"قازمەدپريبور" بۇگىننەن باستاپ ءوجج اپپاراتتارىن شىعارۋدى باستادى. كاسىپورىن تاۋلىگىنە 20-25 قۇرىلعى شىعارۋعا قاۋقارلى, – دەپ اتاپ ءوتتى قالا اكىمى.– "قازمەدپريبور" بۇگىننەن باستاپ يۆل اپپاراتتارىن شىعارۋدى باستادى. كاسىپورىن تاۋلىگىنە 20-25 قۇرىلعى شىعارۋعا قاۋقارلى", – دەپ اتاپ ءوتتى قالا اكىمى.
قالا اكىمدىگى اۋرۋحانالارعا العاشقى 88 يۆل اپپاراتىن جەتكىزۋگە تاپسىرىس بەرگەن بولاتىن. كاسىپورىننان مونيتورلار, ديسپەنسەرلەر, يمپۋلستىك وكسيمەترلەر, اناليزاتورلار – بارلىعى 32 مەديتسينالىق قۇرال-جابدىقتار ءتۇرىن ساتىپ الادى. قالا اكىمى شىلدە ايىندا اتالعان كاسىپورىن باسشىلارىمەن كەزدەسۋدە وتاندىق ءوجج اپپاراتىن شىعارۋدى باستايتىنىن ايتقان ەدى. ءۇش اي بويى وسى باعىتتا جۇمىستار اتقارىلدى.
"وزدەرىڭىز بىلەسىزدەر, كوروناۆيرۋس اۋرۋى قاتتى ورشىگەن كەزدە قالاعا جەلدەتكىش اپپاراتتارى قاجەت بولدى. ءبىز Kazmedpribor كومپانياسىمەن وسىنداي قۇرىلعىلاردى شىعارۋ مۇمكىندىگىن تالقىلادىق, ناتيجەسى مىنە. ونىمدەر سەرتيفيكاتتاۋدان ءوتتى, كاسىپورىن جەلدەتكىشتەر شىعارۋدى باستادى. اپتانىڭ اياعىنا دەيىن العاشقى 88 ءوجج اپپاراتى جەرگىلىكتى اۋرۋحانالارعا جەتكىزىلەدى. جاقىن ارادا اۋرۋحانالار مەن ەمحانالار شىمكەنتتە شىعارىلعان جابدىقتارمەن قامتاماسىز ەتىلەدى", – دەدى قالا اكىمى.
مۇرات دۇيسەنبەك ۇلىنىڭ ايتۋىنشا, شىمكەنتتە ەپيدەميولوگيالىق جاعداي تۇراقتى. ينفەكتسيا وشاقتارى جانە بايلانىستا بولعان ادامدار امبۋلاتورلىق باقىلاۋعا الىنادى. سونداي-اق, بيىل قالانىڭ مەديتسينالىق مەكەمەلەرىن ماتەريالدىق-تەحنيكالىق جابدىقتاۋعا 6,6 ملرد تەڭگە قاراستىرىلعانىن ايتتى. وتكەن جىلمەن سالىستىرعاندا بۇل قارجى التى ەسە كوپ. Kazmedpribor – كوروناۆيرۋسپەن كۇرەسۋ ءۇشىن قاجەتتى مەديتسينالىق تەحنيكا شىعاراتىن بىردەن-ءبىر كاسىپورىن.
كاسىپورىن 50 مىڭ دانا مەديتسينالىق جابدىق, 150 مىڭ دانا مەديتسينالىق جيھاز, 1000 اۆتوموبيل وندىرۋگە قاۋقارلى. ايتا كەتسەك, اتالعان كاسىپورىن گەرمانيا, جاپونيا, كورەيا كومپانيالارىمەن بىرلەسىپ, 300-دەن استام مەديتسينالىق بۇيىمدار شىعارادى. ءونىمنىڭ نەگىزگى تۇرلەرى: مەديتسينالىق ماشينالار; پاتسيەنتتەرگە ارنالعان مونيتورلار; ەكگ اپپاراتى; فۋنكتسيونالدى كەرەۋەتتەر جانە وزگە دە جابدىقتار. وندىرىستىك قۋاتى: جىلىنا 50 مىڭ دانا مەديتسينالىق جابدىق; جىلىنا 150 مىڭ دانا مەديتسينالىق جيھاز; جىلىنا 1000 دانا مەديتسينالىق كولىك. سونىمەن قاتار, كومپانيا ءونىمنىڭ جاڭا تۇرلەرىن - ءشپريتستى سورعى, جاڭا تۋعان نارەستەلەرگە ارنالعان ينكۋباتور شىعارۋدى يگەردى.
