جيىندا وبلىس اۋماعىندا تۇرىپ جاتقان ازاماتتىعى جوق, سونداي-اق ءوزىنىڭ شەت مەملەكەتتىڭ ازاماتى ەكەنىن دالەلدەي المايتىن ادامداردىڭ قۇقىقتىق مارتەبەسىن ايقىنداۋ جونىندە ماسەلە كوتەرىلىپ, مۇنداي ازاماتتاردىڭ مارتەبەسىن رەتتەۋ جونىندەگى بىرلەسكەن جۇمىستى ودان ءارى جانداندىرۋدىڭ تەتىكتەرى مەن جولدارى تالقىلاندى.
ماحاببات احمەتبەكوۆانىڭ ايتۋىنشا, بيىل بيۋرو مەن پوليتسيا ورگاندارىنىڭ بىرلەسكەن جۇمىستارىنىڭ ناتيجەسىندە قوستاناي وبلىسىندا 36 ادام قازاقستان رەسپۋبليكاسى ازاماتتىعىن جانە ازاماتتىعى جوق ەكەنىن دالەلدەيتىن كۋالىكتەر مەن شەتەل ازاماتتىعىن ايعاقتايتىن قۇجات العان.
جالپى جىل باسىنان بەرى ادام قۇقىقتارى جونىندەگى بيۋرونىڭ قوستاناي فيليالى مەن ىشكى ىستەر ورگاندارىنا 100-گە جۋىق ادام جۇگىنىپتى.
وبلىستىق كوشى-قون باسقارماسىنىڭ باستىعى قايرات دۇتپاەۆتىڭ ايتۋىنشا, بۇل باعىتتاعى جۇمىستار كۇندەلىكتى اتقارىلا بەرەدى.
– كوشى-قون قىزمەتى مەن جەرگىلىكتى پوليتسيا قىزمەتىنىڭ قىزمەتكەرلەرى وبلىستا تۇراتىن ادامداردى ازاماتتىڭ جەكە باسىن كۋالاندىراتىن قۇجاتسىز انىقتاۋ جانە ولارعا مارتەبە بەرەتىن قۇجات رەسىمدەۋ ماقساتىنداعى بىرلەسكەن جۇمىستاردى جانداندىرا تۇسەدى, – دەدى ق.دۇتپاەۆ.
جيىندا ازاماتتاردىڭ قۇجاتتارىن رەسىمدەۋ بارىسىندا تۋىندايتىن كەدەرگىلەر مەن وزەكتى ماسەلەلەر تالقىلانىپ, الداعى مىندەتتەر ايقىندالدى.
قوستاناي وبلىسى
