ول پرەمەر-مينيسترگە دەپۋتاتتىق ساۋال جولدادى. سەناتوردىڭ ايتۋىنشا, ەكى جىل بۇرىن قابىلدانعان زاڭدارعا تۇزەتۋلەر ەنگىزىلگەنىمەن, بۇل سالادا ءالى كۇنگە دەيىن ىلگەرىلەۋ بولماي تۇر.
"مۇراعات قورىن تولتىرۋ جانە مەملەكەتتىك مۇراعات مەكەمەلەرىن ىرىكتەۋ كوزدەرىنىڭ ءوسىمى 20 جىلدا ەكى ەسەدەن استى. ايتا كەتۋ كەرەك, كوپتەگەن مەملەكەتتىك ارحيۆتەر ءتيىستى جابدىقتاردىڭ جوقتىعىنان ساقتاندىرۋ قورلارىن قۇرا الماي كەلەدى. قويمالاردىڭ كوپشىلىگى 100% جۇكتەلگەن, قۇجاتتاردى ءارى قاراي قابىلداۋعا جانە ساقتاۋعا ورىن جەتىسپەيدى. ال مەملەكەتتىك ارحيۆتەردىڭ عيماراتتارى جيىركەنىشتى كۇيدە. وسىعان بايلانىستى, ەلىمىزدىڭ ايماقتارىندا تيپتىك مامانداندىرىلعان عيماراتتار سالۋ مۇمكىندىگىن تابۋ كەرەك نەمەسە ماسەلەنى باسقاشا شەشۋدى ويلاستىرۋ كەرەك", دەدى سەرگەي ەرشوۆ.
دەپۋتات مۇراعات ءىسى سالاسىندا بىلىكتى كادرلاردى دايارلاۋ دا قاجەت ەكەنىن ايتىپ, ۇلتتىق ارحيۆتەردى مەملەكەتتىك دەڭگەيدە قورعاۋ ماسەلەسىنە توقتالدى.
"بۇگىنگى كۇنى وبلىستىق (اۋداندىق, قالالىق) مەملەكەتتىك ارحيۆتەردىڭ عيماراتتارىن قورعاۋدى جەكە كۇزەت ۇيىمدارى, سونداي-اق مۇراعات مەكەمەلەرىنىڭ جەكە قۇرامى نەمەسە عيمارات يەلەرى تاڭدايتىن كۇزەت ۇيىمدارى قامتاماسىز ەتەدى", دەپ اتاپ ءوتتى سەرگەي ەرشوۆ.
مادەنيەت جانە سپورت مينيسترلىگىنىڭ قۇرىلىمىندا بولاتىن مەملەكەتتىك مۇراعاتتاردىڭ ەكىنشى ورىندا بولۋىنا سەناتور كوڭىلى تولماي وتىر.
"وسى سالاداعى كەيبىر ماسەلەلەردى شەشۋ ءۇشىن 2020-2025 جىلدارعا ارنالعان ارحيۆ-2025 جوباسىن ىسكە اسىرۋدىڭ كەشەندى ءىس-شارالار جوسپارى بەكىتىلدى. ونى ىسكە اسىرۋعا 14,1 ميلليارد تەڭگە قاراستىرىلدى. الايدا جوسپاردى ىسكە اسىرۋعا ارنالعان بيۋدجەتتىك ءوتىنىم رەسپۋبليكالىق بيۋدجەتتىك كوميسسيانىڭ وتىرىسىندا ماقۇلدانبادى", دەيدى سەرگەي ەرشوۆ
سەناتور ۇكىمەت باسشىسىنان كەشەندى جوسپاردى جۇزەگە اسىرۋعا جانە مينيسترلىكتە جاڭا كوميتەت نەمەسە ۇلتتىق مۇرانى ساقتاۋ ءۇشىن جاۋاپ بەرەتىن تاۋەلسىز قۇرىلىم قۇرۋعا قاراجات ءبولۋدى سۇرادى.
