جەر جاھاندى جايلاعان پاندەميا كەزىندە انا مەن بالا دەنساۋلىعىن قورعاۋ تىپتەن دە كەزەك كۇتتىرمەيتىن ماسەلە ەكەنىنە ءمان بەرگەن ابزال. اركىم اۋلەتى تۇگىلى جەكە باسىنىڭ قامىن كۇيتتەگەن كۇردەلى شاقتا سىناققا تولى سىن ساعاتتا انا مەن بالانىڭ ساۋلىعىن الدىڭعى قاتارعا شىعارىپ, ولاردىڭ اماندىعى مەن الاڭسىزدىعى ءۇشىن ارەكەت ەتكەن الدەقايدا پايدالى بولماق. وسى رەتتە دەنساۋلىق ساقتاۋ ۆيتسە-ءمينيسترى اجار عينيات ەپيدەميالىق جاعدايدى ەسكەرە وتىرىپ, رەسپۋبليكاداعى كوروناۆيرۋس ينفەكتسياسىنىڭ الدىن الۋ بويىنشا قابىلدانىپ جاتقان شارالار تۋرالى حاباردار ەتتى.
ونىڭ ايتۋىنشا, الەمدە اۋرۋدىڭ ءوسۋى جالعاسۋدا. قازىرگى كەزدە الەمنىڭ 216 ەلىندە كۆي-دىڭ 48 ملن-نان استام جاعدايى تىركەلگەن, سىرقاتتانۋشىلىقتىڭ ءوسۋى – 1 پايىز. 1 ملن 200-دەي ادام قايتىس بولدى, ءولىم كورسەتكىشى – 2,6 پايىز. ەۋروپا مەن ازيانىڭ كەيبىر ەلدەرىندە بۇرىنعىشا اۋرۋدىڭ ءوسۋى جالعاسۋدا. سوڭعى ايدا گەرمانيادا اۋرۋدىڭ تارالۋى كوبەيگەنى بايقالدى.
«سوڭعى 2 اپتادا ەلىمىزدىڭ وڭىرلەرىندە كۆي-مەن سىرقاتتانۋدىڭ ءوسۋى بايقالادى. سىرقاتتانۋدىڭ ءوسۋى بارلىق وڭىردە بايقالىپ وتىر. وتكەن اپتامەن سالىستىرعاندا اۋرۋ 2,6 ەسەگە ءوستى. بۇگىنگى تاڭدا 14 ءوڭىردىڭ – سولتۇستىك قازاقستان وبلىسىنىڭ, باتىس قازاقستان وبلىسىنىڭ, اقمولا, ماڭعىستاۋ, الماتى, اتىراۋ, پاۆلودار, قوستاناي, باتىس قازاقستان, شىعىس قازاقستان, قاراعاندى وبلىستارىنىڭ اكىمدەرى, نۇر-سۇلتان, الماتى, شىمكەنت قالالارىنىڭ اكىمدەرى كۇشەيتىلگەن شارالار قابىلدادى. كۇشەيتىلگەن شارالار قوعامدىق تاماقتانۋ وبەكتىلەرىنىڭ تولتىرىلۋىن ازايتۋعا, كاسىپكەرلىك نەمەسە وزگە دە قىزمەت وبەكتىلەرىنىڭ جانە حالىقتىڭ تىنىس-تىرشىلىگىنە قىزمەت ەتەتىن نىسانداردىڭ جۇمىس كەستەسىن قىسقارتۋعا, شەكتەۋ شارالارىن ساقتاۋعا, دەمالىس كۇندەرى قوعامدىق كولىك قوزعالىسىن توقتاتا تۇرۋعا باعىتتالعان», دەدى ۆيتسە-مينيستر.
سونىمەن قاتار اجار عينيات ەلىمىزدەگى اۋرۋحانالار قاي دەڭگەيدە تولىقتىرىلعانىن ايتتى. بيىل 4 قاراشاداعى جاعداي بويىنشا ەلىمىزدەگى اۋرۋحانالاردا 14 903 ورىن جاساقتالدى, ونىڭ ىشىندە 12 767-ءسى – ينفەكتسيالىق, 7 136-سى – كارانتيندىك. ال رەانيماتسيالىق ورىندار سانى – 1 245. ەلىمىز بويىنشا اتالعان ورىنداردىڭ تولىقتىرۋ دەڭگەيى 15 پايىزى شاماسىندا نەمەسە 2 944 ورىن ناۋقاستاردى ەمدەۋمەن قامتىلعان. ينفەكتسيالىق ستاتسيونارلاردا تولىقتىرۋ دەڭگەيى – 20 پايىز. وڭىرلەر بولىنىسىندە بۇل كورسەتكىش سولتۇستىك قازاقستان وبلىسىندا جوعارى, ياعني تولىقتىرۋ دەڭگەيى 37 پايىزدى قۇرادى. ال باتىس قازاقستان وبلىسىندا كورسەتكىش 30 پايىز, نۇر-سۇلتان قالاسىندا دا 30 پايىز شاماسىندا.
رەانيماتسيالىق توسەكتەر 17 پايىزعا (213 توسەك) تولتىرىلعان, سقو-دا 38%, شقو-دا 29%, نۇر-سۇلتان قالاسىندا 28 پايىزىندا ناۋقاستار جاتىر.
كوروناۆيرۋس ينفەكتسياسىنىڭ پاندەميا كەزەڭىندە بالالاردىڭ دەنساۋلىعىن ساقتاۋ – ەلىمىزدىڭ دەنساۋلىق ساقتاۋ سالاسىنىڭ باسىم باعىتتارىنىڭ ءبىرى. كۇن سايىن جاڭا تۋعان نارەستەلەر مەن كوروناۆيرۋس ينفەكتسياسى بار بالالار جاعدايىنا مونيتورينگ پەن باقىلاۋ جۇرگىزىلىپ وتىر.
«وسى جىلى رەسپۋبليكادا سovid-19 دياگنوزى راستالعان بارلىعى 3 164 بالا تىركەلگەن, ونىڭ
114-ءى – جاڭا تۋعان نارەستە. بارلىق جاعدايدا پتر ناتيجەلەرمەن راستالعان. Covid-19 دياگنوزى زەرتحانالىق راستالماعان 1 810 بالا تىركەلدى. بۇل بارلىق تىركەلگەن جاعدايدىڭ 4,8 پايىزىن قۇرايدى. بالالاردا سovid-19 ينفەكتسياسىنان ءولىم-ءجىتىم بولعان جوق. كورونوۆيرۋس ينفەكتسياسىنىڭ اعىمى 85 پايىزى بالالاردا سيمپتومسىز جەڭىل ءوتتى. 14,2 پايىزى بالانىڭ ورتاشا دارەجەسىندە جانە 19 بالادا اۋىر بولدى. بۇل بارلىق جاعدايدىڭ 0,6 پايىزىن قۇرادى. قازىرگى كەزدە ىندەت بار 340 بالا باقىلاۋدا تۇر, ونىڭ ىشىندە جاڭا تۋعان – 3 نارەستە, 18 جاسقا دەيىنگى بالالار – 337, ەمدەۋگە جاتقىزىلعاندار – 55, امبۋلاتوريالىق ەمدەۋدە – 285. سونداي-اق 7 بالا اراسىندا ۆيرۋستىق پنەۆمونيا دياگنوزى قويىلعان, 3 پاتسيەنتتە پنەۆمونيا نەگىزىنەن باكتەريالىق سيپاتتا بولدى», دەدى ۆيتسە-مينيستر.
سونداي-اق ول سovid-19 ىندەتى بار 200 وقۋشى, بالاباقشانىڭ كەزەكشى توبىنا بارعان 18 بالا جانە ينتەرناتتان 21 بالا باقىلاۋدا تۇرعانىن جەتكىزدى.
«تامىزدان باستاپ رەسپۋبليكادا COVID–19 ىندەتىمەن استاسقان مۋلتيجۇيەلىك قابىنۋ سيندرومى (كاۆاساكيگە ۇقساس سيندروم) جاعدايلارى تىركەلە باستادى. اۋرۋ ۋشىققان جاز ايلارىنان كەيىن بالالار اراسىندا اتالعان ىندەت انىقتالدى. ءۇش اپتادان بەرى بالالار اراسىندا بۇل اۋرۋ تىركەلمەدى», دەدى ۆيتسي-مينيستر.
ونىڭ سوزىنە قاراعاندا, بيىل مۋلتيجۇيەلىك قابىنۋ سيندرومى بار 42 بالا تىركەلگەن, قازىرگى ۋاقىتتا مۇنداي دياگنوزى بار پاتسيەنتتەر جوق. بالالار ستاتسيونارلاردان ەمدەلىپ شىققان.
حالىقارالىق دەرەكتەردى تالداۋ كەزىندە (يۋنيسەف) قازىرگى ۋاقىتتا سovid-19 تارالۋىن جالپى قۇرىلىمداعى بالالار پوپۋلياتسيانىڭ ءرولى جەتكىلىكسىز زەرتتەلگەن دەيدى. سونىمەن قاتار اۋرۋدىڭ زەرتحانالىق راستالعان جاعدايلارى بويىنشا دۇنيەجۇزىلىك دەنساۋلىق ساقتاۋ ۇيىمى مالىمەتتەرىنە سايكەس جاعدايلاردىڭ 1-7 پايىزى بالالارعا تيەسىلى. ال وسى جاس توبىنداعى ءولىم باسقا توپتارمەن سالىستارعاندا تومەن دەگەن مالىمەت بەرگەن.
دەنساۋلىق ساقتاۋ ۆيتسە-ءمينيسترى ا.عينيات بيىل بالالار اراسىندا اۋرۋعا شالدىعۋ دەڭگەيى تومەندەگەنىن ايتتى.
«جالپى, نەگىزگى ستاتيستيكالىق دەرەكتەردە ەلىمىز بويىنشا بالا تۋ ارتتى, بالالاردىڭ اۋرۋشاڭدىعى مەن ءولىم-ءجىتىمىنىڭ دەڭگەيى تومەندەدى, وڭ وزگەرىستەر بايقالادى. اتاپ ايتقاندا, 2020 جىلدىڭ 9 ايىندا 320 302 بالا دۇنيەگە كەلدى, 2019 جىلدىڭ ۇقساس كەزەڭىنە قاراعاندا بۇل كورسەتكىش 5 پايىزعا جوعارى», دەدى ول.
وسى جىلدىڭ 9 ايىنىڭ قورىتىندىسى بويىنشا 18 جاسقا دەيىنگى بالالاردىڭ جالپى سىرقاتتانۋشىلىق كورسەتكىشى 15 پايىزعا تومەندەدى. بىلتىرمەن سالىستىرعاندا بالالاردىڭ اراسىندا تۇماۋ جاعدايلارى 28 پايىزعا از تىركەلدى. 2020 جىلدىڭ 9 ايىندا پنەۆمونيامەن جالپى سىرقاتتانۋشىلىق كورسەتكىشى 2019 جىلدىڭ سايكەس كەزەڭىمەن سالىستىرعاندا 3,5 پايىزعا تومەندەدى. سونداي-اق نارەستە ءولىمىنىڭ كورسەتكىشى 2,5 پايىزعا, بالالار ءولىمىنىڭ كورسەتكىشى 8 پايىزعا ازايدى.
قازىرگى پاندەميا كەزىندە بالالاردىڭ دەنساۋلىعىن ساقتاۋ ماقساتىندا دەنساۋلىق ساقتاۋ جۇيەسىندە كوپتەگەن شارا قابىلدانىپ جاتىر.
«بىرىنشىدەن, سovid-19 پاندەمياسى كەزىندە بالالارعا كورسەتەتىن مەديتسينالىق كومەكتىڭ ءتارتىبى بەكىتىلدى. بالالاردى سovid-19-عا كوروناۆيرۋس ينفەكتسياسى دياگنوستيكاسىمەن ەمدەۋ كلينيكالىق حاتتاماسى ازىرلەنىپ, حالىقارالىق ستاندارتتارعا سايكەس بەكىتىلدى. قازىر وسى كلينيكالىق حاتتامامەن بارلىق بالانى وڭىرلەردە مەديتسينالىق قىزمەتكەرلەر ەمدەپ جاتىر. سونىمەن قاتار وڭىرلەردەگى اۋرۋدىڭ قاتاڭ جاعدايىنداعى بالالاردى وسى رەسپۋبليكالىق دەڭگەيدە قالىپتاسقان ەكسپەرتتىك جۇمىس توبى بار. ونىڭ قۇرامىنا بەلگىلى عالىمدار, دارىگەرلەر كىرەدى. ءاربىر بالاعا تاۋلىك بويى كونسۋلتاتيۆتىك كومەك كورسەتۋدە. پاندەميا كەزىندە بالالارعا امبۋلاتوريالىق-ەمحانالىق دەڭگەيدە مەديتسينالىق كومەكتى ۇيىمداستىرۋ شەڭبەرىندە ءاربىر بالاعا, جۇكتى ايەلدەرگە بولەك فيلتر بولمەلەر قاراستىرىلدى», دەدى ۆيتسە-مينيستر.
