Nur Otan پارتياسى قوستاناي وبلىستىق فيليالى توراعاسىنىڭ ءبىرىنشى ورىنباسارى ەلدار كۇزەنباەۆ گاز قۇبىرى تارتىلاتىن اۋىل قاتارى جىل سايىن ەسەلەنە بەرەتىنىن جەتكىزىپ, ايماقتىڭ الەۋمەتتىك ينفراقۇرىلىمىن دامىتۋ ماقساتىندا جۇزەگە اسىرىلىپ جاتقان باسقا دا يگى شارالار جونىندە ايتتى.
اسىرەسە وبلىس حالقىنىڭ ءومىر ساپاسىن جان-جاقتى جاقسارتۋ, تۇرعىنداردى تازا اۋىز سۋ, باسپانا جانە ساپالى جولمەن قامتاماسىز ەتۋ, الەۋمەتتىك ينفراقۇرىلىمدى جاڭارتۋ ماسەلەلەرى وزەكتى بولىپ تۇر.
– جاھاندىق كوروناۆيرۋس ىندەتى وبلىسىمىزدىڭ ەكونوميكالىق جاعدايىنا كەرى اسەر ەتىپ جاتقانى جاسىرىن ەمەس. الايدا مەملەكەت تاراپىنان ازاماتتاردى قولداۋعا ارنالعان داعدارىسقا قارسى شارالار ازىرلەنىپ, كۇن سايىن جول-كولىك ينفراقۇرىلىمىن, تۇرعىن ءۇي-كوممۋنالدىق شارۋاشىلىعىن جاڭعىرتۋعا, سونداي-اق سالاۋاتتى ەكولوگيالىق جاعدايدى ساقتاۋعا باعىتتالعان مەملەكەتتىك باعدارلامالار ءساتتى جۇزەگە اسىرىلىپ جاتىر, – دەدى ە.كۇزەنباەۆ.
وبلىستىق فيليال توراعاسى ورىنباسارىنىڭ ايتۋىنشا, بۇگىندە كولىك ينفراقۇرىلىمىن ودان ءارى دامىتۋ ماقساتىندا اۆتوموبيل جولدارىنىڭ ساپاسىن ارتتىرۋ جانە 2025 جىلعا قاراي ساپالى جولداردىڭ ۇلەسىن 95 پايىزعا جەتكىزۋ كوزدەلىپ وتىر. بۇعان قوسا 300-دەن ارتىق ادام تۇراتىن اۋىلداردا ورتالىقتاندىرىلعان سۋ قۇبىرى تارتىلادى. 200-دەن 300-گە دەيىن نەمەسە ودان دا كوپ تۇرعىنى بار ەلدى مەكەندەرگە كەلىسىممەن سۋ تازارتۋ جانە سۋ تاراتۋ پۋنكتتەرى سالىنادى. سونداي-اق حالىق سانى 200 ادامعا دەيىنگى سۋى ساپالى قۇدىعى جوق شاعىن اۋىلدارعا ورتالىقتاندىرىلعان سۋ قۇبىرى تارتىلعانشا, اۋىز سۋ سىرتتان تاسىمالدانادى.
بۇگىندە جەرگىلىكتى اتقارۋشى بيلىكتىڭ كۇشىمەن وبلىستىڭ 11 ەلدى مەكەنىندە سۋمەن جابدىقتاۋ جەلىلەرىن قايتا قۇرۋ, 93 اۋىلدا سۋمەن جابدىقتاۋ نىساندارىن سالۋ جوسپارلانۋدا. ناتيجەسىندە, اۋىلدا تۇراتىن 98,3 مىڭ تۇرعىننىڭ ساپالى اۋىز سۋعا قول جەتكىزۋىنە مۇمكىندىك تۋادى.
فيليال توراعاسىنىڭ ورىنباسارى مەملەكەتتىك تۇرعىن ءۇي باعدارلامالارىن ىسكە اسىرۋ بارىسىنا دا توقتالىپ ءوتتى. ايتۋىنشا, بىلتىر «نۇرلى جەر», «7-20-25» باعدارلامالارى شەڭبەرىندە 1 580 وتباسى باسپانالى بولعان.
– ازاماتتاردىڭ الەۋمەتتىك ءال-اۋقاتى – ايماقتىڭ تۇراقتى الەۋمەتتىك-ەكونوميكالىق دامۋىنىڭ كورسەتكىشى. ءبىز ءبىلىم بەرۋ, دەنساۋلىق ساقتاۋ, سپورت جانە الەۋمەتتىك قىزمەتتەر سالاسىنداعى ساپالى قىزمەتتەرگە قولجەتىمدىلىكتى قامتاماسىز ەتۋ ارقىلى تۇرعىنداردىڭ تۇرمىسىن جاقسارتامىز. جەرگىلىكتى بيلىك قوستاناي وبلىسى حالقىنىڭ تالاپ-تىلەكتەرىن قاناعاتتاندىرۋ ماقساتىندا قولدان كەلگەنشە مۇمكىن شارالاردىڭ بارلىعىن ءتيىمدى جۇزەگە اسىرىپ كەلەدى, – دەدى ە.كۇزەنباەۆ.
قوستاناي وبلىسى
