۋەلسىزدىكتىڭ رۋحىن اسقاقتاتىپ تۇراتىن ءتىلدىڭ مارتەبەسىن كوتەرۋدەگى اۋقىمدى ءىستىڭ باسى-قاسىندا ەلباسى نۇرسۇلتان نازارباەۆتىڭ ءجۇرۋى ءۇمىت سىيلايدى, ماسەلەنىڭ ماڭىزىن تۇسىندىرەدى. تۇڭعىش پرەزيدەنتىمىز ء«بىز بارشا قازاقستاندىقتاردى بىرىكتىرۋدىڭ باستى فاكتورى بولىپ تابىلاتىن قازاق ءتىلىنىڭ ودان ءارى دامۋى ءۇشىن بارلىق كۇش-جىگەرىمىزدى سالۋىمىز كەرەك... سونىمەن بىرگە ەلىمىزدە تۇراتىن بارلىق حالىق وكىلدەرىنىڭ انا تىلىندە ەركىن سويلەي, وقي الۋىنا, ونى دامىتۋعا قولايلى جاعداي تۋدىرۋىمىز قاجەت», دەپ اتاپ كورسەتكەن بولاتىن. قازاق ءتىلىنىڭ ءوز مارتەبەسىنە ساي تولىققاندى قوعامدىق قىزمەت اتقارۋى اسا قاناعاتتانعىسىز ەكەنىن جان-تانىمىزبەن تۇسىنە وتىرىپ, بۇگىندە ء«تىل تۋرالى» زاڭنىڭ جۇزەگە اسۋىن
ۇلت بولىپ قامتاماسىز ەتۋىمىز قاجەت.
مەن وسى ۋاقىتقا دەيىن اتقارعان قىزمەتتەرىم بولسىن, قوعامدىق ورتادا بولسىن, ۇنەمى تەك قازاق تىلىندە سويلەۋگە جانە وي-پىكىرىمدى تەك مەملەكەتتىك تىلدە بىلدىرۋگە تىرىسامىن. قىزمەتتىك جينالىستاردى قازاق تىلىندە جۇرگىزىپ, قاراماعىمداعى ءاربىر ارىپتەسىمنەن دە وسىنى تالاپ ەتەمىن.
ءتىلدى دامىتۋ – مەملەكەتتىك ساياساتتىڭ اسا ماڭىزدى باعىتتارىنىڭ ءبىرى. جالپى, مەملەكەتتىك ءتىل ساياساتىن تولىققاندى جۇزەگە اسىرۋ بۇل بۇقارالىق ىسكە اينالعاندا عانا كوزدەگەن ماقساتقا جەتە الامىز دەپ سانايمىن.
ءتىلدىڭ بولاشاعى – بارشامىزدىڭ قولىمىزدا.
ۆياچەسلاۆ ۆاۆيلين,
قازاقستان حالقى اسسامبلەياسىنىڭ مۇشەسى
