ءدارىسحانانىڭ اشىلۋ راسىمىنە وقۋ ورنىنىڭ باسشىلىعى مەن پروفەسسورلىق-وقىتۋشىلىق قۇرامى, گەنەرالدىڭ بۇرىنعى ارىپتەس دوستارى مەن تۋعان-تۋىسى جينالدى.
زاماناۋي تەحنولوگيامەن جابدىقتالعان وقۋ زالىنىڭ لەنتاسىن جوو-نىڭ باستىعى پوليتسيا پولكوۆنيگى نۇرلان بيەكەنوۆ پەن وتستاۆكاداعى سۋديا باقىتقازى ورداباەۆ قيدى.
– وسى ءبىلىم ورداسىنىڭ قالىپتاسۋىنا ەلەۋلى ەڭبەك سىڭىرگەن بەلگىلى تۇلعالاردىڭ ەسىمى ۇمىتىلماۋى ءتيىس. ولاردىڭ ونەگەلى ءومىرى مەن ەڭبەك جولى بۇگىنگى جاس بۋىن ءۇشىن ۇلگى-ونەگە بولۋى قاجەت. وسىنداي ماقساتتا بۇگىن اشىلعان جاڭا ءدارىسحانادا وتەتىن ساباقتار ىشكى ىستەر ورگاندارىنا ەرەن ەڭبەك سىڭىرگەن قايراتكەر, وسى جوعارى وقۋ ورنىن ءبىرىنشى بولىپ باسقارعان تالاپ قابدەن ۇلىنىڭ قىزمەتىمەن ساباقتاسا ءوتۋى كەرەك دەپ ويلايمىن. كۋرسانتتارىمىزدىڭ بويىنا وتانشىل سەزىم ۇيالاتىپ, تالاپ اعانىڭ ەڭبەك جولىن ونەگە ەتە بىلسەك, جاستاردىڭ ناعىز ەلشىل, مەملەكەت مۇددەسىنە ادال ازامات بولىپ قالىپتاسۋىنا ءوز سەپتىگىمىزدى تيگىزە العانىمىز, – دەدى نۇرلانبيەكەنوۆ.
Zoom پلاتفورماسىندا ۇيىمداستىرىلعان شاراعا تالاپ قابدەنوۆءتىڭ ءوزى دە قاتىستى. ول: «بەينە بايلانىسقا شىعىپ, وزدەرىڭىزبەن جۇزدەسىپ وتىرعانىما قۋانىشتىمىن. قيىن كەزەڭدە اشىلعان جوعارى مەكتەپتىڭ – ينستيتۋت, ودان ءارى اكادەميا بولىپ قايتا قۇرىلعانى, وعان شىراقبەك قابىلباەۆ ەسىمىنىڭ بەرىلۋى زور ابىروي. شىراقبەك قابىلباەۆ – ىشكى ىستەر ورگاندارىنىڭ قارا نارى ىسپەتتەس بولعان تۇلعا. وسىنى ءاردايىم ەسكەرىپ جۇرسەڭىزدەر, بۇگىنگى يگى شارالارىڭىز دا جاستاردى تاربيەلەۋگە سەپتىگىن تيگىزسە ەكەن دەيمىن. وزىق وقىتۋ قۇرالدارىمەن جاراقتاندىرىلعان زال وقىتۋشىعا قانات بىتىرەدى. ءوزىنىڭ ءبىلىمىن اۋديتورياعا ۇعىنىقتى تۇردە, جان-جاقتى جەتكىزۋىنە جول اشادى. سوندىقتان دا ءبىلىم ءنارىن سىڭىرۋدە زاماناۋي ءدارىس زالىنىڭ ءرولى قاشاندا زور.سىزدەردىڭ وسىنداي ءار وڭ قادامدارىڭىز مەنى قاتتى قۋانتادى» – دەپ ريزاشىلىق سەزىمىن ءبىلدىردى.
بۇدان ءارى LED ەكراننان جوعارى وقۋ ورنىنىڭ تاريحىنان, ونىڭ تۇڭعىش باستىعى تالاپ قابدەن ۇلىنىڭ ونەگەلى ءومىر جولى مەن عيبراتتى قىزمەتىنەن سىر شەرتەتىن دەرەكتى فيلم كورسەتىلدى.
شارا سوڭىندا, ءمانى ەرەكشە يگى ىسكە جينالعاندار گەنەرالدىڭ كورنەكى پورترەتى اياسىندا سۋرەتكە ءتۇسىپ, ءبىلىم وشاعىنىڭ مۇراجايىمەن تانىستى.
قوستاناي وبلىسى
