ءبىرىنشى كەزەكتە ول قوستانايداعى «سق – فارماتسيا» جشس قويماسىنا باردى. اتالمىش قويما نۇر-سۇلتان قالاسىنداعى حابتان اكەلىنگەن ءدارى-دارمەك, مەديتسينالىق قۇرىلعىلارى مەن قورعانىش بۇيىمدارىن ايماقتاعى ەمدەۋ مەكەمەلەرىنە جەدەل جەتكىزىپ وتىرادى. مۇندا ءتۇرلى اۋرۋلاردى ستاتسيونارلىق جانە امبۋلاتوريالىق ەمدەۋدى قامتاماسىز ەتۋ بارىسىندا مەديتسينالىق مەكەمەلەردەن كەلىپ تۇسكەن وتىنىمدەر بويىنشا, سونداي-اق كوروناۆيرۋستىق ينفەكتسيانى ەمدەۋ بويىنشا تاپسىرىستارعا قىزمەت كورسەتىلەدى.
– اكىمدىك ءدارى-دارمەكتەر, دارىگەرلەرگە قاجەت قورعانىس قۇرالدارىن, سونداي-اق جان-جاقتان كەلىپ جاتقان گۋمانيتارلىق كومەك جۇكتەرىن قابىلداپ الۋدىڭ اشىقتىقتىعىن تولىق قامتاماسىز ەتىپ وتىر. ءاربىر جۇك كەلگەن سايىن باقىلاۋشى توپ قۇرىلىپ, وعان قوعامدىق ۇيىمدار بەلسەندى تۇردە تارتىلۋدا. پاندەميا ءاربىر وتانداسىمىزعا اسەر ەتتى. سوندىقتان بارماق باستى, كوز قىستى جۇمىس بولماۋى ءتيىس. ءدارى-دارمەك الاياقتاردىڭ تابىس كوزىنە اينالماي, تۇتىنۋشىعا جەتۋى وتە ماڭىزدى», دەدى اليك شپەكباەۆ.
ايتا كەتەيىك, بۇعان دەيىن مونيتورينگتىك توپتار بىرقاتار اۋداندا ءدارى-دارمەك پەن قورعانىس قۇرالدارىنىڭ جەتكىلىكتى ەمەس ەكەنى تۋرالى ماسەلە قوزعاعان بولاتىن. «سق – فارماتسيانىڭ» قوستانايداعى فيليالىنىڭ وكىلدەرى بۇعان دەيىن لوگيستيكادا ورىن العان كەمشىلىكتەر جويىلعانىن, بۇگىندە ءوڭىردىڭ بارلىق اۋداندارىنا جەتكىلىكتى مولشەردە ءدارى-دارمەك جەتكىزىلگەنىن ايتتى.
جەرگىلىكتى اتقارۋشى ورگان وكىلدەرىنىڭ مالىمەتىنشە, كوروناۆيرۋستىق ينفەكتسياعا, جرۆي مەن پنەۆمونياعا قارسى كۇرەس ماقساتىنداعى كەشەندى شارالار اياسىندا وبلىستاعى ءدارىحانا جەلىلەرى مەن فارماتسەۆتيكالىق فيرمالاردىڭ ديستريبيۋتورلارىنا 538 ملن تەڭگە دەمەۋ قارجى بولىنگەن. اگەنتتىك توراعاسى وبلىس بيۋدجەتىنەن بولىنگەن قارجىعا ساتىپ الىنعان دارىلەردى ساۋدالايتىن «تسۆەتنايا» ءدارىحانالارىنا دا باس سۇعىپ, ءدارى-دارمەكتەردىڭ باعاسىمەن تانىستى.
قوستاناي وبلىسىنا جۇمىس ساپارى بارىسىندا سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ وبلىس اكىمى ارحيمەد مۇحامبەتوۆپەن بىرگە ليساكوۆ قالاسىندا بولدى.
مەملەكەتتىك ورگاندار قىزمەتىنىڭ ازاماتتاردىڭ قاجەتتىلىگىنە بەيىمدەلۋىنە ىقپال ەتۋ سىبايلاس جەمقورلىققا قارسى ساياساتتىڭ ماڭىزدى بولىگىنىڭ ءبىرى ەكەندىگى بۇرىننان ايتىلىپ كەلەدى. وسى تۇرعىدان العاندا, اشىقتىق, ايقىندىق جانە ەسەپتىلىك ارقىلى مەملەكەتتىك اپپاراتتى ترانسفورماتسيالاۋ ماڭىزدى ءرول اتقارادى.
سىبايلاس جەمقورلىققا قارسى ۆەدومستۆو باسشىسى اكىمدىكتەردە ء«بىر تەرەزە» قاعيداتىمەن ازاماتتارعا سەرۆيستىك جانە كەدەرگىسىز قىزمەت كورسەتۋگە ارنالعان «كومەك الاڭى» فرونت-كەڭسەلەرىنىڭ جۇمىسىمەن تانىستى. كەز كەلگەن ازامات كابينەتتەردىڭ تابالدىرىعىندا كەزەك كۇتپەي-اق جۇگىنە الادى. اكىمدىكتەردىڭ قىزمەتكەرلەرى تۇرعىن ءۇي-كوممۋنالدىق شارۋاشىلىق, جەر قاتىناستارى, الەۋمەتتىك قورعاۋ, اۋىل شارۋاشىلىعى جانە باسقا دا سالالار بويىنشا كەڭەس بەرەدى. ەلەكتروندى قىزمەتتەردى الۋ ءۇشىن وزىنە ءوزى قىزمەت كورسەتۋ بۇرىشتارى دا قاراستىرىلعان.
«تۇرمىستىق سىبايلاس جەمقورلىق ازاماتتار ءۇشىن قولايلى جاعداي جاسالماعان جەردە تارالادى. ازاماتتاردىڭ قاجەتتى زاڭدى كومەك الۋ ءۇشىن مەملەكەتتىك قىزمەتشىگە سىيلىق بەرۋىنە جول جوق. شەنەۋنىكتەر ماسەلەنى شەشۋ جولدارىن تارىلتىپ, كەڭسەلەردە وتىرعان قىزمەتكەرلەردىڭ ماڭىزدىلىعىن جاساندى تۇردە اسىرا كوتەرمەۋى ءتيىس. ءاربىر مەملەكەتتىك قىزمەتشىنىڭ جۇمىس بارىسىندا ۇستاناتىن قاعيدالارى – ادالدىق, ءتارتىپ, قولجەتىمدىلىك, اشىقتىق پەن ادىلدىك. اكىمدىكتەردىڭ ىڭعايلى فرونت-كەڭسەلەرىمەن مەگاپوليستەردىڭ عانا ەمەس, شاعىن كەنتتەردىڭ تۇرعىندارى ءۇشىن دە قامتاماسىز ەتۋ قاجەت», دەپ اتاپ ءوتتى اليك شپەكباەۆ.
رۋدنىي مەن ليساكوۆ قالالارىندا «كومەك الاڭى» اشىلعان ساتتەن باستاپ ولارعا 12 مىڭنان استام تۇرعىن جۇگىنگەن. تاياۋ ارادا وبلىستا حالىق تىعىز ورنالاسقان بارلىق اۋىل اكىمدىكتەرى وسىنداي جۇمىس نىسانىنا كوشەدى.
اگەنتتىك توراعاسى جەرگىلىكتى مەملەكەتتىك كىرىستەر ورگاندارى قىزمەتكەرلەرىمەن كەزدەسىپ, ازاماتتار مەن كاسىپكەرلەرگە قىزمەت كورسەتۋ زالدارىنىڭ جۇمىسىمەن تانىستى. سونىمەن قاتار, ليساكوۆ قالاسىندا اليك شپەكباەۆ پەن ارحيمەد مۇحامبەتوۆ كۇردەلى جاعدايلاردى شەشۋگە كومەك كورسەتۋ تۋرالى ءوتىنىش بىلدىرگەن ازاماتتاردى قابىلدادى.
قوستاناي وبلىسى
