ايماقتار • 22 قازان، 2020

بەيساۋات جۇرىسكە شەكتەۋ قويىلدى

15 رەت كورسەتىلدى

جۇقپالى ىندەتپەن كۇرەسۋ شاراسى جەتىسۋ ولكەسىندە دە كۇن تارتى­بىنەن تۇسكەن جوق. پاندەميانىڭ ەكىنشى تولقىنىنا دايىن­دىق جوعارعى دەڭگەيدە ءجۇرىپ جاتىر. قازىر وبلىستىڭ باس سانيتار دارىگەرىنىڭ شەشىمىمەن وڭىردە بىرقاتار شەكتەۋلەر قويىل­دى.

ماسەلەن، تالدىقورعان قالا­سىندا قو­عام­دىق كولىك قاتى­ناسى ارنايى كەستە بويىن­شا جۇرە باستادى. سونداي-اق ادام كوپ شو­عىر­لا­نا­تىن ساۋ­دا-ساتتىق، مادەني مەكە­مە­لەر مەن سپورت نىساندارىنىڭ قىز­مە­­تىنە دە شەكتەۋلەر ەنگىزىلدى. مەكە­مە­لەر­دە­گى قىزمەتكەرلەر سانىن مەي­لىنشە ازايتۋ ماق­سا­تىندا قا­شىقتان جۇمىس ىستەۋ رەجىمى قاي­تا قول­دانىلۋدا.

جالپى، الماتى وبلىسىندا جەكە قورعانۋ قۇرالدارىنىڭ 3 ايلىق قورى، دارىلىك زاتتاردىڭ 2 ايلىق قورى بار ەكەن. ال پاندەميامەن كۇرەسكە جەرگىلىكتى بيۋدجەتتەن 13 ملرد تەڭگە قاراس­تى­رىلعان بولسا، ونىڭ 8،1 ملرد تەڭگەسى ەكىنشى تولقىنعا دايىن­دىق ءۇشىن بولىنگەن.

– وبلىستىڭ دەنساۋلىق ساقتاۋ مەكەمەلەرىندە جەكە قورعانۋ قۇرالدارىنىڭ 3 ايلىق قورى، اتاپ ايتقاندا 6،2 ملن بەتپەردە، 2،5 ملن دانا قولعاپ، 74،6 مىڭ ءبىر رەت قولدانىلاتىن قورعانىش كوس­تيۋم­­دەرىنىڭ جيىنتىعى بار. ال دارىلىك زاتتاردىڭ 2 اي­لىق قورى قالىپتاستىرىلعان، ناقتىلاپ ايتساق، ستاتسيونارلاردا 1،4 ملرد تەڭگەگە 204 ءتۇرلى ءدارى، امبۋلاتوريالاردا 101 ملن تەڭگەگە 5 ءتۇرلى ءدارى قورى بار، – دەيدى وبلىس اكىمىنىڭ ورىنباسارى باتىرجان بايجۇمانوۆ.

سونداي-اق تۇراقتاندىرۋ قو­رىنا قوسىمشا 800 ملن تەڭگە ءبو­لى­نىپ، جالپى قارجى كو­لەمى 1،3 ملرد تەڭگەنى قۇرادى. ونىڭ ىشىندە 500 ملن تەڭگەگە دارى­لىك زاتتاردىڭ 30 ءتۇرىن ساتىپ الۋ­عا «INKAR» جشس بى­ر­ىڭعاي ديستريبيۋتەرىمەن كە­­لى­سىم­شارت جاسالعان. مۇنان بولەك، «سق فارماتسيا» ارقىلى ءدارىحانالار ءۇشىن 33 ءتۇرلى دارىگە 63 ملن تەڭگەلىك ءوتىنىم بەرىلگەن، قوسىمشا 1 ملن دانا بەتپەردە ساتىپ الىندى. وسى رەتتە حالىقتىڭ الەۋمەتتىك وسال توپتارى دا نازاردان تىس قالمايدى. مۇقتاج ادامدار ءۇشىن جەرگىلىكتى بيۋدجەت ەسەبىنەن 92 ملن تەڭگەگە ۆيرۋسقا قارسى پرەپاراتتاردىڭ 4 ءتۇرى ساتىپ الىنعان ەكەن.

ايتپاقشى، الماتى وبلىسى جەكە قورعانۋ قۇرالدارى ءون­دى­رىسىن جولعا قويعان بىرەگەي ءوڭىر. ايماقتاعى «دولچە»، «سپ «ابدي يبراحيم گلوبال فارم»، «كەلۋن-كازفارم» كومپانيا­لارى وتاندىق نارىققا ءدارى-دار­مەك قانا ەمەس، مەديتسينالىق پرە­پاراتتار دا شىعارىپ جاتىر. جىل باسىنان بەرى مەديتسينالىق ماسكا تىگۋگە 5 تىگىن كاسىپورنى بەيىمدەلدى. ءبىر عانا تالدىقورعان قالاسىندا ماسكا تىگەتىن ءۇش قا­بات­تى تسەح جۇمىس ىستەيدى.

جالپى، وڭىر­دەگى وندىرىستەر تاۋلىگىنە بار­لىعى 250 مىڭ دانادان استام بەت­پەردە شىعارادى. ال وبلىس ءدارىحانالارىندا ساتىلاتىن ماس­كا­نىڭ بولشەك ساۋداداعى ورتاشا باعاسى 40 تەڭگە شاماسىندا.

 

الماتى وبلىسى

 

سوڭعى جاڭالىقتار

اراق ساتىلمايتىن اۋدان

ايماقتار • بۇگىن، 21:11

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

ۇقساس جاڭالىقتار