بۇدان بۇرىن حابارلانعانىنداي, قازاقستاننىڭ تۇڭعىش پرەزيدەنتى كۇنىنە ارنالعان تاقىرىپتىق 10 كۇندىك شىرايلى شىعىس وڭىرىندە باستالىپ كەتتى. بۇل تۋرالى وبلىستىق اقپاراتتىق ورتالىعىندا وتكەن بريفينگتە وبلىس اكىمىنىڭ ورىنباسارى جاقسىلىق ومار جاريا ەتكەن ەدى.
بۇدان بۇرىن حابارلانعانىنداي, قازاقستاننىڭ تۇڭعىش پرەزيدەنتى كۇنىنە ارنالعان تاقىرىپتىق 10 كۇندىك شىرايلى شىعىس وڭىرىندە باستالىپ كەتتى. بۇل تۋرالى وبلىستىق اقپاراتتىق ورتالىعىندا وتكەن بريفينگتە وبلىس اكىمىنىڭ ورىنباسارى جاقسىلىق ومار جاريا ەتكەن ەدى.
– قازاقستاننىڭ تۇڭعىش پرەزيدەنتى كۇنى بيىل ەكىنشى رەت اتالىپ وتەدى. وسى ورايدا ءوڭىر تۇرعىندارىنىڭ جۇرەگىنە جول تاباتىن 600-دەن اساتىن ءىس-شارالار اۋدان جانە قالالاردا كەڭ كولەمدە ۇيىمداستىرىلاتىن بولادى. ونىڭ العاشقىسى 20 قاراشادا شەمونايحا قالاسىندا مەملەكەتتىك ءتىلدى مەڭگەرگەن وزگە ۇلت وكىلدەرىنىڭ قاتىسۋىمەن ءوتىپ, وعان ءتىل جاناشىرى اسىلى وسمانوۆا, ءتۇرلى دەڭگەيدەگى دەپۋتاتتار كەلدى.
تۇڭعىش پرەزيدەنت كۇنى جاڭا پىشىندە وتكىزىلىپ, بالالار ۇيلەرى مەن مەكتەپتەردە, بالاباقشالاردا مەملەكەت باسشىسى تۋرالى فيلمدەر كورسەتىلەدى, بۇلدىرشىندەردىڭ ەلباسى تۋرالى مازمۇندى ماعلۇماتتار الۋىنا باسا نازار اۋدارىلادى. بۇدان كەيىن تاعىلىمى مول شارالارعا ءوڭىر باسشىسى بەردىبەك ساپارباەۆ قاتىسىپ, سوناۋ نارىقتىڭ وتپەلى كەزەڭىندە كەندى التايداعى ءىرى كاسىپورىندارعا ەلباسىنىڭ تىكەلەي جاساعان قامقورلىعى جونىندە اڭگىمەلەپ بەرەدى دەپ كۇتىلۋدە.
«نازارباەۆ ۋنيۆەرسيتەتىنە» بيىل وڭىردەن تالانتتى 45 جاس وقۋعا تۇسكەن, بۇل رەتتە جوعارى ءبىلىم وردالارىنىڭ ۇستازدارىمەن, «تۋعان ەل – التىن بەسىگىم» اكتسياسى اياسىندا شىعىستان شىققان اتاقتى سپورتشىلارمەن جانە مەتسەناتتارمەن, كاسىپكەرلەرمەن وبلىس ورتالىعىندا كەزدەسۋلەر وتكىزىلمەك. تۇڭعىش پرەزيدەنت كۇنىن ەل ەسىندە قالاتىنداي مازمۇندى دا ءماندى ۇيىمداستىرۋ ارقىلى قازاقستاننىڭ تاۋەلسىزدىك العان 22 جىلىندا جەتكەن بەلەستەرى مەن بيىكتەرى جان-جاقتى كورىنىس تاپپاق.
وڭداسىن ەلۋباي,
«ەگەمەن قازاقستان».
وسكەمەن.
