جەرگىلىكتى جاس سۋرەتشىلەردىڭ تۋىندىلارى كارانتين رەجىمى كۇشەيتىلگەنگە دەيىن وبلىستىق تاريحي-ولكەتانۋ مۋزەيىنىڭ كورمە زالىنان ورىن الىپ, قالا تۇرعىندارىنىڭ تاماشالاۋىنا مۇمكىندىك تۋدى. بايقاۋعا وزگە وڭىرلەردەن قاتىسقان سۋرەتشى, قولونەر شەبەرلەرىنىڭ دۇنيەلەرى ونلاين كورمەگە ورنالاستىرىلدى.
بۇعان دەيىن مادەنيەت باسقارماسى مەن وبلىستىق تاريحي-ولكەتانۋ مۋزەيى, سۋرەتشىلەر وداعىنىڭ جەرگىلىكتى فيليالىنىڭ ۇيىمداستىرۋىمەن وبلىس كولەمىندە عانا وتكىزىلىپ كەلگەن ونەر بايقاۋى بىلتىردان باستاپ رەسپۋبليكالىق دەڭگەيدە وتە باستاعان.
– بۇگىن ۇزدىكتەردى ماراپاتتاپ, بايقاۋعا قاتىسقان جۇمىستاردى تاماشالاپ كوردىم. قانشاما جاس دارىننىڭ ءوسىپ كەلە جاتقانىنا شىن قۋاندىم. ۇلتتىق ناقىشتاعى تاماشا تۋىندىلاردى كورىپ, ۇلتتىق سانانى جاڭعىرتۋدىڭ ناقتى مىسالىنا كۋا بولدىم. تاعى ءبىر قۋانتاتىنى, جاس دارىنداردىڭ ازاماتتىق ۇستانىمى قالىپتاسىپ كەلە جاتىر ەكەن. قوعامدا قىزۋ تالقىعا تۇسكەن كوبەيتۇزدىڭ جاعدايى, براكونەرلەر قولىنان قازا تاپقان قورىقشىنىڭ بەينەسى ءتارىزدى كورىنىستەر ەشكىمدى بەيجاي قالدىرمايتىنى انىق. 10 جىل بويى وبلىستىق دەڭگەيدە وتكىزىلىپ, وتكەن جىلدان بەرى رەسپۋبليكالىق مارتەبەگە يە بولعان بايقاۋدىڭ شىن مانىندە دەڭگەيى جوعارى ەكەنىنە كوزىمىز جەتتى, – دەيدى مادەنيەت باسقارماسىنىڭ باسشىسى ەرلان قالماقوۆ.
بايقاۋ قورىتىندىسى بويىنشا «بەينەلەۋ ونەرى», «گرافيكا», ء«مۇسىن», «دەكوراتيۆتى-قولدانبالى قولونەر» اتالىمدارىنىڭ جەڭىمپازدارى ارنايى ديپلومدار مەن باعالى سىيلىقتارعا يە بولدى. بايقاۋعا قاتىسقان ونەرپازداردىڭ ەشبىرى قۇر قول قالعان جوق, ۇيىمداستىرۋشىلار تالاپكەر سۋرەتشىلەردىڭ ۇستازدارى مەن ونەر مەكەمەلەرىنىڭ مەكەنجايىنا ارنايى سەرتيفيكات قاعازدارىن جولدادى. قازىلار القاسى ءبىراۋىزدان قابىلداعان ۇيعارىم بويىنشا ليساكوۆ قالاسىنان قاتىسقان جاس سۋرەتشى اسەل نۇركەنوۆا بايقاۋدىڭ گران-ءپريى مەن مادەنيەت باسقارماسى تاعايىنداعان 300 مىڭ تەڭگەلىك قارجىلاي سىيلىققا يە بولدى.
قوستاناي وبلىسى
