سونىمەن, قامىستى اۋىلىندا جاس ماماندارعا 4 پاتەر بەرىپ, التىنسارين اۋىلىنا سۋ قۇبىرىن تارتىپ, اۋداندى اباتتاندىرۋعا قارجىلاي كومەك كورسەتكەنى ءۇشىن, سونداي-اق, ءوزى تۋىپ-وسكەن وڭىردە ءىرى الەۋمەتتىك جوبالاردى جۇزەگە اسىرىپ جۇرگەن «التىنسارين» جشس ديرەكتورى بوريس كنيازەۆ «جىل مەتسەناتى» نوميناتسياسى بويىنشا ماراپاتتالدى.
ال «جىلدىڭ ۇزدىك ۇيىمى» نوميناتسياسىمەن «ولجا اگرو» جشس ماراپاتتالدى. سەرىكتەستىك جىل سايىن سوعىس جانە ەڭبەك ارداگەرلەرىنە, حالىقتىڭ الەۋمەتتىك ءالسىز توپتارىنا ماتەريالدىق كومەك كورسەتىپ كەلەدى. ماسەلەن, بيىل «مەكتەپكە جول» اكتسياسىنا قاتىسىپ, اۋىلداردى اباتتاندىرۋعا ۇلەس قوستى. سونداي-اق, كوپ بالالى وتباسىلار مەن جەتىمدەرگە باسپانا سىيلادى. پاندەميا كەزىندە وبلىستىڭ مەديتسينا ۇيىمدارىنا وتتەگى كونتسەنتراتتارى مەن 50 وتتەگى باللونىن ساتىپ الدى. ⠀
«جىل تۇلعاسى» نوميناتسياسى «تويساي» جشس ديرەكتورىنىڭ ورىنباسارى احمەت سادىقوۆقا تابىس ەتىلدى. اتالمىش سەرىكتەستىك اۋىلدىق ەلدى مەكەندەردە ءىرى الەۋمەتتىك جوبالاردى ىسكە اسىرىپ, از قامتىلعان, كوپ بالالى وتباسىلارعا, جەتىم بالالارعا, مۇمكىندىگى شەكتەۋلىلەرگە, ۇوس ارداگەرلەرى مەن زەينەتكەرلەرگە قولداۋ كورسەتىپ كەلەدى. بيىل ا.سادىقوۆ ۇزىنكول اۋدانىنىڭ جاس ماماندارىنا بىرنەشە پاتەر تارتۋ ەتتى.
«تۋعان ولكە» نوميناتسياسىن دەمەۋشىلىك كومەك كورسەتۋگە باعىتتالعان الەۋمەتتىك جوبالاردى ىسكە اسىرعانى ءۇشىن «وتەي-تەلەكوم» كومپانياسىنىڭ ديرەكتورى سەرىك قازىمبەك ۇلى قاناپين يەلەندى. ەكى جىل بويى مەتسەنات امانگەلدى اۋدانىن اباتتاندىرۋمەن اينالىستى. ەكى شاعىن فۋتبول الاڭىنىڭ قۇرىلىسىنا دەمەۋشىلىك جاسادى.
ەرىكتىلەر قوزعالىسىنا بەلسەندى ات سالىسقانى ءۇشىن 17 جاستاعى جانسەيىت قۇرمانعاليەۆ «ەرەن ەرىكتىلىك» نوميناتسياسىنىڭ جەڭىمپازى اتاندى. جانسەيىت گەموفيليا دياگنوزىمەن اۋىراتىندىعىنا قاراماستان, كارانتين كەزەڭىندە قاجەت بولا قالعان جاعدايدا «ازاماتتىق اليانس» ەرىكتىلەرىمەن بىرگە ءجۇرىس-تۇرىسى قيىن ناۋقاستارعا ءدارى-دارمەكتەر مەن ازىق-ت ۇلىك پاكەتتەرىن تاسىمالداعان.
قوستاناي وبلىسى
