ناپولەون سوعىسى كەزىندەگى اسكەري قيمىلدار سۋرەتتەلگەن «گۋسار» اتتى العاشقى رومانىمەن-اق وقۋشى نازارىن اۋدارعان اۆتوردىڭ «فلاماندسكايا دوسكا» اتتى رومانى ونى الەمگە تانىتتى. كەيىنگى «كلۋب ديۋما», «كوجا دليا بارابانا» سياقتى بىرنەشە تاريحي, شىتىرمان وقيعالى روماندارى كوپتەگەن شەتەل تىلدەرىنە اۋدارىلىپ, ميلليونداردىڭ سۇيىسپەنشىلىگىنە بولەندى. كوپتەگەن شىعارماسى ساحنا تورىنەن بەرىك ورىن الدى.
«قۇرساۋ نەمەسە ءولىم ۇستىندەگى ويىن» – اۆتوردىڭ قازاق تىلىنە اۋدارىلعان العاشقى تۋىندىسى. روماندا جازۋشى حVIII عاسىر اياسىندا يسپانيا مەن فرانتسيا اراسىنداعى سوعىستى ارقاۋ ەتە وتىرىپ, ارعى تاريح پەن سول كەزەڭنىڭ كوكەيكەستى پروبلەمالارىن ءبىر-بىرىمەن شەبەر ۇشتاستىرادى, ساياسي شيەلەنىستەردى, قوعامدىق ب ۇلىك قۇپيالاردى, شىم-شىتىرىق تەرگەۋ قيمىلدارىن, نازىك ماحاببات سەزىمدەرىن, پوليتسيا كوميسسارىنىڭ قىلمىسپەن ارپالىسىن ادام ويىنا كەلمەيتىن كىلت بۇرىلىستارمەن اسەرلى جالعاستىرىپ كەتەتىنى سونشا, وقىرمان وقيعا بارىسىنا ەرەكشە قىزىعۋشىلىقپەن ەرىكسىز ىلەسىپ وتىرادى.
كولەمى 30 باسپا تاباق قوماقتى روماندى ورىس تىلىنەن قازاق تىلىنە اۋدارعان تانىمال جۋرناليست سىرىم باقتىگەرەي ۇلى ەكەنىن ەسكە سالامىز.
