بۇكىلالەمدىك ساۋدا ۇيىمىنا كىرۋ ءۇشىن قازاقستان اۋىلشارۋاشىلىق سالاسىن دامىتۋدى قولعا الىپ وتىر, يگى ءىستىڭ باستاماسى رەتىندە شاكارىم اتىنداعى مەملەكەتتىك ۋنيۆەرسيتەتىنىڭ ۇيىمداستىرۋمەن «سەمەي اگرو-2013» كورمەسى ۇيىمداستىرىلۋدا دەدى رەكتوردىڭ كومەكشىسى زەينوللا توقاەۆ وبلىستاعى اگروبيزنەس ونىمدەرىنىڭ كورمەسى اشىلۋ بارىسىندا.
بۇكىلالەمدىك ساۋدا ۇيىمىنا كىرۋ ءۇشىن قازاقستان اۋىلشارۋاشىلىق سالاسىن دامىتۋدى قولعا الىپ وتىر, يگى ءىستىڭ باستاماسى رەتىندە شاكارىم اتىنداعى مەملەكەتتىك ۋنيۆەرسيتەتىنىڭ ۇيىمداستىرۋمەن «سەمەي اگرو-2013» كورمەسى ۇيىمداستىرىلۋدا دەدى رەكتوردىڭ كومەكشىسى زەينوللا توقاەۆ وبلىستاعى اگروبيزنەس ونىمدەرىنىڭ كورمەسى اشىلۋ بارىسىندا.
ەلىمىز بويىنشا تۇڭعىش رەت قولعا الىنىپ وتىرعان كورمەنىڭ تۇساۋىن كەسكەن رەسەي مەملەكەتتىك اگرارلىق ۋنيۆەرسيتەتى, زووۆەتەريناريا فاكۋلتەتىنىڭ دەكانى يۋسۋپ يۋلداشپاەۆ ۋنيۆەرسيتەت رەكتورى, ساياساتتانۋ عىلىمدارىنىڭ دوكتورى شارىپبەك امىربەكوۆكە قولعا العان جۇمىستارىنا, ۋاقىت تالابىنا ساي ىرگەلى ماماندار دايىنداپ شىعارۋلارىنا تابىستار تىلەپ, كەلەر جىلى دا ەل ەكونوميكاسىنا ۇلەس قوسار وسىناۋ كورمەنىڭ جالعاسىن تاباتىندىعىنا سەنىم ءبىلدىردى. بۇل جەردەن تراكتور, تىركەمە سياقتى قاجەتتى تەحنيكالاردى, اۋىلداردان جەتكىزىلگەن ءتورت ت ۇلىك مالدى, قۇستاردى جانە تاعى باسقالارىن تاماشالاۋعا بولادى.
كورمەنىڭ اشىلۋ سالتاناتىنا وبلىستىق اۋىلشارۋاشىلىق باسقارماسىنىڭ باستىعى دۇيسەنباي سەليحانوۆ قاتىسىپ, وسى جيىنعا الىستان ات ارىلتىپ كەلگەن ۇلگىلى شارۋا قوجالىقتارىنا الداعى ۋاقىتتا قارجىلاي جانە باسقا دا جاعىنان كومەك بولاتىندىعىن ايتتى. قالاداعى «ۇسەن» شارۋا قوجالىعىنىڭ توراعاسى عابباس قۇسايىنوۆتىڭ ايتۋىنشا, قوي مالىن اسىلداندىرۋدى قولعا الۋ – ابزال ءىس. شارۋا قوجالىقتارى مەن جەكەمەنشىكتەگى مالداردىڭ ساپا جاعىنان ءبىر-بىرىنەن كەم تۇسپەي, بىرىڭعاي جوعارى دەڭگەيدە بولعانى ماڭىزدى. مۇندا اباي اۋدانى 36 باس قوي مالىن, ال سەمەيدىڭ «ءشوپتىقاق», «ازات», «لازارەۆ», «مۇقينوۆ» قوجالىقتارى 12 باس جىلقى اكەلسە, بورودۋليحا, بەسقاراعاي اۋداندارى 18 باس ءىرى قارا جەتكىزىپتى. سەمەي ەت كومبيناتىنىڭ شۇجىقتارى مەن برويلەر فابريكاسىنىڭ قۇس ەتى ونىمدەرى دە وسى جەردە.
كورمەگە قاتىسقاندار اۋىلشارۋاشىلىق ونىمدەرىن قالاي جاقسارتامىز, مال باسىن قالاي كوبەيتۋ كەرەك مىنە, وسى تاقىرىپتاردا پىكىر الماستى. اگروونەركاسىپتى دامىتۋ ەل ساياساتىنىڭ ماڭىزدى بولىگى. سوندىقتان دا ۋنيۆەرستيتەتتىڭ 60 جىلدىق تاريحى بار اگرارلىق فاكۋلتەتىنىڭ وسىناۋ كورمەسىن ۇيىمداستىرۋعا اتسالىسقان قالا اكىمى ايبەك كارىموۆ ءوزى تۇلەگى بولعان وقۋ ورنىنىڭ مامانداردى دايارلاۋداعى ەڭبەكتەرىن ەرەكشە اتاپ ءوتتى. «الداعى ۋاقىتتا سەمەيگە استانا, الماتى, قوستاناي, ورال, پاۆلودار قالالارىنان ستۋدەنتتەر كەلىپ, مال جانە ەگىن شارۋاشىلىعىن يگەرۋگە بايلانىستى بىلىمدەرىن كەڭەيتپەك. بۇعان ۋنيۆەرسيتەت قولعا الىپ وتىرعان اكادەميالىق ۇتقىرلىق باعدارلاماسى كومەگىن تيگىزبەك», – دەدى اگرارلىق فاكۋلتەت دەكانى بولاتبەك كوجەباەۆ. – سەبەبى, قازىر ەلىمىزدە اۋىلشارۋاشىلىق تەحنيكا, تەحنولوگيا سالاسى ماماندارى تاپشى بولىپ وتىر. ستۋدەنتتەر ەت جانە ءسۇت تەحنولوگياسى, اۋىلشارۋاشىلىق ونىمدەرىن وڭدەۋ بويىنشا سەمەيدە مامانداناتىن بولادى.
راۋشان نۇعمانبەكوۆا.
سەمەي.
سۋرەتتى تۇسىرگەن اۆتور.
