اتالعان فاكتى بويىنشا ءتارتىپ ساقشىلارى جەدەل-ىزدەستىرۋ شارالارىنا كىرىسىپ, ۋچاسكەلىك ينسپەكتورلارمەن بىرگە جاقىن ماڭداعى بارلىق اۋماقتاردى ارالاپ, كۋاگەرلەردەن جاۋاپ الدى. مال تاسىمالدايتىن اۆتوكولىكتەردى جانە ەت, مال ساتاتىن ورىنداردى مۇقيات تەكسەردى.
"جۇرگىزىلگەن جەدەل-ىزدەستىرۋ ءىس-شارالارىنىڭ ناتيجەسىندە پوليتسيا قىزمەتكەرلەرى قىسقا مەرزىمدە مال ۇرلىعىنا قاتىستى كۇدىكتىنى ۇستادى. ول 47 جاستاعى جەرگىلىكتى تۇرعىن بولىپ شىقتى. كۇدىكتى كىناسىن تولىعىمەن مويىندادى. تەرگەۋ بارىسىندا وتكەن جىلدىڭ اياعىنان باستاپ قازىرگى ۋاقىتقا دەيىن وسى شارۋا قوجالىعىنىڭ اۋماعىنان 32 باس جىلقى ۇرلاعانى انىقتالدى. كۇدىكتى قازىر ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ امالدارى جۇرگىزىلۋدە", دەدى وبلىستىق پوليتسيا دەپارتامەنتىنىڭ باستىعى ساعات ماديەۆ.
سونىمەن قاتار, ۇرلانعان جىلقىلاردى ساتىپ العان ازامات تا انىقتالدى. ول 12 باس جىلقىنى ساتىپ الىپ, 11 باسىن قايتا ساتىپ جىبەرگەن. مويىنداۋ ايعاقتارى الىنعان زاتتاي دالەلدەمەلەرمەن راستالدى.
