اگەنتتىك توراعاسى رۋدنىي قالاسىندا بولىپ, قوعامدىق ۇيىمداردىڭ وكىلدەرىمەن جانە مەملەكەتتىك قىزمەتشىلەرمەن كەزدەستى. ا.شپەكباەۆ جيىن بارىسىندا سىبايلاس جەمقورلىققا قارسى زاڭعا ەنگىزىلگەن سوڭعى وزگەرىستەر تۋرالى ءسوز قوزعاپ, كوررۋپتسيانىڭ الدىن الۋ جانە ەسكەرتۋ باعىتىندا ەل كولەمىندە جۇزەگە اسىرىلىپ جاتقان جۇمىستار جايىندا جان-جاقتى باياندادى.
اگەنتتىك توراعاسى قاراماعىنداعى لاۋازىم يەسىنىڭ جەمقورلىق ارەكەتىنە باسشىلاردىڭ تىكەلەي جاۋاپ بەرەتىنىن تاعى ءبىر ەسكەرتىپ, ازاماتتارمەن اشىق ديالوگ قۇرۋدى قالىپتاستىرۋدىڭ ماڭىزىنا توقتالدى. بۇل جەردە بيىل قىركۇيەك ايىندا قاشار كەنتىنىڭ اكىمى جاساعان جەمقورلىق قىلمىس ءۇشىن رۋدنىي قالاسىنىڭ اكىمى قىزمەتىنەن كەتكەنىن ايتا كەتكەن ءجون.
جەرگىلىكتى اتقارۋشى ورگانداردىڭ ازاماتتارعا قولايلى جاعداي تۋعىزىپ, جەمقورلىق تاۋەكەلدەرىن جويۋ ماقساتىنداعى جۇمىستاردى كۇشەيتۋ قاجەت ەكەنىن قاداپ ايتقان ا.شپەكباەۆ: «بۇگىنگى جەمقورلىققا قارسى زاڭنامالار ءاربىر باسشىعا جوعارى تالاپ مىندەتتەپ وتىر. سىزدەر مەملەكەتتىك ورگانداردىڭ جۇمىسى ءار باسشى قىزمەت بارىسىندا ادالدىق پەن تازالىققا ۇمتىلعاندا عانا ناتيجەلى بولاتىنىن ەستەن شىعارماۋلارىڭىز كەرەك. سوندىقتان باسشىلار جەمقورلىققا قولايلى احۋال تۋدىراتىن كەز كەلگەن جاعدايدى تۇبەگەيلى جويۋ شارالارىن بەلسەندى جۇرگىزۋى ءتيىس. بۇگىندە بۇعان قارسى كۇرەس قۇرالدارى جەتكىلىكتى, تەك شىنايى ۇمتىلىس قاجەت», دەدى.
قوستاناي وبلىسى
